زعيم الكرة السودانية يتأهب لنزال العاجيين

يتأهب فرسان الزعيم اليوم هلال امة الامجاد للقاء افريكا سبورت العاجى فى لقاء الاياب فى دورى الابطال الافريقى للترقى لدور الستة عشر
وكما هو معروف فان الهلال يدخل اللقاء بفرصة الفوز او التعادل السلبى
والفوز بأى نتيجة يجعل الهلال فى المرحلة القادمة
وكما هو معروف فان الهلال ظل يمثل تواجد ( طبيعى) فى دورى مجموعات ابطال افريقيا
وهو الثالث على مستوى البطولة فى العام الماضى
ونال جمهور الهلال( الصفوة الحقيقية) جائزة الاتحاد الافريقى كأفضل جمهور فى بطولة العام الماضى
بكل هه الانجازات يدخل اشاوس الهلال اليوم وعينهم على الوصول للدور القادم
تشكيل الهلال:-
من المؤمل ان يقود الهلال اليوم كل من :-
المعز محجوب للمرمى- بارى ديمبا وسامى عبد الله ( متوسطى دفاع) - خليفة وعثمان امادو( اطراف) - هيثم مصطفى ( صانع العاب) - علاء الدين يوسف- عمر بخيت ( محورى ارتكاز)- مهند ( وسط مهاجم)- سادومبا - امبيلى ( للهجوم)
ويملك كامبوس المدير الفنى للهلال العديد من الاوراق الرابحة فى دكة بدلائه
كل الامنيات بالتوفيق لزعيم الكرة السودانية هلال الملايين بالنصر المؤزر
وما النصر الا من عند الله

(((وكما هو معروف فان الهلال يدخل اللقاء بفرصة الفوز او التعادل السلبى ))))

انت ياراشد فوز الزعيم وتاهله لدور ١٦ خلاك ما مركز ولا نتيجتكم فى الذهاب رااااااايحة ليك
٠٠٠٠بالله فسر لينا كيف اى تعادل ممكن تتاهلوا بية
٠٠٠٠وشااااااااااحد الله لو مرقتوا من الجماعة فى الزريبة اليوم على اسوء الفروض بى تعادل ايجابى
٠٠٠٠وعلى زكر الترجى انت متزكر قصة الفنان ترباس لما سافر مع الهلال ومشى يشرب موية وجا لقاكم لحقتوا امات طه ٠


٠٠٠٠قال ايه قال تعادل سلبى بياهل المهلهل

انت يا وليد الظاهر عليك ما لبست نظارتك المن سنة حفروا البحر
ودخلت توووووش طوالى فى قراية الموضوع
هو الهلال بتعادل اليوم ؟
الهلال بحول الله الواحد الاحد منتصر اليوم
اما تاريخ مريريخك ده فهو كالاتى:-
مهزوم من سان جورج الاثيوبى تسعة صفر والارشيف موجود
مغلوب من الوحدات الاردنى سبعة وكرومى موجود اسألوه او خللوه
مهزوم من الاهلى المصرى خمسة صفر مما ادى لاعتزال حامد بريمة
ده غير فضايح بصمة علاء الدين يوسف
وناس حاحا البياكلوا فى عطبرة التفاحة

يا زول نحن الادب والاحترام لابسنو هدوم
وانا ما بلومك على ردك الزى عصير اللبن بالدوم
احترام الاسر نخن اهلو واسأل عننا الخرطوم
بس ايه نقول اكان الدنيا لمتنا مع البلوم والبوم

تبعنا المجالس ودرنو قدرنا
وقعدنا مع الما بسوانا وما هو قدرنا
اكان بالدهب نشتريهو كدرنا
ما فيش فايدة نشحن بالغبينة سدرنا
وان عدتم عدنا يا( موزنبيق)
بعدين انا بعرفك الليلة ولا امس

وبطل الجرسة
والهلال قامة سامقة لا تطاله كتابات الاستهزاء والسخرية
وطالما انت بتكتب المهلهل وقاصد الهلال
نحن بنرد عليك بأسلوبك
وحسب مستواك فى التعبير
نحن اى زول بنخاطبو قد مستواه
اما اسلوبك الما بعرفو انا احتفظ بيهو لنفسك وكلم بيهو ما تراه مناسبا من مستويات

شفاك الله وعافاك