يا المحبوب انا جيتك جااااري (توجد حشوووود)

يا حافظ يا خوي انت مغستك معاي شنو ؟؟
أنا زول بشارك بي رايي زي وزي الناس ،،
السبب شنو البخليك تفتح بوست باسمي ؟؟
باقي انا جديد في الانترنت
يعني لمن أتدخل ليك في بوست ويغلبك الرد ،،
أو تهاتر بعبارات مساطب دار الرياضة ونرد عليك بي موضوعية تسد نفسك ،،
تقوم تختف المايق وتقج لي بوست ويالمحبوب أنا جيتك جاري ،،
شوف يا حا فظ داير تجر يا خوي أجر بعيد مني ،،
أنا ما عندي لياقة أجر بيها جنس جريك دا ،،
شوف ليك واحد جراي سابقو لكن انا والله ما بقدر على جنس البسو فيهو دا ،،
أرجوك تشيلني من دماغك فوراً ونهائياً وإلى الأبد ،،
وما يصور ليك فهمك بأن المعركة مع هذا الظلام سوف تبدأ غداً وتنتهي بإعلان النتائج ،،

يا حا فظ ما تنفعل ،،
وبي رواقة وكان في رد على رسالة خاصة يجيني في الخاص ممكن ؟
وبمناسبة الطين ،،
ففي طين بيناتنا
ومش طين وبس
وعشرة
وملح وملاح
يا حا فظ أكان نسيتا بذكرك ليـها بالصورة دي

ما ترد المنعك منو ؟؟
وبمناسبة الرد رايك شنو في الصورة دي ؟؟

العزيز دوما الاستاذ المحبوب عرفناك رياضيا وسياسيا واداريا واوفوكاتو كبير علي مستوي عالي
وكاتبا ساخرا وكل شئ شي جميل نلاقيه عندك كيف تفوت عليك الماسوره بتاعت حافظ
وهذه مدحه ومن اجمل ما كتب الشيخ الجيلي وكل يوم بجيبوها في التلفزيون ولكن لك العزر بمناسبه الانتخابات
تحياتي لك المحبوب

ياخوانا المحبوب دا عامل شكله مالوا
في شنو هو انا يادوب قايم من النوع صحاني الكوراك
ويا المحبوب انا جيتك جاري بشوق و محبة
و دمعاً جــــــــــــــاري
الغريبة انا كل يوم بسمعه

يا بكري يعني بتقصد إنك لقيتني أصوت بأعلى صوتي ولا كيف ؟؟
بعدين صاحي مالك ماتمش تنوم ،،
وإن شاء الله ما تصحى إلا بعد ثلاثة يوم
تقوم تلقى البلاد مخنوقة بفوز الجماعة ديل زي ما بقول كمال الجزولي.
وعلى فكرة قالو فريق حلة ود أم بخت فاز بكأس العالم

اخى العزيز حاففظ احمد
تحياتى
ماعرفه عنك انك اتحادى وفى الاتحادى تبع ناس سيدى
ومتى تبدلت المواقف اشرح لناس المحبوب ماوجدته
فى المؤتمر الوطنى ربما يجزو بحزوك وربما تتبدل
افكارهم ويكونوا من مناصرى البشير كما تبدلت افكارك
فلا تيأس وحاول ثم حاول فاننا نجد الخير فيهم
ارجوك حاول

الفاضل الجمل كتب:

اخى العزيز حاففظ احمد
تحياتى
ماعرفه عنك انك اتحادى وفى الاتحادى تبع ناس سيدى
ومتى تبدلت المواقف اشرح لناس المحبوب ماوجدته
فى المؤتمر الوطنى ربما يجزو بحزوك وربما تتبدل
افكارهم ويكونوا من مناصرى البشير كما تبدلت افكارك
فلا تيأس وحاول ثم حاول فاننا نجد الخير فيهم
ارجوك حاول

الاخ الفاضل الفاضل
انت من زمن ناس سيدي وسيدك
السيادة لله
وليه نحن نكون منغلقين علي انفسنا
يعني عشان من قمنا ولقينا ابواتنا اتحاديين
لازم نكون نحن اتحاديين
ودا المقتس حجرنا

يا سلام عليك يا حريف وهو إنت كنت قايل انا ما عارف المحبوب الفي المديح المقصود بيهو منو ؟؟
طيب يا أخي حافظ ،،
إذا كان المحبوب المقصود هو سيد الخلق محمد بن عبد الله ...
ففي ذمتك دي بجرو ليهو بي جنس عباراتك الفوق ديك ،،
حمام ميت وهاك الشاكوش وهاك المسمار ،،
جاوبني حاول حس بي ،،
الرموز قالو طلعت ملخبته سمعت بيـها ؟؟
عليك النبي بدل الجري وراء المحبوب ،،
ما كان أفضل ليكم تقعدوا في كراسيكم وترصوا الرموز
كل رمز قدام سيدو
يعني في داعي يكون رمز عباس عبد النبي موسى ((السنبلة ))
يجي يلقى السنبلة أدوها لعطا المنان خير السيد الفحل ؟؟
وفي هذه الحالة بكون عباس أخد شاكوش
وعطا المنان خير السيد الفحل ياخد بمبة