دفن الليل ابكراعاً برة ،،،، المفوضية لخبتت الرموز في بربر وقولوا واحد

http://www.aawsat.com/details.asp?section=4&article=564869&issueno=11458

http://www.aawsat.com/details.asp?section=4&article=564822&issueno=11458

كتب المحبوب أحمد الأمين

يا خوانا ما في واحد حافظ أغنية محمد ميرغني البقول فيـها
ما قلنا ليك قاسي وصعيب من أولو
ما سمعت كلامنا
وجيت براك
أهو دا العذاب إتحملو ،،
إتحملو

يا المحبوب انا اسف للتأخير البوست دا ما شفته الا الان وطلبك على العين والراس وانا عارفك حا تبدع في تغيير بعض الكلمات لتتناسب مع لونيتك المحببه الينا واذا في بعض الاخطاء اتمنى تداركها


شوف كم زمن ما شلنا هم *** ولا عشت يا قلبي العذاب
سرحت في الليل الشجون *** ما عرفت ليك دربك معاك
الحب طريق محفوف صعاب وانت لسه في اوله
ما قلنا ليك الحب طريق قاسي وصعيب من اوله
ما اظن كلامنا يزيل بلاك اهو دا العذاب اتحملو

مرت سينين الشوقمعاك ***ولا هلا في دنياك ربيع
عانيت جحيم الحب وفاء *** قاسيت حلاوة الريد دموع
راضي وسعيد من وين تضيع وتسير طريق ما بتوصلو

يا قلبي قالو الحب عذاب *** افراحو خافيها الالم
في ظلي ما بنخشى المصير *** في صفاه ما بنفقد عشم
صدقني مهما ليك ظلم ما اظن حنانو بتبدلو

ارجوك ما تخذلني انا في انتظار ابداعاك على الكلمات وانا ما متأكد ما ينقص من قدرها شئ بل اضافة

يا متوكل شكرا ياخي على اهتمامك ،،
لكن بيني وبينك وبامانه زي في لغم في المداخلة بتاعتك دي ،،

كتب المحبوب أحمد الأمين
يا متوكل شكرا ياخي على اهتمامك ،،
لكن بيني وبينك وبامانه زي في لغم في المداخلة بتاعتك دي ،

؟؟؟؟ يا المحبوب دي اخرتها تشكك في نواياي
والله حقو الواحد يشكيك لشيخ القبيلة بتاعنا في المنتدى (عوض النمير ) له التحايا
واللغم البتفجر فيك فتفجر فينا كمان
واخيرا على بالطلاق تلاتة ما هو طلاق عمر ما قاصد الا اشوف ذوقك
وانا في انتظار تحريفك لكلمات الاغنية

اها دا ما اللغم ذاتو ،،
كيف أحرف كلام شاعرعلى عينك يا تاجر ؟؟
عموماً جاري البحث في طلبك وحا نلبيهو ليك لكن في حتة تانية بس المزاج يصلح ،،
بعدين ما أي حاجة تاخدوها جد جد.. ياخي انت وبكري الواحد لو ختاكم كان اسي يكون في الكاملين دوت كوم ،،
بالمناسبة صوتا ولا لسه ؟؟
قالوا ــ والله يكفينا شر قالوا ــ الرموز إتلخبتت لخبته شديدة خلاص

كتب المحبوب أحمد الأمين
اها دا ما اللغم ذاتو ،،
كيف أحرف كلام شاعرعلى عينك يا تاجر ؟؟
عموماً جاري البحث في طلبك وحا نلبيهو ليك لكن في حتة تانية بس المزاج يصلح ،،
بعدين ما أي حاجة تاخدوها جد جد.. ياخي انت وبكري الواحد لو ختاكم كان اسي يكون في الكاملين دوت كوم ،،
بالمناسبة صوتا ولا لسه ؟؟
قالوا ــ والله يكفينا شر قالوا ــ الرموز إتلخبتت لخبته شديدة خلاص


والله يا المحبوب عرفناك صاحب طبع لذيذ يحب الضحك والضاحكين وتجلجل ضحكتك حتى يهتز بدنك ويتاثر بها بقية الابدان المجاورة اتمنى ان لا تكون السياسة اخذت منك هذا
وكان سجلت في الكاملين دوت كوم نحن ذاتو كان سجلنا في الكاملين دوت كوم
وسؤالك عن تصويتي : انا والله السياسه دي ما بعرف فيها التكتح وعشان كدة ما سجلته عشان ما اصوت
والرموز اللتلخبتت في الانتخابات ما عندي شغله فيها انا بتهمني لخبتت الكلام في الونسة
وانا ما زلت في انتظار لخبتت كلمات الاغنية

كتب عوض نمير
متوكل لك منى و الاسرة ألف تحية
ياخى لما تشتكى لى أشتكى لى زول (سـاى ) ...مش تشتكى لى أستاذ و فى القانون كمان [/right]
[/quote]

اديك العافية ود النمير وللاسرة الصغيرة والكبيره التحايا العطرة
المستشار حلمه نضب ولا شنو انا قلت اشكيه ليك لقيتكم لاعبين ياري انا الا اشكيه في رفاعة
بمناسبة رفاعة دي في اخر الثمانينات كنت عايز من واحد قروش رفض يرجعه لي وهو كل اصحابه من شرطة الحصاحيصا قال لي امشي اشتكيني قلت ليهو الا اشكيك في رفاعة فضحك لما قعد في اشللة ورجع لي قروشي

في ولاية الجزيرة ما زالت الحملات الدعائية مستمرة

في الماطوري جاءت عربة دعائيات توزع في كابات ومرايل تحمل رمز المؤتمر الوطني و صورة البشير .

الشهداء : مازالت الدعاية كما هى على الشاشة الالكترونية

وفي الثورات صوت عدد كبير من الناخبين بدون إثبات شخصية

دنقلا وسط : مركز رقم 10 , رفض رئيس اللجنة رفع التقرير اليومى لعدد البطاقات وعدد المصوتين , ورفض تسليم الوكلاء فورم 7


الماطورى : مركز أم هجيليجة أ , هجيليجة ب وجد أن المتوفيين إلى رحمة الله المعز ادم إسماعيل , وعلى الريح عمر قد قاما بالتصويت !!!!!

خروقات اليوم الثالث 13
الدائرة 1 العباسية : سطو على مركز الاقتراع

, تم إبلاغ البوليس وأوقف الاقتراع , وأغلقت مكاتب المفوضية في العباسية , واختفى موظفوها

الدلنج الشمالية الدائرة 7 : تم إغلاق الصناديق بدون أرقام

الدبيبات : تم إخراج المقترعين الساعة الخامسة والنصف بدلا عن السادسة وتم إغلاق المركز

الفرشاية : يمكن التصويت للغائبين ببطاقاتهم

خشم القربة : كوبرى البطانة , الرشايدة , قام محمد مصلح 6 سنوات , وصالح محمد حمدان 7 سنوات , قاما بالتصويت

خشم القربة : مركز تسعة عرب كشوفات بأسماء جديدة غير موجودة بالسجل , ومعها الاستيكرات خاصتها , ومعها كذلك مزيل للحبر

مركز قرية الخناق الشمالية : تم اكتشاف عدد 2 صناديق اقتراع خارج المركز ووجدت مفتوحة في الحوش , الشرطة الآن أحاطت بالموقع وأوقف التصويت

الدائرة 8 ج كردفان : بدلا عن 12 صندوق هنالك 11 صندوق

الدائرة 10 ج كردفان 21 مركز لم تفتح أصلا , إضافة مركز جديد وأسموه الخنساء بدون إعلان , تحويل منطقتي أبو جابرة وأم البشر من الدائرة 9 إلى الدائرة عشرة

الدائرة 7 : الدلنج الشمالية تم تهديد الوافدين بنزع أراضيهم الزراعية إذا لم يصوتوا للوطني

ج كردفان : كل الدوائر السجل بها سقطت منه أسماء , في وسط كادقلى السجل الاساسى يحوى ألف صوت , الموجود في المركز يحوى 140 صوت

الدائرة 6 الدلنج الجنوبية : تم تحريك الصناديق لمكان غير معروف , وتمت إزالة مراكز الاقتراع وهى عبارة عن خيام

الحاج يوسف الدائرة 30 : البعض قام بالاقتراع بدون الحبر , ووجد عدد صندوق واحد مفتوح هذا الصباح

الدائرة 13 مدنى الشرقية : العض قام بالاقتراع بدون الحبر

كرمة شمال : وجد اسم المرحوم محمد عثمان زمراوى , والذى توفى 1968 في كشوف المسجلين والمقترعين , بشهادة ابنه

الدائرة أربعة القومية ربك : مركز 28 ب , إحياء 13 و19 مدرسة الشهيد قسم الله , في تمام الساعة السابعة والنصف مساءا تم ضبط المجموعة المشرفة على المركز وهى تصحح وتأشر (تقترع ) على بطاقات الاقتراع , وتحشو بها الصناديق الموجودة داخل المركز , قام مراقبي الشعبي والاتحادي بمحاصرتهم واستدعوا الشرطة ومراقبي الاتحاد الاوروبى وتم إخطار صلاح جحا مسئول المفوضية في المنطقة , قام المراقبون اليوم ومعهم الشرطة بتشميع الصناديق , وتم فتح بلاغ بذلك
ودا اطرف تزوير حصل من مافيا الانقاذ (الله يطراك بالخير يادكتور مصطفى )

تم إكتشاف مركز اقتراع مجهول فى ضواحى المجلد منطقة بلى
حيث وجد ان منسوبى المؤتمر الوطنى يمارسون عملية تزوير بالمكشوف بعد ان نصبوا لهم خيمة فى وسط الغابة ويقومون بالتصويت وحشوا الأوراق فى الصناديق مستعينين باشخاص مجهولين
وعندما تم إكتشافهم قالوا إن المركز يتبع الى الدائرة 9 بابنوسة و لا يوجد شخص يمثل المفوضية فى المجلد بإعتبار أن الدائرة تابعة لبابنوسة وقد قام وكلاء حزب الأمة فى المجلد بالإتصال برئيس المفوضية فى بابنوسة ولكنة مغلق الهاتف و معلوم انة ينتمى الى المؤتمر الوطنى عموما حسب المصدر ان عملية التزوير مستمرة الى اليوم الثالث

نسيت ما اقول نفس المصدر السابق

بكري عثمان كتب:

المحبوب سودانيز او لاين بتاعتك كدي غير الكذب والاخبار المزيفة ماعندها حاجة
مافي اي تبديل للرموز ولا اية مشاكل وكل الدوائر القلتها دي شغاله تمام التمام
اما بالنسبة للخرطوم فاضية والمراكز شبه مافيها احد شوف التلفزيون المباشر من كل المراكز ولا انت بتشوف الدايره بس
اسي امكن سودانيز او لاين قاصده انتخابات ثانية ممكن العراقية
وبعدين ناس سودانيز او لاين ديل عندنا منهم هنا البجيبو الاخبار بنفس طريقتهم ليه تعبانين نمشي لحدي هناك

يا بكري طيب 33 دائرة أعِد ليه ؟؟
يكون بسبب السيولة الاتدفقت على الناخبين ،، مما ادى للتزاحم في حركة مرورررررر مرشحي المؤتمر ،، في أول يوم للإنتهابات المكشوفة ؟؟

يا المحبوب ..شفت استعجال ناس دائرة 19
ريفى الدبة شمال السودان (بدو رحل ) ،فرزوا
وعدوا الاصوات وأعلنوا النتجية يوم الثلاثاء ، لعدم
علمهم بتمديد فترة الاقتراع حتى يوم الخميس !!!

ياعاطف صباحك فل
والله أقوى من دي مافي ،،

كتب عاطف اسماعيل
يا المحبوب ..شفت استعجال ناس دائرة 19
ريفى الدبة شمال السودان (بدو رحل ) ،فرزوا
وعدوا الاصوات وأعلنوا النتجية يوم الثلاثاء ، لعدم
علمهم بتمديد فترة الاقتراع حتى يوم الخميس !!!

الاخ / عاطف اسماعيل
الدائرة 19 ريفي الدبه شمال السودان جميع الناخبين المسجلين صوتوا كلهم حتى يوم الاثنين عشان كدة فرزو وعدوا الاصوات يوم الثلاثاء ... يعني التمديد ما محتاجين ليهو
اها يا المحبوب في اقوي من دي !!!!!!!!!!!!!!

آآي يا متوكل في أقوي من دي بمراحل : وهاكا قانون الأنتخابات بتاع ( المفوذية ) مكرر ( المفوذيه) :
٧٣ ( ١) يجب أن تستوفي مراكز الإقتراع الشروط التالية وهي أن:
( أ) يقع في ميدان مفتوح وبخلاف ذلك في مبنى واسع
يسهل على الناخبين الوصول إليه والخروج منه دون
معوقات ،
(ب) يقع في مكان يسهل على ذوي الاحتياجات الخاصة
والمسنين الوصول إليه بيسر لممارسة حقهم في
الإقتراع.
٢) تبدأ عمليات الإقتراع في كافة مراكز الإقتراع في الزمن وفي )
الوقت الذي تحدده المفوضية وتستمر دون انقطاع حتى إنتهاء
الوقت .
٣) يبقى مركز الإقتراع مفتوحًا بعد حلول ساعة قفل باب الإقترا ع )
رسميًا لتمكين الناخبين الموجودين في ساحة المركز والمصطفين
في طوابير الإقتراع من ممارسة حقهم في الإقتراع، ويقتصر
ذلك على الناخبين الموجودين في المركز في تلك اللحظة ولا
يسمح لأي ناخب آخر يحضر للمركز بعد ذلك بدخول المركز
والإقتراع.
( ٤) لا يجوز تمديد ساعات الإقتراع فيما عدا ما نص عليه البند ( ٣ )
إلا بإذن من المفوضية حسبما تنص عليه القواعد.
www.nec.org.sd

٧٤ ( ١) مع مراعاة أحكام هذا القانون، تضع المفوضية القواعد اللازمة
لتنظيم عمليات الإقتراع وإجراءا تها، على أن يتم الإقترا ع
لأية إنتخابات أو إستفتاء في يوم واحد ّ الا إذا رأت المفوضية
مد ا لفترة لأسباب موضوعي ة، وبما يضمن لكافة الناخبين
ممارسة حقهم في الإقتراع بحرية وسرية تامتين.٢) تفصل القواعد المشار إليها في البند ( ١) كل ما يتعلق بإجراءات )
افتتاح وإقفال عمليات الإقتراع، والتحقق من خلو صناديق
الإقتراع التام من أية بطاقات قبل البدء بالتصويت، ومحاضر
الإقتراع، وحقوق وواجبات المراقبين والوكلاء، والإجراءات
الخاصة بإقتراع الأميين وذوي الاحتياجات الخاصة، وحالات
الخطأ في تعبئة بطاقة الإقتراع، وغيرها من الإجراءات.
٣) يحق للمرشحين، والوكلاء، والمراقبين وممثلي وسائل الإعلام )
المعتمدين دخو ل مركز الإقتراع والبقاء بداخله في أي وقت أثناء
عملية الإقتراع، حسبما تفصله القواعد.
٤) لا يجوز للمذكورين في البند ( ٣) التدخل في مهام موظفي )
الإقتراع، أو التحدث لأي ناخب أثناء وجوده داخل المركز
بغرض الإدلاء بصوته.
٥) يكون لرئيس لجنة الإقتراع الحق في استبعاد أي من المذكورين )
في البند ( ٣) في حالة مخالفته لأحكام هذا القانون أو قيام ه بكل
ما من شأنه عرقلة عملية الإقتراع.
www.nec.org.sd
يقوم رئيس مركز الإقتراع في حالة وقوع شغب أو عنف أو أية أفعال
أخرى من شأنها إعاقة سير الإقتراع في أي من المراك ز، بإيقاف
عملية الإقتراع في ذلك المركز مؤقتًا لاستكمالها في وقت لاحق في
ذات اليوم أو في اليوم التالي، بعد إخطار ضابط الإنتخابات في الدائرة
الجغرافية وأخذ التوجيهات اللازمة منه.
٧٦ ( ١) تبدأ عملية فرز وعد الأصوات التي تم الإدلاء بها داخل مركز
الإقتراع المعني وذلك فور إعلان رئيس مركز الإقتراع عن قفل باب الإقتراع.

آآي يا متوكل في أقوي من دي بمراحل
عجبتني كلمة آآي بس ما عرفتها بالشائقي ولا بـ ........
وهاكا قانون الأنتخابات بتاع ( المفوذية ) مكرر ( المفوذيه) :
كما عجبتني المفوذية .. فهناك المحبوب ادخل ما ادخل من الكلمات على اغاني محمد ميرغني فاضاف على حلاوتها حلاوة خاصة وانت اليوم ادخلت على المفوضية فاصبحت احلى
( لا تقول لي نك استعملت الفاظ مثل (عجبتني) و(حلاوة) .. نحن نتعامل مع السياسة هكذا ولا نستعمل كلمات مثل الدكتاتورية والطاغية والشغب والعنف والفسادة المتراكم )

٧٦ ( ١) تبدأ عملية فرز وعد الأصوات التي تم الإدلاء بها داخل مركز الإقتراع المعني وذلك فور إعلان رئيس مركز الإقتراع عن قفل باب الإقتراع.
اديك سر ( يا قول احمد وزيري ) رئيس مركز الاقتراع قال ليهم طالما جميع الناخبين المسجلين ادلوا باصواتهم اقفلوا باب الاقتراع وعدوا ... ويا قول ربيع طه (بسمع اضاني دي)

طيب هاكا السر ده كمان في أضانك التانية :

لو مدير المركز قال ليهم كده بيكون خالف قانون الانتخابات المادة ( 73) (1) الخاصة بولاية المفوذية وأختصاصها في تحديد وتنظيم عملية الأقتراع والفرز وهلم صوتا ( دي سمعتا بيها ) .

بعدين يا أخوي ناس الدبة ديل عملو كده في الانتخابات ، طيب في أمتحانات الشهادة بيعملو كيف ؟ بيكون الامتحان شغال أظنو 3 اربعة يوم لحدي ما يلمو الورق ولا شنو ؟

صداح فاروق وراق كتب:

طيب هاكا السر ده كمان في أضانك التانية :

لو مدير المركز قال ليهم كده بيكون خالف قانون الانتخابات المادة ( 73) (1) الخاصة بولاية المفوذية وأختصاصها في تحديد وتنظيم عملية الأقتراع والفرز وهلم صوتا ( دي سمعتا بيها ) .

بعدين يا أخوي ناس الدبة ديل عملو كده في الانتخابات ، طيب في أمتحانات الشهادة بيعملو كيف ؟ بيكون الامتحان شغال أظنو 3 اربعة يوم لحدي ما يلمو الورق ولا شنو ؟

قلت شنو يا صداح
اصلوا انا اضاني التانية دي ما بتسمع كويس

ياخوانا اسما الصداقة
المصنع القدر البنطون دا ما شايفنو ؟؟

الرشيد حبيب الله التوم كتب:

يا أستاذ المحبوب

دفنوا.. و لا لسع..؟؟
نحن في الطريق إلي بيت عزاء أخر.. لأنو ده قالوا المرحوم مات بي الليل و الدفن نص النهار..؟؟

و دمت

و ينتهي العزاء بإنتهاء مراسم الدفن..
ممنوع (التتفن) في بيت (البكاء) و الحديث عن السياسة و ما جاورها..؟؟

كُلُّكُم تَكُوْنُوْا سْمَعْتُوا بِقِصَّة جَمَل الْبُطَاحِين الْمُدَلَّل ،،
حُمُولْتو رُبْع أَرْدَب فَقَط يَعْنِي مَا بِشِيْلَو فَوْقُو كَتَيَّر ،،
وَشِدَّة مَا شَايْفِيْن رُبْع الْأَرَّدب كَتَيَّر عَلَيْهِو ،،
لِمَن يَجِي يَقُوْم يَنْبَرِي لَيْهُو 4 رِجَال غِلَاظ أَشِدَّاء وَيُسَاعَدوَهُو فِي الْقَوْمَة ،،
طَبْعَا دا مَا جَمَل الْبُطَاحِين !!
وَلَا يَكْتَفُوْا بِتَخْفِيف الْحُمُولَة ،،
وَلَا بِالْمُسَاعَدَة فِي الْقِيَام ،،
أَّهَا بَنْدَهُوا لَيْهُو الْفُقَرَا وَالْصَّالِحِيْن
وَيَقُوْلُو يَّالشَّيخ طَه فَوَّقُوا ،،

الْمُفَوَّضِيَّة لَم تَكْتَف بِكَوَارِث الْتَّعْدَاد الخلَت نَاس هَيَّا أَكْتَر مِن بوَرْسُّودَان ،،
وَلَم تَكْتَف بِتَّقْسِيْم الْدَّوَائِر الِلِّجَات حَسَب الْثِّقْل لَجَمَل الْبُطَاحِين ،،
غَضُّوا الطَّرْف عَن إِسْتِغْلَالُه لِإِعْلَام الْدَّوْلَة
وَأَمْوَال الْدَّوْلَة
وَمُوَظَّفِي الْدَّوْلَة
كُلُوْا لِصَالِح جَمَل الْبُطَاحِين ،،
وَفِي الْإِقْتِرَاع لَم يَكْتَفُوْا بِتَصْوِيت الْأَمْوَات ،،
عَمِلُوٓا شِنُو ،،
قَالُوْا يَّالشَّيخ طَه فَوَّقُوا
الْشَّيْخ طَه إِلْحَقْنا ويُنَجَدْنا وَيُنْقِذُنَا

يا محبوب لسه برضو نحنا بنقول في الواحد ؟ ياخي الجماعة ديل وصولوها المائتين وكم وستين دائرة !!!