اين فروع المنتدي يا بكري؟؟

الاخ الفاضل بكري
ندرك تماما حجم المسئوليات التي تقع علي عاتقك ... لكن في جعبتنا الكثير
وفي انتظار تقسيم فروع المنتدي (الثقافي الديني الاجتماعي المكتبات.... الخ)

ورينا الاقسام عشان ندخل علي طول ونكسب الزمن ..
وفي انتظارك

.. فى جماعة زمااان كلمونا نعمل دعوة لبت امها .. .عايزين نواصل الابداع هنا ونشوف الجديد عند صاحبة الحرف الجميل .. واكيد حاتقدرى تحركى فينا عصب السكون ... ونحاول نجادعك من بعيد لبعيد .. هامات وقامات بلادى ... واعرف اننا حتى الان لم نخرج منك الا القليل ... ويالا يابكرى افتح لينا نوافذ لنرى الق الكلم الجميل ...

ديل منو ياراشد ..... على فكرة انا بديت ازهج من المنتدى ده .... مافى تبويب , كيفية الاقتباس , حاجات كتيره ما واضحه ..... بالله كلمو لينا بكرى , المنتدى زى شكلو ناقص كده

سلام بت امها..
و الله يا جماعة انا رهن الاشارة.. و سبق ان دعوت الناس لتقديم اقتراحات للتبويب و اظن تداخلوا اثنين او ثلاثة.. ناس قالوا يخلوة روكة ذى سودانيز اون لاين و ناس قالوا يبوبوا..
هسع المطلوب شنو؟؟ اها... انا المسالة دى اوكلتك عليها... يلا اتينى بالخبر اليقين!!!
بعدين شنو يا مبارك... ما تشوفنى براك!!!!!
نحن شفنا منك شنو لمن بديت تزهج...
مسالة الاقتباس ..كدى شوف الناس العملوها ديل عملوها كيف...
لكم الود..
بكرى

مبارك عثمان كتب:

ديل منو ياراشد ..... على فكرة انا بديت ازهج من المنتدى ده .... مافى تبويب , كيفية الاقتباس , حاجات كتيره ما واضحه ..... بالله كلمو لينا بكرى , المنتدى زى شكلو ناقص كده

للإقتباس ....إضغط علي كلمة quote في اعلى الصفحة

راشد محمد الجاك كتب:

.. فى جماعة زمااان كلمونا نعمل دعوة لبت امها .. .عايزين نواصل الابداع هنا ونشوف الجديد عند صاحبة الحرف الجميل .. واكيد حاتقدرى تحركى فينا عصب السكون ... ونحاول نجادعك من بعيد لبعيد .. هامات وقامات بلادى ... واعرف اننا حتى الان لم نخرج منك الا القليل ... ويالا يابكرى افتح لينا نوافذ لنرى الق الكلم الجميل ...

هلا بالصاحب الصاحب
ما تكبر لينا راسنا براهو (كبيرفي الحجم) وياسيدي ناس المنتدي هم البحركوا عصب السكون

ويخلوا الواحد يطلع الماعارفه .. وينك اليومين دي ما ظاهر .. التحية للاسرة

مبارك عثمان كتب:

ديل منو ياراشد ..... على فكرة انا بديت ازهج من المنتدى ده .... مافى تبويب , كيفية الاقتباس , حاجات كتيره ما واضحه ..... بالله كلمو لينا بكرى , المنتدى زى شكلو ناقص كده

ده منو بتاع الشمارات ده ؟؟ انت مبارك عثمان ولا محمد عثمان ولا قدورة .. شايفة البركات كتيرة في المنتدي ده . ربنا يزيد كمان وكمان
فعلا المنتدي ناقص .. ومشرور مالي الشاشة. والله ما قصدنا ننبزوا لي روحنا لكن دائما الحاجة الجميلة بتعجب
ولي قدام يتعدل ان شاء الله بس نحنا مستعجلين شوية

بكرى عثمان حمد كتب:

سلام بت امها..
و الله يا جماعة انا رهن الاشارة.. و سبق ان دعوت الناس لتقديم اقتراحات للتبويب و اظن تداخلوا اثنين او ثلاثة.. ناس قالوا يخلوة روكة ذى سودانيز اون لاين و ناس قالوا يبوبوا..
هسع المطلوب شنو؟؟ اها... انا المسالة دى اوكلتك عليها... يلا اتينى بالخبر اليقين!!!
بعدين شنو يا مبارك... ما تشوفنى براك!!!!!
نحن شفنا منك شنو لمن بديت تزهج...
مسالة الاقتباس ..كدى شوف الناس العملوها ديل عملوها كيف...
لكم الود..
بكرى

انا ذاتي من المتداخلين وابدينا اقتراحاتنا .. لكن لا قلتو نعم لا قلتو لا راجع البوست بتاع الاقتراحات
وممكن لو ما كفاية نزيدك ابواب كمان وكمان
بعدين انا ما بعرف ناس الادارة تحديدا هم منوا عشان الواحد يناقش معاهم المسالة دي
لك التحية

سلام يا بت امها ...
هذة كانت بعض المداخلات بخصوص المنو ممكن يقرر فى موضوع المنتديات...
...انا عارف لسع المنتديات لم تتكون بعد لكن لا باس ان يكون هذا من ضمن عمل الاشخاص الذين سوف يتم انتخابهم الان..لذلك اقترح لجميع العضوية المسجلة الان ان تبدأ فى التفاكر لانتخاب اشخاص لاكمال هذة المهمة ..
..ايضا تقدمت بتلك الاقتراحات الى حين التمكن من بناء المؤسسية ..لذلك ليس هنالك احد مخول لة اتخاز القرار.. ليس لاننى هديت هذا الموقع للحصاحيصا يجعل منى صاحب قرار... و اقول مرة اخرى هذا لكم خذوة بحقة فانتم اصحاب الشأن ...
هنالك اقتراحات من ابراهيم الحاج و الطيب تلودى و مبارك و الكونى و انتى ...و اخرين...و ممكن من كل هذة الافكار ان نطلع بتصور مقبول..

مع امنياتى لكم بالتوفيق..
بكرى...