جريدة الميدان سلخانه بس

الصدفة فقط جعلتني امام جريدة الميدان بالنت حقيقة اصبت برعب لايوصف فالعناوين العريضة كلها قتلوك والتار وماشابه ذلك قلت في نفسي ياربي تار شنو نحن في الصعيد الجواني ولا شنو غايتو مابعرف لكن لو الواحد عاوز اخش اقراء جريدة الميدان البس واقي من الرصاص واشيل معاه درقه .

الاستاذ الغالي/ بكري عثمان وفقه الله
السلام عليكم ورحمة الله وبركاته وبعد،،
أسأل الله عز وجل أن يرزقك عيشة نقية، وميتة سوية، ومرداً غير مخذول فاضح.
ما سمعت بالمثل البقول يغني المغني وكل زول في هواء، وحوار النحلة والنخلة، قالت: النحلة للنخلة تمسكي إن راحلتاً عنكِ فقالت: النخلة ارحلي فهل أنا شعرت بكِ عندما نزلت.
أمثال هذه الجرائد كثيرة نبض الشارع والمشاهير و....وهلم جر
لا تستقي منها معلومة تستفيد منها في الدنيا ولا في الآخرة.
زحمة مطبوعات بس.

الحبيب والزميل والصديق قرشي محمد
نسال الله ان يوفقك ويسدد خطاك
كلامك والاخ مدثر عين الحقيقة
لكن الميدان حاجه تانيه تخوف بالجد

ياحافظ والله شفت افلام الكابوي مش نهاية الفلم تلقى البطل براه والجماعه كلهم ميتين حوله بس ياها زاته لكن مافي بطل الغريبة دم بس وكلمات عجيبة التار ياجوزيف قرنق طيب تار جوزيف قرنق ماشاله جون قرنق معاه السنين دي كلها كنا بندفع في تار جوزيف قرنق