دبرس بي يا ريتو كان طار بي!!

احيانا تسير في الشارع العام ويلفت انتباهك توب والله اسكيرت ( جيبة) تقدل او تمشي الهوينا كما يمشي الوجي الوحل .. تسرع الخطا قيلتقيك احد متلقي الحجج .. يوقفك يعطلك .. تختصره .. تكذب بانك تلحق احدهم خبر وفاة .. اخيرا يفكك بعد ان يقبض علي كلتا يديك ان تعطيه رقم هاتف .. تتخارج بانك سوف ترسله له في مسيدج .. سرب من الركشات والامجادات والاتوسات تسوط قدامك في الشارع ولا تدعك المرور وعينك في البعيد ما يزوق منك.. تتوقف فارهة وتخطف التوب او الجيبة دون ان تحلق بامتاع النظر لتغني ..دبرس بي يا ريتو كان طار بي ..والله يلعن متلقي الحجج والماعندهم موضوع وانا اولهم !!

يا ورقة الليلة شايفك بديت من العصر

[يا جماعة ما وريتونا مواقفكم من العوارض ومتلقين الحجج
وانت يا محبوب بالذات في قرية الصداقة دي فيها كثرت متلقيين حجج يمرقوك من الجنة وسقطها:
ماشي وين لعل ما عندك عوجة لافي عمتك كدا ؟؟
اها الليلة بي طاقيتك محدرة كدا خبرك شنو؟؟
مالك راسك كاشف مارق مستعجل؟؟
واخيرا كدي تعال سجل الرقم العمل لي ميص كول دا

بس يا هو قندول الصداقة الفندر الريكة ؟؟
ما جاوبت على السؤال انت امس بديت بدري لي شنو ؟؟

يالمحبوب دي سخانة يبدوا فيها بدري من العصر كمان .. والله لو شربت ليك زبادي في الحراية دي الا تقوم دفرة
اسكتوا ساكت لاقين لي الكندشة والفاقة والاماراتيين الطيبين المافيهم زول فاضي شغلة او متلقي حجج

اها مالك من الصباح مارق من الحلة؟؟
سؤال تقليدي يسأله العوارض ومتلقين الحجج
وبعدين اصل الحكاية يا محبوب عبر عنها
الفنان / الجمري
اتلحوا واحد متلقي حجج وعارض لا من بص الرصيرص فاتو!!
ولقيتوا واقف منتظر...والله الزمن غفلني فات!!
ودا كلو بسبب متلقين الحجج والمطولجية!!

يقوم كدا يكون عندك موعد مع الحنان ،، تتهيأ له مبكر دخلة ومرقة
لحدي ما تجي المواعيد .. والحبيبة اخت الظبي مواعيدها ظابطة .. وتكره التأخير
لانها تكره العوارض بتاعين الشارع...
اهلا يا استاذة اتفضلي نوصلك!!
معقولة يا روعة تكوني مشرورة؟؟
والله دا ثقيل ثقالة وما بقدر كل الجمال ياغالي .. اقول ليك فكيه عكس الهواء!!
عبايتك السودا دي مشرع للحلم الفسيح والله الاحزان الدونك فاتو والافراح لابد من ترجع !!
ودا كلو احتمال فوق الاحتمال في انتظار جودو الفارس الحبيب
تووووووشك مع مواعيد الخروج يطب ليك متلقين حجج بلا سابق دعوة ولا يمكن التنصل منهم مشروع بناء مستقبل للحبيبة المنتظرة
لا يوجد مفر ومافي طريقة للاعتذار!!
ملعون ابو متلقين الحجج والعوارض
كل ما تطل بيناتنا عوارض القي هواك يا طيبة مكني
اعلم ياغاليتي اني اذا ما اتعتذرت اليكي اراد اعتذاري اعتذارا
ملعون ابو متلقين الحجج والعوارض الشاربه من لون الشفق عند المغارب

ورايك شنو ياوراق فى نوع تانى من العوراض المتعارضة .....

يا أخونا انت اليومين دى لافى بى جاى مالك ...... ؟

رفدوك من الشغل ....... ؟

وهن الجماعة ديل كانوا بيدوك كم ....؟

وها هسع داير تعمل شنو .....؟

سيبك من الوظيفة الماجايبه همها دى ......

يا أخى ما تنزل سوق الله أكبر ده .....؟

وبس كون بالك طويل وألزم الصبر + الصمت ....

لانو لو مشيت جاوبت ... برسموا ليك مستقبلك ومستقبل عيالك كمان ....

يا أبو علي ما قلت لينا صاحبك المنزل صورته ده اسمه منو وهل هو من الحصاحيصا والا لميت فيهو وين
شكله من النوع الظريف جداً جداً ويتحب من أوّل نظرة!

ابو نورا كتب:: يا أبو علي ما قلت لينا صاحبك المنزل صورته ده اسمه منو وهل هو من الحصاحيصا والا لميت فيهو وين
شكله من النوع الظريف جداً جداً ويتحب من أوّل نظرة!

اها شكلك متلقى حجج يا ابونورا !!!!!!!!

يابوعلي الوليد دا مجلبط بي طين ولا عجين ؟؟
أسي الجماعة متلقي الحجج يجوا شابين

تصدق يا راشد فطستني من الضحك .... شكلي فعلا وقعت في الفخ

المحبوب أحمد الأمين كتب:: يا ورقة الليلة شايفك بديت من العصر

العزيز حبه..
صاحبك ابوعلي منها وتاني ماضاق العافيه
والجاتو ماختتوا..
وبدأ بدري ونسى انو ماقدرو
اتمنى ياورقه ان تعود وتفك كل الدبرسات..

تعرف في عرواض من نوع تاني

خاصة لما الواحد يجي يتزوج ...

اها الزواج متين ؟
جيت من شهر العسل ؟
بقيتوا 3 ولا لسة ؟
اها السفر ميتن ؟

ولمن تبقوا تلاتة يقطع فيك ويقول العوقة اتورط

والله يا المحبوب بالغت لا تلفون ولا رسائل؟؟
ولا حتي تسال من الجماعة عاملين معاي كيف مع المرض؟؟
غابتو جنس نظريات..
مالك الحاصل ليك شنو؟؟
مشبت الدكتور??
.. ايوا..
دكتور منو؟؟
طلعت
ياخي طلعت شنو دا مفروض عاين (مفروض دي ) تمشي لدكتور سمير ..
ينط واحد واحد مقاطع
والله سمير ودينا ليهو المرحوم علاجو ساعة زمن وداهو الآخرة لو ما حصلو دكتور ياسر مدا ليهو في ايامو اسبوع..
يعني امشي لدكتور ياسر؟؟؟
تنط كمان واحدة علي حيلة..
حلفت ومتيمنة ما تمشوا الا لدكتورة بدرية الضنقلاوية
والله داكي الليلة ودينا ليهو هيثوما شافع بتي سجا باكعب منك حقنة واحدة ما تناها ودوا شراب اسع يبنطط زي البمب .
. معني كدا نمشي لبدرية الضنقلاوية .
..بعد تلتلة وصلنا لعيادة بدرية منتظرين بدرية الجن ساعتين ماجات لامن حصل لي هبوط وبعد مسافة جات الممرضة رجعت لينا القروش بتاعة الفيزيتا وقالت لينا معليش الدكتورة في المستشفي في حالة وضووووووووووووووع

اها شفتو ليكم جنس عوارض