[b]مصطفيـــــــــــــــــــات[/b]

مصطفى فنان كان يهب الحروف الحياة من روحو لذا كانت الكلمات تمشى حية وسطنا حتى خلنا اننا فى جنة من النغم المتفرد,
له الرحمة بقدر ماوهبنا من سعادة..
المزيد المزيد من مصطفى سيد احمد
الاخ وليد متعك الله بالصحة والعافيه..

المرأة مساحة حزن عبر تلقائية ضجــة الشـوق والهواجس

المرأة في قوافي كلماته التي يبحر فيها مساحة حزن ... تتوه بين الق الدهشة وأنفاس المعاناة لترسو على شط الشوق فتزدان جلالآ كلما صبغ الحزن على محياها الساحر ((في عيونك ضجة الشوق والهواجس )) .. واحيانآ يركب مغامرآ للأيام وتضحية المستحيل لزرع خضرة الفرح في بواكير الأرض البكر (( وعشان أجيب ليك الفرح رضيان مشيت للمستحيل )) .

ما بين زمنآ متمنيهو محمد المهدي عبد الوهاب

ما بين زمنآ متمنيهو
زمنآ منك ذادني اســـية
طفت الدنيا عشان القاك
وانسى الحزن الطارد لي
وكان البحر الما خلانى
أعيش وبـــــــــرانى
وكان أخوان في الأنسانية
قعدت معاهم واتفاكرنا
وكم لفينا وكم ساهرنا
وكم مازحنا ليلي الصيف
وكم غنينا للحرية
وكم دارينا الحزن الاكبر
بين الصيف وجمال المنظر

وكنتى بتطلعى من عينيهم
وكتين افرحو أو يندهشو
أو يفترشو سوعد بعض
أو يتكلمو عن اللأرض وسلام العالم
وكنت غريب الجه معذب
ما أحلاهم شالو معاى الهم بالجملة
وهتفو البحر ..البحر
وجوه المركب فضلو يغنو
شوية شوية وسكت المركب
كل الناس اتنين اتنين
فرح اتكلم بلغتين
وكنت برايا
وجانى حنين الموج اتكوم
غــــور غـــور
جوه صدري
واتمنيت لو كنتى معـــــــــايا ....

[b]أظنك عرفتى[/b]

جمال حسن سعيد

أظنك عرفتي
عواصفك مهبي
أباري في خيالك يسوقتي ويودي
ونهــرك يعدى
ويجهل مصبي
هواجـــسي البتــزرع
وظني البربــــي

***

بديتك خواطــــر
بصحى وتساور
وطيفك أزاور
وروحك تحاور
يجيني في زمانك
موشح أساور
أقـول بـس وجرحك يتاور

***

أظنك عرفت عذاب المغني
وطبلو المجدع شظايا التمنى
حروفو البتجزع في لحظة تجنى
خطاهو البتهرع ...
متين تطمئني

***

مسرج خيالك
حصاني القبيل
معربد غبارو
وخلا الصهيل
مســـــفر ....مسـافر
وفاقد دليـــــــــــل
أظنك عرفتي
هموم الرحيــــــــــل