بيت الجالوص قد ول عهده

حقيقة بيوت الجالوص كانت متينة وعريقة وكلنا ترعرعنا فيها وتغير الزمن وبدات تتلاشى تلك البيوت ولم يتبقى منها الا القليل وفي طريقه للانهيار فقد اصبحت البيوت الان بنظام حديث وجميل للغاية فها هو حال الاحزاب التقليدية التي هي شبيهة ببيوت الجالوص وقد بدات تتلاشى تلك الاحزاب بحضور المعمار والتطوير في المؤتمر الوطني ومن تابع نتايج التصويت خارج السودان يعلم تماماً انتهاء عهد الجالوص فقد كانت كمية الاصوات التي تحصل عليها منافسون عمر البشير اصوات مخجلة جدا ونتوقع في الانتخابات القادمة تكون قد انهارت جميع بيوت الجالوص

كان من الاكرم ان يفوزهم بالتزكية
واحتمال الهدف كان الحضور من اجل المشاركة واذا كان هو القصد مبروك عليهم فقد فازوا بالحضور

إن شا ء الله يا بكري تعبك دا ما يروح ساي ،،
يعني تطلع ليك بي إن شاء الله نائب والي ،،
وتي ترب تقفذ بالزانة ،،
وتقوم تسوي ليك كان بيت كان بيتين في العمارات السوامق ،،
ونقول كدي نغير إسمك ونسميك بالأسامي الأجنبية ،،
ونمحى من عينيك ملامح الفقُر والمسغبة ،،
ونسميك بكريتك أو بكريتكنو ،،
أها تجينا المُغربية ،،
زمزميتك مليانة محلبية وسرتية وصندلية ،،
وسمسونايتك دولارا ما بالمية
خرتومية ،،
وكان جيناك في واحدة من عماراتك السكنية ،،
ما تخلي البواب يقول لينا نائم بصحى الساعة 6 و23 دقيقة ،،

طارت حمامة الغار
لقوني ناشف ومر
ماذنب جلد الطار
لو غنو بيهو شُتُر

شترك بلا يخمك يا مشاتر

المحبوب نحن بنحب لله بدون عشم في حاجه

هي لله هي لله لا للسلطه ولا للجاه

يامتوكل حضورم ماكان في داعي ليه

بكري عثمان كتب:

حقيقة بيوت الجالوص كانت متينة وعريقة وكلنا ترعرعنا فيها وتغير الزمن وبدات تتلاشى تلك البيوت ولم يتبقى منها الا القليل وفي طريقه للانهيار فقد اصبحت البيوت الان بنظام حديث وجميل للغاية فها هو حال الاحزاب التقليدية التي هي شبيهة ببيوت الجالوص وقد بدات تتلاشى تلك الاحزاب بحضور المعمار والتطوير في المؤتمر الوطني ومن تابع نتايج التصويت خارج السودان يعلم تماماً انتهاء عهد الجالوص فقد كانت كمية الاصوات التي تحصل عليها منافسون عمر البشير اصوات مخجلة جدا ونتوقع في الانتخابات القادمة تكون قد انهارت جميع بيوت الجالوص

الاستاذ الغالي/ بكري عثمان حفظه الله
السلام عليكم ورحمة الله وبركاته وبعد،،،
أسأل الله عز وجل أن يعطيك من الدنيا ما تقيك بها ففتنتها، وتغنيك بها عن أهلها، ويكون بلاغاً لك إلى ما هو خير منها، فإنه لا حول ولا قوة إلا بالله.
حبيبي خلي سحاب البركان في أوربا شوية يفتح الطريق للطيران.
وجزاك الله خيراً

حبيبي قرشي
تحياتي وحبي

ماخلاص جالوص وانتهى

هنا سوف تتم البيعة بالصيغة التالية :
أشهد أن لا اله إلا الله وحده لا شريك له واشهد أن سيدنا محمدا عبده ورسوله ولا حول ولا قوة إلا

بالله العلي العظيم ، نبايعك سعادة الرئيس عمر حسن احمد البشير في الدين والشريعة والمتابعة والسمع والطاعة وان تخاف الله وتتقيه فينا
وصلى الله على محمد وعلى آله وأصحابه وأزواجه وذرياته ومن تبعه الى يوم الدين آمين

ياناس الانتخابات دي كانت نهاية الاحزاب الى الابد
اولا بعد اربعة سنوات
الميرغني
الترابي
نقد
الصادق المهدي
ان لم توافيهم المنية الى حينها
بوافيهم الزهايمر

والله لمن يجي معاك ابورايد
البوست اي بوست ببقى شاي احمر بالتمر
ترد على ابورايد يزوغ منك بكري
تعقب على بكري تلقى ابورايد فص ملح وذاب .....................................
لكن البيعة دي ليكم المسلمين فقط ولا شنو ؟؟
انتو نسيتو جماعة مرشح المؤتمر الاسقف قبريال روريج ؟؟
اللللللللللللللللللللللللللللللللللللللللللللللليلة

ابودجانة كتب:

والبشير بوافيهو أوكامبو ولا كوبر ..

ابو دجانه
شكلك متكيف من اوكامبو شديد
ممكن تختلف مع البشير ولا الجن الاحمر لكن ان تتنازل من الوطنية فهذا شئي اخر
جيب اوكامبو وسلمه البشير

المحبوب
ياخي 85% من الشعب السوداني قالها صريحة انه بقيف مع البشير عبر الصناديق
تبقى انت واكم نفر ديل عكس التيار
بعدين زي ماقلت ليك مافي عنصرية مسيحي مسلم غير ذلك فالسودان وطن للجميع

الوطنية البتتكلم عنها دي ياخوي الوطنية بحري
وفيلما هندي
وال 85 دي نصها موية

يا المحبوب ويظهر إنو إسم المحبوب كله شعبى ،،،،
نحن نعتز بالدكتووووووووووووووور بكورى ونعتز بالدال الكبيره خدمة يمين وعرق جبين ولو فاكره زى دالات الجماعة تكون غلطان ولولا الحياء لذكرتهم لك بالواحد تلو الاخر حتى تستغيث وفضائح دالاتهم والتى قال لى فيها فى يوم من الأيام الشريف حسين الهندى رحمه الله هذا الشاشاى
شموس العصارى مرقت بليل خوفاً من نهاره والبيلدا المحن لابد من يلولى جناها
اتمنى انت تكون من الذكاء واستوعبت المعنى ،،،،،،،،،،،،،،،،،،،،،،،
ان الوزراء الذين تراهم هم بشر وعاديين جداً بل يخدعك مظهرهم ليسوا بافضل منه علما وعزة وجاها ومكانة فى المجتمع ونزاهة ولا يوجد وجه مقارنه بين الدكتور بكرى والوزراء الذين تراهم ،،،،،
وعن الكرم فلا تسأل ،،،، ويبدو انك حديث عهد به لأن بيتهم لايعرف بابه الإغلاق ،،،،،،،،،
فلاتخف والله حاجتك مقضيه

عبد الله عوض الله
طرابلس - ليبيا [i][justify]

ان الذى يشكك فى الوطنيه والإنتماء ليس جدير بالمناقشه

يا عبد الله الدكتور البتتكلم عنو دا منو يا أخي الفاضل ؟؟
على كل حال بكري البتكلم عنو انا هو حبيب الشعب بكري عثمان عباس وما عندو علاقة بحرف الدال إلا ناس الدالي في أبوجويلي ،،
حظك يا بكري جاتك دكتوراه في صمة خشمك ،،
غايتو أيامك أيام ،،
رئيسكم فاز ومؤتمركم فاز وكمان جاتك دكتوراه لا يدك لا كراعك ،،
وحا يبقى عندنا دكتورين في الموقع وبنفس الاسم ،،
أحدهما الدكتور بكري عثمان حمد حفظه الله ورعاه ،،
وواحد من آل الدالي ويدعى بكري عباس حس هداه الله ،،

عزيزى المحبوب
عــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــذراً اتصل بى اخى عبد الكريم من لندن فى هذه اللحظه واوضح هــــــو،،،،، افصحت انت ،،،،،،،،، واذا كان الموضوع هكذا فليمدد ابو حنيفة رجله

اخوك عبد الله عوض الله
طرابلس - ليبيا

مدد رجليك ساي
لكن بي طريقتك دي يوم بتعوق ليك زول في صمة خشمو

اخونا
عبد الله عوض الله
تحياتي وتقديري
ياخي في داعي تدي المحبوب فرصه زي دي فيني
خلو دكتور بكري اغير اسمه
المحبوب دي بعتبره كورنل

والله يابكرى تستاهل قومت نفسى ،،،،،،،،،،،،معليش دى نيران قوات صديقه ولا ما سمعت بقون قلق صاحبك فى المريخ

الحبيب القريب عبدالله عوض الله
والاخ بكرى عثمان عباس
والاخ المحبوب الحبوب ..
ارجو ان تكون نيران اخونا عبدالله عوض الله نزلت بردا وسلاما عليكم ... فالراجل يدافع بمبدأ انصر اخيك ظالما ومظلوما .. وعند المحبوب لا يظلم احد او هكذا اظن ..
كونوا بخير ..
ليك وحشه يا ابو عبده ..

مرحب دكتور بكري ،،
ومرحب بالأخ عبد الله ،،
ومراحب بأخونا في الله بكري عثمان ،،
بعدين يا دكتور واضح من بداية إطلاق النار بأن هذا العبد الله ورقوا كان زايد ،،
أها قلنا نورطوا شوية عشان ما يدك ونقبضوا بي ورقوا الزائد ونسجل عليهو الاربعة عشر والزيادو ،،
بعدين بيني وبينك أنا قلت كمان دي فرصة لا تعوض في أخونا أبوعثمان كان فوتـها تاني ما بتتلقي لي بي سهولة ،،
وعلى العموم كان مقلب لطيف جداً وسددنا ليك ضربة قاضية لأخونا بكري جات بالتزامن من ضربات أبودجانة السريعة ،،

abdalla awadalla كتب:

والله يابكرى تستاهل قومت نفسى ،،،،،،،،،،،،معليش دى نيران قوات صديقه ولا ما سمعت بقون قلق صاحبك فى المريخ

شفت قون الثعلب

دكتور بكري عثمان حمد
مافي زعل هنا والمحبه بين كل اولاد الحصاحيصا

غايتو يا بكري عبد الله عوض الله امبارح اداني ــ كتر خيرو ــ ضربة جزاء في نهائي كاس الآلام بتاعكم دا وعينك ما تشوف إلا النور ، الحارس مالنا ودمنا في زاوية والكورة في الزاوية التانية ،،
غايتو ياخوي إن شاء الله لقيت ليك رد على ابودجانقو تدفع كم ارد ليك ؟؟
غايتو علي كيفك براك ورطت رقبتك ، أها المراقبين الدوليين قالوا والله انتخابات قاطعنـها من راسكن دا ، وشالوا ورقن وفاتوا ، وهداك عبد الله محمد عبد الله يسو في الني لله ينبح زي الكلب كيف يقولوا مخالفة للمعايير ؟؟