في حالة سقوط عمر البشير في الانتخابات ماذا يقول اخوانا المناضلين

الاخوة اللذين يطلقون على انفسهم المناضليين ومنذ ان تم اعلان تاريخ بداية الانتخابات وهم يلوحون براية التزوير من جانب المؤتمر الوطني وهذا الكلام ليست بالمنتدى وحده بل على مستوى قادتهم اللذين انشغلو بهذا الامر اكثر من استعدادهم للانتخابات واعداد برامج جاذب للشباب خصوصا لانهم النسبة الاعلى.
الان على حسب نظرية الجماعه اذا فاز عمر البشير تعتبر مزورة
طيب اذا فاز مرشح اخر غير البشير ماذا يكون قولهم عن الانتخابات
طبعا حايقولو اسقطنا المؤتمر الوطني وينسبو الانتصار ليهم زي الانتفاضة وهم كانو مدسدسين

إذا فاز مرشح غير البشير أكيد هو البديل المجهزنو ناس المؤتمر الوطني لعمر البشير
يعني برضه سيك ... سيك ... يا بكري

ابو نورا تعتقد منو يعني عبدالله دينق مثلاً ولا في زول محدد في راسك

يا بكري نفس هذا الكلام قاله ياسر عرمان عندما ساله احد الصحفيين إذا فاز مرشيح غير عمر البشير هل سوف تكون الانتخابات نزيهه قال اعتقد سوف تكون نزيهه .........................

الناس المعارضة ديل صعبين .................. واظهروا وجه قبيح جدا للسودان يا بكري

اى وجه قبيح اخونا عمر ؟؟؟؟

يا بكري مبروك وبخيت وسعيد عليكم ،،
وكان الفايز ما البشير ،،
بكون الفايز للآثام وأحزاب الديكور ،،

تصدق يابو رائد
ديل عاملين فيها انهم الوحيدين النزيهين في السودان ومن لاينتمي اليهم فهو مزور ومجرم
وانا اقول الناس النزيهين في السودان مالم بقو شوية اتحسبه بالاصابع اتاري النزاهة انحصرت فيهم بس

شششششششششششششششششششششوف أذاي

قصدي يا بكري إنه الناس ديل ما ساهلين
وجاهزين لكل الاحتمالات.... وسمعنا كثيراً عن الحكومات البديلة الجاهزة
يعني لو تذكر مشكلتهم مع الترابي ... منو كان يصدق إنه ممكن يخرجوا من المحاصرة دولياً وخارجياً ومن ثم ينقلبوا على شيخهم (الذي علمهم السحر) ... ولكن في سبيل الخروج من تلك الأزمة في ذلك الوقت (خاصة إنه مصر كانت تسب الترابي علنياً بعد محاولة اغتيال مبارك وكانت تتزعم تشويه صورة السودان دولياً)
فلذلك كان الترابي خير كبش فداء وأفضل ورقة يمكن اللعب بها للخروج من الحصار .. داخلياً ... وخارجياً ... حتى ظننا أنها مؤامرة ... ولعل البعض ما زال يعتقد ذلك ... وليست مسألة برلمان أو صلاحيات أو غيره ...
ولكن لو فاز عبدالله دينق بديلاً للبشير يعني هذا الأمر تكريس لنظرية المؤامرة منذ ذلك الوقت... وسيكون عبدالله دينق هو المخرج للأزمة الداخلية بإعادة الأمل في الوحدة
والمخرج خارجياً بالانفتاح أكثر على العالم ...
والآن البشير وليس الترابي ... هو من أصبح عقبة حقيقية في سبيل التعامل مع المجتمع الدولي... وورقة محروقة ... ولكن حالياً المؤتمر الوطني محتاج له داخلياً لكسب الانتخابات ... وأميركا محتاجة ليهو عشان يتم ليهم فصل الجنوب بالعديل والزين ... لكن بعد الاستفتاء .... ما عارفين الأوراق راح تتلخبط من جديد وح نشوف بداية لعبة جديدة ...
باختصار كل هذه سيناريوهات جائزة ومحتملة وممكنة ... فهذه هي السياسة لا تأمن جوانبها
في النهاية المهم إطالة عمر الإنقاذ حتى ولو برئيس جديد وحزب جديد ولون جديد ........... واسم جديد ... كالعادة ... يا سادة

الاخ/ بكرى تحياتى
لابديل للبشير الا البشير دعهم يقول مابداه لهم فمسيره التنميه ماضيه دون توقف
نحمد للبشير انه اتاح لهم الديمقراطيه فى ظاهره لم تحدث فى دول العالم الثالث
انهم الان يمتلكون الجرايد والقنوات ويتحدثون بكل مافى قلوبهم ضد الحكومه
وبعد ده كل مافى حريه راى
البشير يا ساده ليس منزه من الخطاء فلماذا تتحدثون عن السلبيات فقط وتتركون
الايجابيات العديده ومن ضمنها ذلك التحول الديمقراطى الذى اتاح لكم التحدث
بما تردون ومن ضمنها ثوره الاتصالات التى اتاحت لكم ذلك
لااريد ان احصى انجازات البشير فهى تتحدث عن نفسها

انا عاوز اسال الواقفين ضد البشير في كل حاجة ومابشوفو الا السلبيات والتي اصبحت قليلة خلال السنوات الاخيرة
انتو ماشايفين للبشير اي ايجابيات وهل التنمية الشغالة دي تعتبر سلبيات والسدود العمله والسدود القديمة التي يعمل على تعليتها ومشاريع الكهرباء التي كادت ان تغطي 90% من السودان والطرق والكباري والاتصالات و .....و .....و.....و...و... دا كله مالقيته فيه حاجه واحده كويسة ممكن تقولوها في حقه ولا بقيتو مابتعرفه الكويس من الكعب واصبح النقد وتبخيس اشياء الغير ديدنكم .

فعلاً البشير لم يجد منافس ....
بل وجد .... فطايس

ابو نورا كتب:

فعلاً البشير لم يجد منافس ....
بل وجد .... فطايس

اوافقك الراي