لقاء هام لجميع الاعضاء فى منزل صداح وراق

الجميع مدعوون يوم الثلاثاء خامس ايام العيد للقاء الجامع لجميع اعضاء المنتدى عقب صلاة المغرب بمنزل المرحوم فاروق وراق بالحلة الجديدة

نتمنى ان يكون اللقاء قوبا وجامعا لكل الاعضاء ...
ياعشى ارجو ان تهتم بتوصيل الدعوة مباشرة دون الاعتماد على البورد فقط لان الكثيرين لم يسجلوا دخول ايام العيد .....

انشاء الله تجمع خير وبركه وربنا اوفقكم ونحنا معاكم بقلوبنا وكل احاسيسنا الجميله
واي شي يترتب عليه الاجتماع نحنا جاهزين لاي مساهمه تدفع بالمنتدي الي الامام ماديه او معنويه
يا استاذ وليد ودكتور بكري واستاذ حسن وراق ياريت لو في واحد موجود من ناس جده عشان اكون نواه لبداية روابط صغيره في بلاد المهجر عشان تساهم بالمال والجهد والتواصل لتغزي الرحم الام دوت كوم وانا بتمني نناقش موضوع الاداره عشان اكون في تمثيل لهذه الروابط داخل ادارة دوت كوم عشان ذي ماقال حسن وراق الحمل علي زول واحد حتي لو كان حمال الوالي او صلاح ادريس.
ونحنا اثقلنا علي الدكتور كتير وحقو نشيل منه العب شويه عشان هو وصل العجله الي بر الامان والباقي علينا نحنو الاعضاء ووفقكم الله وسدد خطاكم.

الاخوه والاخوات ارجو ان نتنادى لهذا اللقاء ..
اتعشم ان اتعرف على الجميع وان نتفاكر فى ما يهم الجميع ...
سعيد بمن التقيت وتواق للتعرف على الجميع ...
شكرا مغربى على الفكره ..

الأعمى يشيل المكسر.

جمعه في الحرم يارب
ربنا يكتب ليكم في كل خطوه وخطه سلامه
ويوفقكم
نحن طبعا جنبك ومشتهيك ياعيوني
في السودان لكن مع الشغل مافي طريقة سفره للحصاحيصا
ارجو انو الاجتماع يسفر بما هو مفيد وجميل للحصاحيصا
وادونا خبر بالتفاصيل
وماتنسو الصحي

فى انتظار التقرير المفصل ....
وتوجد صور !!!!