الحكايه شنو يا Admin

يا شنو الحكاية يا Admin نقلب الصفحة ، تختفى الصفحة !!! وتظهر صفحة محتاجة دبل لنظارة
قرايه !! انت نساى الكوامر ولا شنو !!! والله بطريقتك دى الدغش الجماعة يشيلوا حسك !!
رمضان كريم

Admin

ياعاطف قلنا نعمل تيست قبل الكوامر مايصحو لكن نعمل شنو لي كوامر أخر الليل ديل تحياتي ورمضان كريم

يا بكرى سلام ، أنت قايل الكوامر ساهلين !! ديل مقسمين
وردية للمنتدى ، ورديتى السبت والاحد والمحبوب وجماعتو
باقى الاسبوع ، يعنى ماعندك سكة غير تشاورهم !! لانهم سُقد !
ورمضان كريم

Admin

دا عشان المحبوب ما ينقنق أها رايك شنو بي نظر الكوامر؟

يا بكرى قرض على كدا ،للمحبوب وجماعتو !! أه وراق ،جمال عدوى،
صديق عبد الهادى ، بدر ابونورة ، الامين عبد الباقى ،
عبد القادر أحمد وكيشو وفايزه ،ديل ناسك وأكيد حتقدر عليهم .

والله لمن جيت داخل زول مافي .. عشان أعمل مداخلة إلا جبت لي بطارية ..وفضلت قاعد قلت النشوف آخرتا ..
خايفين نقول النصيحة يقولو بت سعدان فصيجة

يا المحبوب ، شنو بديت النقة الخائف منها الادمن !!! بطريقتك
سوف تركب فى سرج واحد مع الصف الاول من الكوامر .
رمضان كريم

الاستايل الجديد يغلب عليه الطاع الحزين
بني غامق قريب من الأسود
كمان بعض الأجهزة فيها مشكلة عدم تلوين النص
واجهتني هذه المشكلة
لهذا تجد الحروف بني فاتح على ارضية بنية فاتحة
شوية بتكون مرهقة للعين

طبعاً في واحدة من الجلسات الظريفة للبورداب طغى اللون البني
على اعجاب الكثيرين
وبالتأكيد من الصعب ارضاء الأذواق كلها
لكن أحياناً الاستايل { يولّد } الابداع
لهذا سيقل ابداعنا قليلاً في هذا الشهر الفضيل
لك ايها الآدمن ولعاطف والمحبوب وكل البورداب التحية ورمضان كريم

عاطف يا خي القال منو انا نقنقت .. بطل الفتن .. ما بان منها وما بطن ..انا الادارة اصلي ما بنقنق منها اها رايك شنو ؟؟
وبعدين لمن أقول (( خايفين نقول النصيحة يقولو بت سعدان فصيحة )) هل تسمى مثل هذا الكلام ــ يا هداك الله ــ نقنقه ؟؟ كلا يابن عمنا اسماعيل فقد عيل صبري .. فالذي بيني وبين الألوان جعلني أستعين بنظارات لو وضعتها في كفة ميزان عدسات لمالت كفتها ولو وضعتها في الكفة الاخرى أرتال من الميقابايتات ..

وكل رمضان والنظر بخير .. وتسلم وتسلم الادارة وجميع المتداخلين / ون ، و المتداخلات ورمضان كتير لنفوس غلبا الصبر ، وتصوموا وتفطروا على خير كثير..
بالمناسبة الوضع دا حا يستمر تكبير اقصد كتير ؟
عاطف بالله جاوب دون ان تفتني في الادارة

يا المحبوب الموضوع ما طول كتير ....
بعد العتب على الكنب ..... اقصد النظر !!!!!

الادارة جابت البنفسج
طبعا دا لون الرومانسية والهيام
وربنا يتقبل الصيام والقيام والهيام if any
اسي يجي عاطف اسماعيل يقول ليك الادارة شنو كدي ماعارف

بمناسبة رمضان ناس النيل الازرق حا يخرتوا ليك باقي القنوات بأغاني وأغاني
هارموني ركزت على مجموعة من التياب النسائية الفارخة والنقش البذكرنا قصة عواطف .. ( مافيش حد يقول حنة ) إتا ياراشد الجائي دا رمضان زايد ولا شنو ؟؟

*فارخة : يعني التوب يفرخ توب وهكذا دلاليك إلى نهاية الحلقات

أبوحراز كتب:: الاستايل الجديد يغلب عليه الطاع الحزين
بني غامق قريب من الأسود
كمان بعض الأجهزة فيها مشكلة عدم تلوين النص
واجهتني هذه المشكلة
لهذا تجد الحروف بني فاتح على ارضية بنية فاتحة
شوية بتكون مرهقة للعين

طبعاً في واحدة من الجلسات الظريفة للبورداب طغى اللون البني
على اعجاب الكثيرين
وبالتأكيد من الصعب ارضاء الأذواق كلها
لكن أحياناً الاستايل { يولّد } الابداع
لهذا سيقل ابداعنا قليلاً في هذا الشهر الفضيل
لك ايها الآدمن ولعاطف والمحبوب وكل البورداب التحية ورمضان كريم

أبوحراز يامبدع رمضان كريم ، نحن فى هذا الشهر
الفضيل نحتاجك بشدة ،أفتكر الادمن ماقصر ،إذ أدخل
بعض الألوان الفراحية المحرضة على الابداع والتفاعل
الايجابى .
ودمت مبدعاً

المحبوب أحمد الأمين كتب:: عاطف يا خي القال منو انا نقنقت .. بطل الفتن .. ما بان منها وما بطن ..انا الادارة اصلي ما بنقنق منها اها رايك شنو ؟؟
وبعدين لمن أقول (( خايفين نقول النصيحة يقولو بت سعدان فصيحة )) هل تسمى مثل هذا الكلام ــ يا هداك الله ــ نقنقه ؟؟ كلا يابن عمنا اسماعيل فقد عيل صبري .. فالذي بيني وبين الألوان جعلني أستعين بنظارات لو وضعتها في كفة ميزان عدسات لمالت كفتها ولو وضعتها في الكفة الاخرى أرتال من الميقابايتات ..

وكل رمضان والنظر بخير .. وتسلم وتسلم الادارة وجميع المتداخلين / ون ، و المتداخلات ورمضان كتير لنفوس غلبا الصبر ، وتصوموا وتفطروا على خير كثير..
بالمناسبة الوضع دا حا يستمر تكبير اقصد كتير ؟
عاطف بالله جاوب دون ان تفتني في الادارة

تعرف يا المحبوب عندما قرأت سطورك ،قلت المحبوب
بتاع نقة !!لكن عندما رديت على أبوحراز مع الاقتباس
الطشاش كبس على ، لذلك اطلب منك ارسال نظارة
مُضادة للطشاش !! وكيتاً على الأدمن يحول اليك سعرها
عاجلاً وإلا مجموعة المطشاشين سوف تفتح بلاغاً فى جنائية
النت .

راشد محمد الجاك كتب:: يا المحبوب الموضوع ما طول كتير ....
بعد العتب على الكنب ..... اقصد النظر !!!!!

يا راشد الموضوع ما طول لكن مع الاقتباس الطشاش واقع !!!

المحبوب أحمد الأمين كتب:: الادارة جابت البنفسج
طبعا دا لون الرومانسية والهيام
وربنا يتقبل الصيام والقيام والهيام if any
اسي يجي عاطف اسماعيل يقول ليك الادارة شنو كدي ماعارف

بمناسبة رمضان ناس النيل الازرق حا يخرتوا ليك باقي القنوات بأغاني وأغاني
هارموني ركزت على مجموعة من التياب النسائية الفارخة والنقش البذكرنا قصة عواطف .. ( مافيش حد يقول حنة ) إتا ياراشد الجائي دا رمضان زايد ولا شنو ؟؟

*فارخة : يعني التوب يفرخ توب وهكذا دلاليك إلى نهاية الحلقات

يا المحبوب البنفسج حبابو ،على الأقل يذكرنا بالذى مضى .
لكن شن قولك مع الطشاش والكمبويتر الرماش ، بعدين
أنت فى الطشاش ولا كمبويترى بقى تقيل صخرة ، ال download
يجيرك الله تكمل السيجارة ، الصفحة ما تظهر !!
ياالمحبوب دحين ناس الشروق والسودانية فى رمضان دا شايتين وين ؟

» القانون العام واللوائح لمنتدى الحصاحيصا دوت كوم
» يا (Admin)
» [b]بيان هام من الإداره[/b]
» يا Admin
» يا Admin