كلمة وداع( رغم انى بعدك بقبل الهم والضياع)

الانسان فى هذه الدنيا ضيف
غدا يلفنا الموت
وتصبح فقط الذكرى
اكتب وانا اكفكف دمعى
فما كنت اظننى احيا الى زمن اصبح التهاتر فيه ارجوحة للترويح
اكتب وخنجر مسموم فى خاصرتى
احبتى فى منتدى الحصاحيصا
لقد سعدت بالكتابة
لكم
وبكم
ومهما يكون
ذكراكم باقية
وما بتهون
يا منبع الاحساس
ويا نور العيون
اتمنى ليكم كل السمح
لا تضوق عذاب لا تنجرح
عهدى معكم ان اكمل لكم اولاد الذوات
وانا هانذا اترجل
واعتذر لكل من طاله رشاش من اقلامنا
فنحن قوم نحب الهلال
وعثمان حسين
وراشد اختار دنيتو
وهو المخير فى اختيارو
مهداة الى المنتدى الحبيب الذى ضمنا الوجد والحنين معه:-
جاى كايس لى اعينو بعد ما راح كل شئ
وكان فؤادى ملك يمينى والغرام بيناتنا حى
عدى راح زمن الندم
ذكرى ضماها العدم
والزمان غير مسارو
وهو الاختار دنيتو
الهوى السامى الاباهو
كنت متخيل يجيبو
وحدى بتحمل شقاهو
غير ما احسب لى مصيرو
الا قدرى مسك ايديا
بدل الحال العليا
ساقنى من حبك ونارو

الا قدرى مسك ايدى
بدل الحال العليا
ياما فى درب الكى بورد
ناس تعيش فى وهم كبير
فاكرة انو الكتابة دوا
تايهة فى امرا عسير
والبعيش لى دنيا حلوةالقى فى ايامو سلوى
وينسى كل الليهو رادو
كم خففت عنى يا محمود
احبتى بكل شجاعة اترجل عن الجواد
ومرة اخرى معذرة لكل من ناكفناه فى المنتدى الرياضى
والعفو والعافية
ولك اخى وليد كل العتبى حتى ترضى
وهانذا اغادر واعتذر بشدة ان اخطأت يوما فى حقك
واغادر ليس جبنا
وانما احتراما للحصاحيصا التى جمعتنا
واسمحوا لى بأن اسطر للمنتدى هذه الكلمات
الوداع نشوة الروح الوداع
ما دام هوانا بعد سنينو المرة ضاع
انامن زمان حاسس معاك ريدى النهاية
شاعر بأنك ما فهمت من البداية
ومشيت معاك درب الاسى
واشكيك لى نجم المسا
مهما يكون ذكراك باقية وما بتهون يا منبع الاخلاص ونور العيون
بتمنى ليك كل السمح
لا تضوق لا تنجرح
لاكين مع الايام لقيت ريدك وبقيت شجاع
رغم انى بعدك بقبل الهم والضياع