بمناسبه الصوره ياعمار والكونى

خالد محمد عثمان كتب:

مبارك عثمان كتب:

خالد محمد عثمان كتب:

حسن وراق حسن كتب:

ياجماعة دا منو؟؟
مبارك عثمان والله مبارك كابور؟؟

سبقتني عليها يا ابو علي!

..........
جورج استاروستا ... ده تصويتك ولا تصويت ابو على

كلو جايز... لكن انت عارف يا مبارك كدي بدلا بالصورة الرسمية!

...............
ياخالد ياخى معقول رسميه هنا وفى الشغل ... والله زهجنا من ربطة الكرفته دى

بكرى عثمان حمد كتب:

مبارك ..
انتو مستواكم تعبان .. والمنافسه معدومه .. عشان كده عايزين نلعب معاكم بالاشبال ..
ناس وراق وخالد الا يشتروا لعيبه عشان ندخلهم المنافسه دى
بكرى

...............
ياعمك
المنافسة يادوب ( حمت) حدد موقفك انت نازل فى ياتو دائرة ونازل بى ياتو صورة هههههههه

والله نحن معاكم فى دورى التزوير ... وان عدتم عدنا .. جهز فريقك ... حتى لو فريق دفاع ..ذى ما الزملاء المحامين ناصبين ليك كمين بهناك .. احسن تنسحب وترجع قواعدك بدل العقوبه المنتظراك .. والغريق قدام ..حاله نفسيه..!!
بكرى

ياعمك سلامات ... تلفونك مغلق
الحكاية دى بتذكرنى روايه تحكى عن احد المشايخ ( العارفين بالله) بس ما عارف مدى صدقيتها قالوا ( والقول يطير) شيخ كان راكب عربيتو وكان الحوار سايق العربية لانو الشيخ مابعرف يسوق ومعاهم جماعه ماشين لاحدى المناسبات وفى الطريق ( غرزت ) العربية فى الرمل , والجماعه يشيلو ويدفرو فى الرعربية وهى ما عاوزا تطلع من الرمل .. قام الشيخ قال للحوار بتاعو انزل انا بطلعا ( وهو مابعرف يسوق) ركب العربية والجماعه يقولو ليهو يا شيخنا ارجع وراء عشان وراء الرمل اخف ... شيخنا فتح قزاز العربية وقال ليهم يا اخونا ( انا الطريقة دى من ما مسكتها ماحصل رجعتا لى وراء ) وساق طلع العربيه على طول ... اظنو الفكرة وضحت .. اها كمان شيخ مبارك ماعندو رجعه لى وراء ... تعالوا محل الغريق

دا تحريض عديل يا بكري... اصبر لي شوية اسع بجيك باشبال... رغم اني ممكن انزل المنافسة بالصورة الأصلية و الا شنو؟

يا اخوي خليك بس ماشي لي قدام...

ما زمان قلنا ليك يا بكري خش المكان الجنبكم داك في هامبورغ تطلع من الورقة

والله يا خالد اخش هناك مبارك مش لو بقى مبارك كابور لو بقى مبارك شاه وتاج محل ما يحصلنى !!!

بكرى عثمان حمد كتب:

والله يا خالد اخش هناك مبارك مش لو بقى مبارك كابور لو بقى مبارك شاه وتاج محل ما يحصلنى !!!

.............
يابكرى صباح الخير
والله تخش بى هناك وتسمع نصيحة خالد دى ( الا يلقطوك عفش حلب) اصلو خالد ده قبل كده خشا محل زى ده فى اسمرأ بعدين ( عفش حلب غلبنى القطو) اوعا يدقسك ...

و الله قطعت مصارينا بالضحك يا مبارك... لكن انت نسيت و الا شنو؟ منو عليك الله البقي عفش حلب انا و الا انت و الا صاحبك فيصل و الا زول الإتحادي الشيخ داك؟

يا اخوي انا و اخوي بكري إذا خشينا المحل دا في هامبورغ و الله انتو الا تدسوا! تعالينا زيارة بس وشوفوا.

خالد محمد عثمان كتب:

و الله قطعت مصارينا بالضحك يا مبارك... لكن انت نسيت و الا شنو؟ منو عليك الله البقي عفش حلب انا و الا انت و الا صاحبك فيصل و الا زول الإتحادي الشيخ داك؟

يا اخوي انا و اخوي بكري إذا خشينا المحل دا في هامبورغ و الله انتو الا تدسوا! تعالينا زيارة بس وشوفوا.

............
خالد انتا قاصد فى الراكوبه ... صالح جزايرى , ولا صاحبك بتاع ( الحركة الشعبية) ولا ( جاما) فى ترافولو ... والله ذكرتنى فيصل قال لى يامبارك رغم انى اكبر سنا منك بس انتا فتنى بالخبره .. حليل اسمرا ... ههههههههههه ... قلت ليهو معناها كان جاك خالد ( بتدردق نبق فى طبق)
اسمع نحنا بالجد مفكرين نجى زياره الدنمارك بس انصحنى ( اصبن ) الجماعه ولا اجيبم معاى ههههه

زول ترافولو... فيصل شخصية رائعة فعلا. من غير الاولاد ما تجي!

خالد محمد عثمان كتب:

زول ترافولو... فيصل شخصية رائعة فعلا. من غير الاولاد ما تجي!

.................
حاضرين .... ياود يااولاد انت , انتا طبعا عاوز تضرب على رقابه صارمه .... هههههه

يامبارك الملعب مكشوف من قبيييييييل ...صحصح معانا شوية.
وشايف الجماعة قاشرين بى صورتك دى..اسة لو ما الباص البينى ده
اللى ختينا فيهو كل خبرتنا....كانو اتفسحو كده...
ويا صديق ..نحن شغالين بى سياسة..توعدنا وتبخل بالصورة..
عبد المنعم سيد احمد
..........
والله يامنعم جنس باص ذكرنى ايام خوالى ... اشتقنا لى جدعاتك المميزه دى ... خلت اصحابك محتارين الباص ده يتلقوه كيف لكن انت طبعا عارف اخوك ( رب الكفر) بى سدرو وروق اللعب وخد وهات

والله يامنعم جنس باص ذكرنى ايام خوالى ... اشتقنا لى جدعاتك المميزه دى ... خلت اصحابك محتارين الباص ده يتلقوه كيف لكن انت طبعا عارف اخوك ( رب الكفر) بى سدرو وروق اللعب وخد وهات

العزيز مبارك
قد كانت لنا صولات وجولات..وكانت سياستنا لن تسقط لوزة قطن واحدة
وهى السياسة المقابلة لسياسة الحزب الواحد.
شفت الكلام ده كيف...زى ماقال المدرب الجعيلى..الاعب ده يقسم فيها زى المرارة
فلاعب الوسط هو ضابط الايقاع...ما اجمل هذه التقاسيم.
المداخلة الجاية.عن الطلبة الناصريين بالجامعة..وراى الجكس الصريح.
ههههههههههههههههههههه

عبد المنعم سيد احمد كتب:

والله يامنعم جنس باص ذكرنى ايام خوالى ... اشتقنا لى جدعاتك المميزه دى ... خلت اصحابك محتارين الباص ده يتلقوه كيف لكن انت طبعا عارف اخوك ( رب الكفر) بى سدرو وروق اللعب وخد وهات

العزيز مبارك
قد كانت لنا صولات وجولات..وكانت سياستنا لن تسقط لوزة قطن واحدة
وهى السياسة المقابلة لسياسة الحزب الواحد.
شفت الكلام ده كيف...زى ماقال المدرب الجعيلى..الاعب ده يقسم فيها زى المرارة
فلاعب الوسط هو ضابط الايقاع...ما اجمل هذه التقاسيم.
المداخلة الجاية.عن الطلبة الناصريين بالجامعة..وراى الجكس الصريح.
ههههههههههههههههههههه

..............
المدرب ( الجعيلى ) والمدرب ( خالد ود النوبه) والله ذكرتنى زمن
ذكرتنى كمان اخونا جمال عبد العال ( مستر فاء) طبعا الناس ( البتمتمو ) بنقول ليهم تمتامين - طبعا جمال ( بفافى) يعنى ببدأ الجمله بكميه من ( الفاءات ) لمن جاء ( عاطف صدقى) وكان اياميها رئيسا للوزراء بمصر لافتتاح مبانى الكليات العلميه بجامعة القاهرة الفرع وكان اياميها المناضل ( خالد جمال عبد الناصر ) يقود تنظيما مسلحا يعرف ب ( ثورة مصر) وكان مطلوب من السلطات المصرية ... فخرجنا فى مظاهرة لمنع د. عاطف صدقى من افتتاح الكليات العلمية بالجامعه احتجاجا منا على موقف الحكومة المصرية واصدار اوامرها بالقبض على ابطال ( ثورة مصر) ومن يقاومون التطبيع .... اعتقل جمال عبد العال وحينما احضروه للتحقيق ساله ( الامنجى) ليش طلعت فى مظاهره .. جمال بدأ يحضر نفسه للرد وقال : ف ف ف ف ف ف ده كلو من ناحيه ( ودى طبيعتو مابعرف يتكلم لو ما فافا) فاندهش بتاع الامن وافتكرو ( بستهبل عليهو) كيف تسال زول سوال يرد عليك بكل هذه الكميه من الفاءات وكمان يقول ليك ده كلو من ناحيه ... مع مراعاة ان السؤال كان استهلالى ... وبعد داك عينك ماتشوف الا النور ....
حدثنا يامنعم

اها يامبارك لقيت دليل ادانتك كاتبه بنفسك ..الليله وقعت وانا من دربى ده موديهو بهناك لى ناس كمال وعاطف وكل الناس الذين تتضرروا بصوره او باخرى من تلاعبك واستهتارك بكل النداءات للاعتراف وتجنب لاهاى .. ونحن انت بالنسبه لينا بدايه بس ونحن مصميمين بكشف كل تلاعب فى المعلومات التى تضر بنفسيات الاعضاء .. ويا ..... الدور جاييك!!!

بكرى عثمان حمد كتب:

اها يامبارك لقيت دليل ادانتك كاتبه بنفسك ..الليله وقعت وانا من دربى ده موديهو بهناك لى ناس كمال وعاطف وكل الناس الذين تتضرروا بصوره او باخرى من تلاعبك واستهتارك بكل النداءات للاعتراف وتجنب لاهاى .. ونحن انت بالنسبه لينا بدايه بس ونحن مصميمين بكشف كل تلاعب فى المعلومات التى تضر بنفسيات الاعضاء .. ويا ..... الدور جاييك!!!

............
ايوا ماتقول كده من البدايه .. يعنى انت كايس الزول داك .. بركة اخر عمرك صرت كبش فداء

ما تمشى بعيد نحن محاربى كاتنقا القدامى ما بنهبشهم .. نحن جارين وراء ناس تانين عاملين فيها لسع تحت السن القانونيه .. وبالمناسبه سيكون للمنتدى هئيه محكمه دائمه من مهامها كشف اى تلاعب فى اى مجال .. وحمايه الاعضاء من اى شىء يضر بالنفسيات

بكرى عثمان حمد كتب:

ما تمشى بعيد نحن محاربى كاتنقا القدامى ما بنهبشهم .. نحن جارين وراء ناس تانين عاملين فيها لسع تحت السن القانونيه .. وبالمناسبه سيكون للمنتدى هئيه محكمه دائمه من مهامها كشف اى تلاعب فى اى مجال .. وحمايه الاعضاء من اى شىء يضر بالنفسيات

..........
ياعمك
كاتنقا دى كان زمان ... نحنا قاتلنا سنينا واقتتلنا .. نحنا سجلنا التالف فى انفعالات الاجنه
جماعتك ديل اصلو نفسياتم تعبانه وجات الصوره زادت الطين بله .. وكاتانفا دى خليناها ليهم الخوف يجوا لاحقننا فى قندهار

مدثر عثمان الجاهوري كتب:بعد الاطلاع على ملف الدعوى المقامة ضد عضو المنتدى المدعو مبارك محمد عثمان المتهم بالتزوير بالصورة ... وحيث أن الأتهام قد قدم قضيته المتكاملة بكافة مستنداتها والشهود وبين مدى الضرر الذي لحق باعضاء وزوار ومتصفحي المنتدى وقدم مرافعته الختامية ... وبعد استجواب المتهم ... وبما أن الدفاع فشل في تقديم دفاعه ودحض بينات الأتهام ولم يقدم مرافعته الختامية ...
قررنا التالي :
1) يحجز ملف الدعوى للمداولة واصدار الحكم
2) حددنا جلسة يوم الثلاثاء 30 يونيو 2009م الساعة العاشرة صباحاً للنطق بالحكم

باقى اربعه يوم

يا عمك
جينا متنكرين