لو انت ذكي............. ادخل وشوف

الموضوع مش محتاج لاكثر من تركيز

واذا ماعرفت الحل

السؤال يقول:

انت سواق باص وركب معاك ثلاثه (3) اشخاص وجلسوا

عند اول محطه

نزل شخص واحد (1) وركب اربعة اشخاص (4)

وعند المحطه الثانيه

نزل ثلاثة اشخاص (3)

وعند المحطه الثالثه

ركب خمسة أشخص (5)

وعند المحطه الرابعه

نزل شخص واحد (1) وركب شخصين (2)

السؤال

كم عدد الاشخاص اللى فى الباص الان؟؟؟

يله احسب وفكر

تســـعة ،،

أها ،، وين الجائزة ،،

ركــــابي :-

10 بلا كشرة !!!!!!!!

10
يا منو

يلا هاتي الجائزة

تسعه +سواق البص= عشره

طبعا يا ركابى قايلاك زكى هههههههههههههه...

مبروك الاجابه الصحيحه ............... يا راشد...لما مازن يتخرج عندك جائزه

طبعا هنويه انتى وايمان اجابتكم صحيحه بس ما دخلتو اول ناس ......... اذن الجائزه لراشد

ام مازن كتب:: طبعا يا ركابى قايلاك زكى هههههههههههههه...

أنا جاوبت من هناك ،، من أنا في المستقبل ،،
وأنا هناك ،، بنركب في باصات بدون سواق ،،
الناس القالوا عشرة ديل ،،
لســّة ما عرفوا يتواصلوا مع هُــم ( هنااااك ) ،،
أنا بكلمني أنا هناااك ،،
يعني معقول أنا هناااك ،،
غشّــاني أنا هنا ،،
لو لقيتني هناااك ،، ( بجضّــمني ) ،،
ــــــــــــــــــــــــــــــــــــــــــــــ
السواق دة طشش مني الجائزة ،،
شكيتوا علي الله ،، هههههههه ،،،
بختــك يا راشد ،،

ركـــــابي :-
وقــ المغارب ــت :-

ام مازن كتب:: مبروك الاجابه الصحيحه ............... يا راشد...لما مازن يتخرج عندك جائزه

شكرا ام مازن ...
جائزتنا هى نجاح مازن .....

والله كسرتنا ............مشكوررررر

والله ياام مازن عرفت الترك في السواق بس شكلي جيت متاخره شديد
حنقنص للسؤال القادم
كان نفلح هنا قايتو عند عثمان حسين غلبنا

هو له رأس ولا عين له، وهي لها عين ولا رأس لها، ما هما ؟

راس البيت وعين الماء
هههههههههههه

والله يا ايمو ضحكتينى ضحك براس البيت دي شكلك فعلا نعسانه

شغلو الجمجمه يا جماعه المنتدى ميت شديد عايزين نحركه !!!!!!!!!!!

ام مازن كتب:: والله يا ايمو ضحكتينى ضحك براس البيت دي شكلك فعلا نعسانه

خلاص رءس الحربه وعين الماء

برضو غلط يا ايمو

ام مازن كتب:: طبعا هنويه انتى وايمان اجابتكم صحيحه بس ما دخلتو اول ناس ......... اذن الجائزه لراشد

ما مشكلة يا منو

بس الجائزة الجاية اكيد لينا

يا منو

اللي عنده راس وما عندو عين الدبوس

واللي عنده عين وما عنده راس هي الإبرة

اجابه صحيحه يا بت انتى احسن من اختك

ام مازن كتب:: اجابه صحيحه يا بت انتى احسن من اختك

ليه ليه راس البيت عندو عين
وله راس الحربه عندها عين
هههههههههه
خلاص ياهنا حلال عليك شكلنا ماعندنا نصيب لا هنا لا عند عثمان حسين
نمشي نشوف مدرسة المشاغبين واختطاف هنويه

السلام عليكم ورحمة الله وبركاته

لغز محيرني ولم أجد له الإجابه

اللغز : خرج الرجل
وزوجته عبر الطريق السريع قاصدا المدينة ، و قدر الله ان تصطدم السيارة بشجرة ، خرج الرجل و وجد انها قد تعطلت تماما و انه يحتاج الى مساعدة ، طلب من زوجته ان تبقى في السيارة
و لا تغادرها ابدا ، و احكم اغلاق الابواب عليها ، و ذهب لطلب المساعدة.

عندما عاد الرجل مع سمكري و رجل شرطة ،
وجد ان زوجته ميته و مغطاه بالدماء و عندما نظر جيدا وجد ان القاتل موجود
معها بالسيارة ، و لكنكل الابواب لم تفك اقفالها و لم يكسر زجاج السيارة

السؤال هو : كيف استطاع القاتل قتل الزوجة دون ان يكسر الزجاج ولا اقفال السيارة

علماً بأني لا أعرف الإجابه الصحيحة
اتمنى أن أجد الإجابه عندكم

ولكم مني كل التقدير والأحترام

ده حقيقي ولا لغز

لغز يا عمر عايزين الحل ؟؟؟

» ادخل وشوف معني كلمة بيبسي
» ادخل وشوف فضيحه الفان احمد الصادق
» العجلة لم تعد من الشيطان كما كان زمااان ادخل وشوف الفيديو
» جرب ماكدونالد وشوف النتائج
» اسمع وشوف وقرر