مرحب ... عثمان ميرغنى عثمان

مرحب كتير

البيت بيتك

عشرات حبابك استاذ عثمان

مرحب بك في دارك

هلا وغلا..
نورت الموقع..

مراااااااااااااااحب يا استاذ
شرفتنا

الف مرحبا بالاستاذ / عثمان ميرغني عثمان

طبعاً ياناس الحصاحيصا أخجلتوني عدييييييييييييييييييل بترحابكم وده شيء ما مستغرب عليكم .
وطبعاً حاجة غريبة إن زول ما من منطقة ينضم لمنتدياتها ويسجل كمان وما يكتفي بالزيارة لكن صدقوني ورغم إني ما قابلت اي واحد فيكم إلا إني بحس بإني واحد منكم ......
وبصراحة شيئين حمساني للانضمام لكم أولهما كمية الوفاء والحميمية التي تسود بينكم وهذا الكم الهائل من حنين الجروف والسواقي الذي يعطن منتداكم حتى أنني تمنيت لو أنكم سميتموه الوفاء دوت كوم...
الشيئ الثاني درس معي بجامعة القاهرة بالخرطوم مابين العام 1984إلى 1988م زميل اصيل اسمه متوكل من أبناء الحصاحيصا اعتقد أنه محامي الآن تقطعت بنا السبل بحكم السنين ولم نلتقي بعد التخرج والمعادلة وحتى لم أعد أذكر حتى اسم والده ( ولكنني سأنزل صورته) حتى تدلوني عليه
الشيء الثالث ما أعرفه عن أسرة العم مصطفى عدوي وهم جيران بالشجرة من كرم أخلاق وحسن عشرة وسيرة حسنة
عموماً عشمي فيكم قول حميد ( البيت ده بيتك يالحبيب أدخل مخير وماك غريب أغشى التكل جيعان أكل خرمان في شاي) وغايتو دخلت وأرجو ألا تستثقلوني فالغربة تجعلنا نحس بالحميمية تجاه كل ما هو سوداني
وتعريف بسيط بنفسي : أقيم بالرياض وأعمل مستشاراً قانونياً لوزارة الصحة السعودية/أب لمحمد (10) سنوات ومؤيد (4) سنوات مكان الإقامة بالسودان الشجرة
ختاما ً شكراً ندياً لكل من رحب بي وأرجو أن يكون هذا المنتدى- رغم اشتراكي في منتديات عديدة بحكم السكن والموطن الأصل والمهنة داراً أقاسمكم فيها الإنساني العام وكل هموم المغتربين وهموم الوطن وياجمال عدوي اتذكرتني أم اضاعت ملامحي السنين؟

سعيد اخي راشد بتواصلك وأتمنى أن تمتد المعرفة حتى الأسر وحتماً سنجد ويجد أطفالنا متكأ أرحب في التواصل مع أطفال آخرين وصدقني أخي مشكلة انتقاء من تعرف ومن تزور في الغربة هاجس طالما أرقنا ومحمد يضغط علينا يابابا أنا عايز أولاد قدري والبتعرفهم انت معظمهم أولادهم يا أكبر مني يا اصغر

مرحب بيك وبمحمد كتييير وان شاء الله نتواصل عبر الهاتف ...

الأستاذ راشد مشكور أخي على هذه الأريحية ولأن لي عفروت اسمومؤيد متخصص في بهدلة جوالي مما يفقدني الكثير منعذرة المعلومات والوسائط فمعذرة لطلب رقم الهاتف وقبل هذا لو سمح وقتكم الغالي بزيارة لي في الوزارة طالما نحن جيرانكم تكون ماقصرت معاي أبدا

مرحب بيك كتير

مرحب بيك الدرار دارك