تراويح في زمن الدعايات خلال اغاني واغاني.. لياقتك تعبانة تشوف مسجد تاني (( فديو مبالغه))

إمام يقوم النفس تقول بلعب في أمل عطبرة

غايتو جنس سك .. تتأخر في ركعة تلقى جاك في التانية

أمس مشيت صليت معاهو جيت لقيت ناس الدعايات ياداب في شاي الغزالة عملت شنو كدا ماعارف

ذكرني قصة الراجل الجا لقى الجماعة بفطروا برا في الشارع
إتفضل آآزول ..قعد
بين اللقمة واللقمة لقمة
طيارة بس
بعد الفطور سأل " يجماعة طيبة الشيخ عبد الباقي بصلا في كم ساعة بي حماري دا ؟"
شب ليهو واحد قال ليهو " لو مشيك بي سرعة أكلك الأسي دا ممكن تصلا في تلاتة دقائق ونص"

وليد كيفك ياخي ورمضان كريم
بختكم ياوليد رمضان بدون مساككة تلج
غايتو لو سجلتو طرف يمين إحتمال تدو حيدر بورسودان تلاتة

يالمحبوب امامك ده ساكيهو حرامي وله شنو
يكون مقاولنو عليها
اوعه تكون راجياهو بالعده بتاعت الفطور
ياربي يكون العشه بي خدره وماشي يورقه

دا شنو ياوليد كم ساعة ؟؟
وأغاني وأغاني بتحضرو صايمين ؟؟
أكان ما أدوكن فيه أعد تضحك علي

كن بألف خير إبن السيد الفاضل

أبو أمجد رمضان كريم
ياخي أنا بعاين في الفديو نفسي قام وأنا قاعد في الكرسي ..تراويح زي الترجيحية

ترجيحية شنو
دا شعفوفه عديل

هل هل فاكس

لالالالالالالالالا كلام غريب ده لما الصلاه تنتهى بكونوا الجماعه ذاتهم انتهوا ....

سلامات المحبوب
الصلاة دي سريعة جدا لكن انت مشيت تصلي واللا تصورها

يا المحبوب رمضان كريم ، والله امامك دا اسرع من امام جزيرة الفيل
شيخ عووضة !!لو عملنا لهما مسابقة ممكن يدخلا الموسوعة العالمية
لاسرعة صلاة !!!