| | مشار ، قص مُنشار ((إسكرتي وبلوزة )) موضة 2011 والقدرو يلبس |  |
|
+6عوض نمير حسن وراق حسن قرشي محمد راشد محمد الجاك هاشم الشويه المحبوب أحمد الأمين 10 مشترك |
| كاتب الموضوع | رسالة |
|---|
المحبوب أحمد الأمين
|  موضوع: مشار ، قص مُنشار ((إسكرتي وبلوزة )) موضة 2011 والقدرو يلبس  الخميس 6 مايو 2010 - 6:45 | |
| الدكتور ريك مشار قال الاستفتاء في ديسمبر ، وإعلان التفصيلة في التاسع من يناير 2011م ، وياقرايشن حظك لقيت بلد مالو حاضر وبالو غائب ، تفصلوا زي ما عايز ، وعلى ناس المؤتمر الحزب الدولة الحكومة أن يِعبرو التلبيسة قبل التدبيسة ، ويشوفوها قدُرن ولا ما قدُرن ، عشان قماش التلبيسة ساكوبيس زي ورق السجاير ، بعد القص ما بتلتق ،،،،،،،،، Dr. Machar made the remarks during his meeting on Wednesday with the US Special Envoy, Scott Gration, who visited the Southern Sudan’s capital, Juba, for the first time after announcement of results for the recently conducted presidential, gubernatorial and parliamentary elections in the region  سودان تربيون | |
|
| | |
المحبوب أحمد الأمين
| | موضوع: رد: مشار ، قص مُنشار ((إسكرتي وبلوزة )) موضة 2011 والقدرو يلبس الخميس 6 مايو 2010 - 7:15 | |
| الدكتور ريك مشار قال الاستفتاء في ديسمبر 2010،، وإعلان التفصيلة في التاسع من يناير 2011م ،، يعني عرض أزياء لشتاء دافي ،، وتعالوا نشوف القصة ( بالفتح مافي كسر ولا في مواسير ) ونبدأ بالبلوزة ،، طبعاً القصة حسب الرغبة ،، رغبة العميل/ة ،، او الزبون/ة ،، وفي بلوزتنا دي العميل قال دايرا ضيقة ،، الرقبة فاتحة في شكل مثلث محفوف بالترتر والتوتر ،، والأكمام طويلة قابضة ومحاطة بالدانتيل والشرشر ،، مستعملين فيـها زراير مصنوعة من العاج ،، كرشليق الزراير محفوف بالحرير الماليزي ،، وللماعندهم فكرة عن البلوزات ،، وعشان نسهل ليهم المتابعة ،، يمكنهم مراجعة كتاب "التلبيس في فنون البلوزات بالقرمسيس" للخبير حمضي ص 89 وما بعدها ،،  | |
|
| | |
المحبوب أحمد الأمين
| | موضوع: رد: مشار ، قص مُنشار ((إسكرتي وبلوزة )) موضة 2011 والقدرو يلبس الخميس 6 مايو 2010 - 7:20 | |
| بالمناسبة المقاس فري سايز مِش دِشداش ،،
قابل للتمدد والانكماش ،،
وبرجع الفضل للقماش ،،
تلبسو مراة يلبسوا راجل كلو ماش ،،
طبعاً التقصير إقتضتو موضة ألفين وحداش ،،
يخونا لو في زول عندو ملاحظة يقولا إعتبروهو رُكن نقاش ،، | |
|
| | |
هاشم الشويه
| | موضوع: رد: مشار ، قص مُنشار ((إسكرتي وبلوزة )) موضة 2011 والقدرو يلبس الخميس 6 مايو 2010 - 7:26 | |
| أستاذ المحبوب سلام
زمان كنا بنرسم خريطة السودان بكل سهولة
ياترى أولادنا حايقدرو يرسموها صاح بعدين ؟؟؟؟؟؟ | |
|
| | |
المحبوب أحمد الأمين
| | موضوع: رد: مشار ، قص مُنشار ((إسكرتي وبلوزة )) موضة 2011 والقدرو يلبس الخميس 6 مايو 2010 - 7:34 | |
| الأخت الإتصلت بالتلفون وقالت دايرا ليـها عينة تجربا لي عرس أم صاحبتا بصراحة إعتذرنا ليـها ،،
لأنـها ما عميلة ،،
وما عندنا شغلة في صاحبتا ولا في أم صاحبتا ذاتا ،،
عشان كِدا يا خوانا الحاضر يحدث الغائب ،،
البلوزات دي للعملاء فقط ،،
والعجبو عجبوا ،،
والماعجبو يلبس من كريستيان ديور ،، | |
|
| | |
راشد محمد الجاك
| | موضوع: رد: مشار ، قص مُنشار ((إسكرتي وبلوزة )) موضة 2011 والقدرو يلبس الخميس 6 مايو 2010 - 7:42 | |
| يامحبوب انت اللون البمبى دا جبتو من وين ؟؟؟؟
ماتخليها اسود كلها .... وريحنا !!!
بلوزتك دة اجعص جعيص مايقدر يكشكشها ...
الحل شنو نقعد نتسامر ونتحاكا وناس ريك مشاكا ينجضوا الحلة بى نار هادية ...
ويقتلو فينا بدم بااااااااااااااارد ..... وحااااااااااااااااااار .... | |
|
| | |
المحبوب أحمد الأمين
| | موضوع: رد: مشار ، قص مُنشار ((إسكرتي وبلوزة )) موضة 2011 والقدرو يلبس الخميس 6 مايو 2010 - 8:01 | |
| هاشم الشوية حبابك الفين وحداشر ،،
ومداخلتك تداخلت مع مداخلتي السابقة فلك العتبى ،،
ومشكلة اولادنا ساهلة نعمل ليهم خريطة طريق لخريطة السودان ما احسن ؟
يا راشد سؤالك إجابتو واضحة زي الشمس ،،
عصينا
عصينا وشلنا عصينا
على الحرية منو بوصــــــــــــــينا
وعصينا ما شايفنـها ،،
وبدل الحوامة في الظلام ساي ،،
أقعد أفصل لي حاجة ،،
وأعرضا وأعرض معاها البتعجبو يلبس والمابتعجبوا يدور كريستيان ديور ،، | |
|
| | |
قرشي محمد
| | موضوع: رد: مشار ، قص مُنشار ((إسكرتي وبلوزة )) موضة 2011 والقدرو يلبس الخميس 6 مايو 2010 - 8:04 | |
| الأخ الغالي: المحبوب وفقه الله
السلام عليكم ورحمة الله وبركاته وبعد،،،
أسأل الله عز وجل لنا ولكم التوفيق والسداد.
كيف يكون الحال إذا تم الانفصال.
كيف يكون الحال إذا لم يتم الانفصال.
دي أمة...........
نسأل الله السلامة
يا المحبوب قول واحد:
تمرد جديد للجيش الشعبي يجتاح شمال بحر الغزال
بقيادة الجنرال جورج أتور، وتقول المصادر إن حكومة الجنوب تشتبه في أن يكون أتور خلف التمرد الذي اندلع أمس خاصة وأنه أصبح يقود قرابة الألف جندي في الإقليم دون معرفة مكانه، لكن المصادر قالت إن جزءاً من قواته تتحرك على حدود الشمال والجنوب. وكان أتور قد هدّد أمس الأول أنه يمكنه شن هجوم على أي مكان وأن لديه قوات كافية يمكنها الاستيلاء على ملكال عاصمة ولاية أعالي النيل وبور عاصمة ولاية جونقلي. | |
|
| | |
حسن وراق حسن
| | موضوع: رد: مشار ، قص مُنشار ((إسكرتي وبلوزة )) موضة 2011 والقدرو يلبس الخميس 6 مايو 2010 - 10:14 | |
| يا حبو
والله ريك مشار في الشايفه دي اظنو حيستعين بترزية الحصاحيصا
هاشم التتر في حراسة المكنة
الامين جلي في الفردة الشمال
علي حنين فردة يمين
حياتي عبيد باك ثالث
( حباك شمال ) محمد وراق
( حباك يمين ) هاشم كبير
المباراة ستكون سداسية
خطة اللعب تفصيل عمك محمد الفوراوي ابو لطفي كوتش التيم
سيقوم التتر بتوضيب الكرشليق
وهاشم كبير تخصص بتليته والكفة وعلي حنين تركيب الاكمام ومحمد وراق في تركيب خيالات الجيوب وتظبيط البدن وحياتي عبيد للاكسسوارات والزرائر والبروفة يوم الاتنين والليلة وين؟؟ | |
|
| | |
عوض نمير
| | موضوع: رد: مشار ، قص مُنشار ((إسكرتي وبلوزة )) موضة 2011 والقدرو يلبس الخميس 6 مايو 2010 - 13:16 | |
| الاستاذ/ المحبوب تحية طيبة يا أستاذ ...... ما تنسى أنو كل التقليعات والتفصيلات بتجينا من بلاد العم سام...... تذكر تقليعة الهييبيز ........... لازم البنطلون يكون ممزق.... مشرط ... عشان تقدر ترقعو .......والحال لايختلف .....وبما ان القماش واسع شديد .... تقدر تخت ....عليهو .... رقعة .. دينكاوية ... شلكاوية ...نوباوية ....... نويرية ... فوراوية ... مسيرية .... بقارية ... زقاوية ... هدندوية .... ,اما عن الرقع المستعربة فحدث ولا حرج ....... يعنى حا يكون أجمل من جلابية درويش فى قصر غردون .......... و (الردئ مييد )... صناعة مولانا غرايشن ..... سوف تخلق صنعه جديده لكل هلمانة المستشارية فى ترقيع الجلابية ..... بدلاً من يكونوا عواطلية.... على الميزانية وبختك يا بلد بجلابيتك الجديدة و بهذا التعايش الفلكلورى الفريد فى عصرو ......
عدل سابقا من قبل عوض نمير في الخميس 6 مايو 2010 - 14:48 عدل 1 مرات | |
|
| | |
بكري عثمان
| | موضوع: رد: مشار ، قص مُنشار ((إسكرتي وبلوزة )) موضة 2011 والقدرو يلبس الخميس 6 مايو 2010 - 14:36 | |
| المحبوب بقيت ترزي
شكلك عاوز ليك جلابيه تتعلم فيها | |
|
| | |
المحبوب أحمد الأمين
| | موضوع: رد: مشار ، قص مُنشار ((إسكرتي وبلوزة )) موضة 2011 والقدرو يلبس الخميس 6 مايو 2010 - 18:27 | |
| الشكر لكل المتداخلين ،،
والموضوع تفصيل واستيلات وموديلات للشتاء القادم ،،
القماش جاهز ومن أرقى الأقمشة وكان يشكل فيه قطن السكلاريدس 90 من مكوناته ،،
الترزية شغالين وكل يوم عندهم تيسوعة وقبايل عيد لو جبت كفن يجدعوا في الكرتونة ويقولوا ليك تعال بكرة أو بعد بدرة ،،
الدايرين الجلاليب يمشوا يقرو بوست وراق ما خلى ليكم ترزي جلاليب في البلد ما قالوا ليكم تشيلوا دبلانكم وتنكشحوا على طول ،، | |
|
| | |
صديق الرضي
| | موضوع: رد: مشار ، قص مُنشار ((إسكرتي وبلوزة )) موضة 2011 والقدرو يلبس السبت 8 مايو 2010 - 0:19 | |
| يا محبوب دي ما ( اسكرتي وبلوزة ) دا ( طونيك ) عدييييييييييييييييييييييييييييييييل
وطباح طباح
اسكرتي وبلوزة صاح
دا الاخد المقاس
ودا الفصلو
ودا الخيطو
منو البلبسو
نسأل الله الصلاح | |
|
| | |
عبداللطيف عوض الله عبدالل
| | موضوع: رد: مشار ، قص مُنشار ((إسكرتي وبلوزة )) موضة 2011 والقدرو يلبس السبت 8 مايو 2010 - 10:17 | |
| اشكر الاخ / المحبوب احمد الامين - على ابداعاته التي يتحفنا بها هذه الايام -احد اصدقائي في الحصاحيصا يدعى – جعفر معلا عند راى صورة السودان
مفصول منها الجنوب علق قائلين ( والله خريطة السودان بقت عاملة زي اليك المعطو فسيتو) . اي ان الديك اصبح ناقص الذيل | |
|
| | |
رحاب قسم الباري
| | موضوع: رد: مشار ، قص مُنشار ((إسكرتي وبلوزة )) موضة 2011 والقدرو يلبس السبت 8 مايو 2010 - 17:10 | |
| والله يالمحبوب شئ مؤلم جدا جدا
وشكلنا كده سنه 2011 ماح نحتفل بعيد
الاستقلال...!!! | |
|
| | |
بكري عثمان
| | موضوع: رد: مشار ، قص مُنشار ((إسكرتي وبلوزة )) موضة 2011 والقدرو يلبس الإثنين 10 مايو 2010 - 6:16 | |
| - رحاب قسم الباري كتب:
- والله يالمحبوب شئ مؤلم جدا جدا
وشكلنا كده سنه 2011 ماح نحتفل بعيد
الاستقلال...!!! عاوزه تفصلي فستان لي عيد الاستقلال | |
|
| | |
المحبوب أحمد الأمين
| | موضوع: رد: مشار ، قص مُنشار ((إسكرتي وبلوزة )) موضة 2011 والقدرو يلبس الإثنين 10 مايو 2010 - 12:44 | |
| بكري أبعد لينا من الدرب ،،
دي خياطة بالدانتيل والشرشر والعُرشري ،،
ما فيـها قيطان ،،
داير قيطان أمش لي التتر ،، | |
|
| | |
بكري عثمان
| | موضوع: رد: مشار ، قص مُنشار ((إسكرتي وبلوزة )) موضة 2011 والقدرو يلبس الإثنين 10 مايو 2010 - 16:40 | |
| المحبوب انا واقف بعيد من الدرب بس مستني اول اسكيرت تعمله | |
|
| | |
المحبوب أحمد الأمين
| | موضوع: رد: مشار ، قص مُنشار ((إسكرتي وبلوزة )) موضة 2011 والقدرو يلبس الإثنين 10 مايو 2010 - 17:54 | |
| نحن بدينا بالملاوزات ما بي الاستكرات | |
|
| | |
| | مشار ، قص مُنشار ((إسكرتي وبلوزة )) موضة 2011 والقدرو يلبس | |
|
