أغـنـيــــــــــات لـلـــــوطــــــــــن

هذا البوست مخصص للأغاني الوطنيه

ونرجو من الجميع المشاركه

أمــة الأمـجــاد

أمتى يا أمة الأمجاد والماضى العريق
يا نشيدا فى دمى يحيا ويجرى فى عروقى
أذن الفجر الذى شق الدياجى بالشروق
وطريق النصر قد لاح فسيرى فى الطريق
قبلة الأنظار يا أرض الهدى والحق كنت
ومنارا فى دجى الأيام للعالم عشت
أنت مهد النور .. مهد الفن والعرفان أنت
وستبقين ويبقى لك منا ما أردت
لا تبالى إن أساء الدهر يوما لا تبالى
قد صحونا لأمانينا .. صحونا لليالى
لك يا أرض البطولات ويا أم الرجال
ترخص الأرواح فى يوم الفدى يوم النضال
للغد المشرق يندى بالأمانى والعطور
أمتى .. سيرى إلى المجد و جدى فى المسير
حققى بالعمل البناء أحلام الدهور
و اصعدى بالعلم والأخلاق للنصر الكبير
اصعدى يا أرض أجدادى وأمى وأبى
اصعدى يا قلعة يحرسها كل أبى
اصعدى يا مشرق النور لأغلى مأرب
اصعدى للقمم الشماء فوق الشهب
أمتى يا أمة الأمجاد و الماضى العريق
يا نشيدا فى دمى يحيا ويجرى فى عروقى
أذن الفجر الذى شق الدياجى بشروق
وطريق النصر قد لاح فسيرى فى الطريق

**********
******
***

الجمال والحب في بلادي
شعر : سيد عبد العزيز
----

الجمال والحب في بلادي
والحضارة وإنتشارها وإزدهارها
في المدارس والنوادي
العلوم العالية والفنون الراقية
جمالها بادي
ينبي عن أثار قوة الأفكار
والأيادي
الأنجزت أعمال وخلدت تذكار
في جبين الوادي
سوداننا العاجبنا رسمه
في نفوسنا مقداره يسمو
الطيور غنت بي أسمه
وكم صايح ينادي
أسمك يابلادي
هتقت به الجنود
وغنتبو الشوادي
في بلادنا مناظر الطبيعة
حافيها السحر الحلال
في الشرق المينا العظيمة
بيها الثغر بسم الدلال
والغرب حرست مداخله
الهيبة حصون التلال
وجنوبها ينافس الشمال
حيوية وعظمة وجلال
في بلادنا القرى والمدائن
أثر النعمة عليها باين
وتاني محل العين تعاين
تشوف بهجة وروح وإعتدال
في منظر جذاب ودادي
أحي السودان وأرضه
والأرض الطاهرة النقية
أحي السودان وأهله
أهل العبقرية
أهني السودان بشعبه
طوح النفس الأبية
الوافي راعي المحارم
أكرم من الغيث مكارم
وأصلب من الحده صارم
إن في الحرب وإن مسالم
يمتاز بالروح القوية
مقدام ومن طبعه هادي

شكرا هبه لفتح هذه المساحة للخوض في غمار
حبنا الاول والازلي بلدنا السودان

اغنية لحسن عطية

في الفواد ترعاه العناية
بين ضلوعي الوطن العزبز
لي عداه بسوي النكايه
وان هزمت بلملم قواي
غير سلامتك ما لي غاية
انشاالله تسلم وطني العزبز
ليه ما ارعي الوطن الرعاني
والدهاه اشيله واعاني
الشباب والشيب شجعاني
قالو نفدي الوطن العزيز
بقاسمه حظه سواده وبياضه
وايه مرادي انا غير مراده
ارعي نيله اشجع بلاده
يشلو حمل الوطن العزيز
عندي وطني بقضيلي حاجه
لي عدوك يا وطني العزبز
طبيعي اعشق صيده ورماله
وما ببيعه وافول مالي وماله
ومابكون اله البي حباله
داير يكتف وطني العزيز
علمونا اهل الحضارة
كيف اضوق عشان وطني المرارة
والمحن برضاي اصلي ناره
خوفي تحرق وطني العزبز
شفنا فيه جواب فيافي
والبطير وبسابق السوافي
مامراده عفارم عوافي
بس يعظم وطني العزبز
نحن للقوميه النبيلة
مابندور عصبية القبيلة
تربي فينا ضغائن وبيله
تزيد مصايب الوطن العزبز

وفي الفؤاد ترعاه العناية *** بين ضلوعي الوطن العزبز

وطن الجــــــــــــــــدود
كلمات:محمد عوض الكريم القرشي
أداء:عثمان الشفيع

وطـــــنـــي .. وطـــــنـــي
وطن الجدود نفديك بالأرواح نجود وطــــنــي
وطن الجدود نِعم الوطن
خيراتو كم يتدفـــــقـــن
آن الآوان أن نـُُـمتحـــن
في سبيلو لا نطلب ثمن
وطن الجدود نحن الفداء
من المكائــــد والعـــــدا
نتمنى ليك دايما تســـود
بدمانا نكتب ليك خــلـود
هيا يا شباب هيا ياجنـود
هيا حطمــوا هذي القيود
هيا يا شباب هيا للأمام
سودانّا قد ملّ المــــــلام
حرية كاملة هي المُرام
تؤخذ ولا يجدي الكلام
حذاري أن وطنك يضام
حذاري أن يصبح حطام
جهلٌ .. وفقرٌ .. وانقسام
فلنتحد ويجب نعــيــــد
لوطنّا أمجاد الكرام
هيا ياشباب ضموا الجنوب
القافلة ســــــارت لن تؤوب
أبنوا السلام دكوا الحروب
وماء نيلنا يكون عـــذوب
أهتف معي قل يا أخي
يحيا الكفاح وينتقي
فليخرج الباغي الشقي
ويرفرف العلم الأبّي
وطـــــنـــي .. وطـــــنـــي
وطن الجدود نفديك بالأرواح نجود
وطــــنــي

أغنية : يا بلد يا حبوب
الشاعر: سيد أحمد الحردلو
اداء : محمد وردي
عشانك بكاتل الريح
عشانك فؤادي جريح
عشانك أنا مقتول
وبموت معاك مقتول
عشانك يا حزن نبيل
عشانك يا حلم جميل
عشانك يا بلد
يا نيل
يا ليل
يا سمح يا زين
يا بلدي يا حبوب
أبو جلابية و توب
سروال و مركوب
وجبة وسديري
وسيف سكين
يا سمح يا زين
يا وجه مليان غنا
مليان عشق وحنين
يا سمح يا زين
يا آهة يا نمة
يا مدحة يا عمة
يا واحة في الصحراء
يا خصلة يا قمرة
يا بشارة يا بكرة
يا سمح يا زين
يا غابة قمحية
مشرورة فوق البلود
زي الصباحية
يا مزرعة باباي
غضبة الهبباي
يا نخلة مسقية
من ريق دبيشية
يا مقطعين دوباي
نازلين على الدنيا
أشواق و حنية
يا سمح يا زين
يا ليل ليل وليلية
يا نيل ونيلية
يا مرمي تحت الشمس
للقيلة ضلية
يا سحنة نوبية
يا وشمة زنجية

السودان

ياسلام عليك هبوووووووووووووي
مااجمل ان نتغنى الصباح باغاني
الوطن....

انا امـدرمـان

كلمات الشاعر: عبدالمنعم عبد الحي

انا امدرمان تأمل في نجوعى
انا السودان تمثل في ربوعى
انا ابن الشمال سكنته قلبى
علي ابن الجنوب ضميت ضلوعى
انا امدرمان سلوا النيلين عنى
وعن عزمات فتاي عند التجنى
فخير بنيك ياسودان منى
سلو الحادي سلوا الشادي المغنى
انا امدرمان اذا ما قلت اعنى
فما نيل المطالب بالتمنى
تجيش النفس بالآمال لكن ولكن هذه لم لا تدعنى
انا امدرمان مضي امسي بنحسى
غدا وفتاى يحطم قيد حبسى
واهمس والفضاء يعلن همسى
واهتف والوري يعرف حسى
واخرج للملأ في ثوب عرسى
وابسم بعدما قد طال عبسى
فيا سودان اذ ما النفس هانت
اقدم للفداء روحي بنفسى

قصيدة بلادى أهلا يا بلادى للعملاق إسماعيل حسن رحمه الله

بلادي اهلاً يا بلادي
الف تحية ليكي من الفؤادِ
بلادي اهلاً .. يا بلادي
صدورنا حماية ليكي من الاعادي

بلادي أنا بلاد ناساً في اول شي
موارثيم..كتاب الله
وخيل مشدود ، وسيف مسنون حداه درع
تقاقيبن تسرج الليل مع الحيران
وشيخاً في الخلاوي ورع

وكم نخلات تهبهب فوق جروفا الساب
وبقرة حلوبة تتضرّع وليها ضرع

وساقيةً تصحي الليل مع الفجراوي
يبكي الليل ويدلق في جداولو دمع
يخدر في بلادي سلام ..
خدرةً شاربة موية النيل تزغرد في البوادي زرع

بلادي سهول بلادي حقول
بلادي الجنة للشافوها او للبرة بيها سمع
بلاد ناساً تكرم الضيف
وحتى الطير يجيها جعان ومن اطراف تقيها شبع

بلاي أنا
تشيل الناس ، كل الناس
وساع بي خيرو لينا يسع
وتتدفق مياه النيل على الوديان
بياض الفضة في وهج الهجير بيشع

بلادي بلاد الصفقة والطمبور
وداراتاً تنح بالليل
وبنوتاَ تحاكي الخيل
يشابن زي جدّي الريل
وشبالن مكنتل في طريفو ودع

بلادي بلاد من التاريخ
من ترهاقا لا عند ميسنا ...
عاد ترجاك خيل ودروع

بلادي أمان ، بلدي حنان وناسا حُنان
يكفكفوا دمعة المفجوع
يحبو الدار يموتو عشان حقوق الجار
يخوضو النار شان فد دمعة
وكيف الحالة لو شافوها سايلة دموع ؟!

ديل اهلي .. ديل اهلي ..

يبدّوا الغير على زاتم
يقسموا اللقمة بيناتم
ويدّوا الزاد حتى ان كان مصيرم جوع

ديل اهلي .. ديل اهلي ..

ديل اهلي .. البقيف في الدارة
وسط الدارة واتنبر
وأقول لي الدنيا كل الدنيا
ديل أهلي

عرب ممزوجة بي دم الزنوج الحارة
ديل اهلي
ديل قبيلتي لما ادور افصل للبدور فصلي

اصحاب روحي والاحساس
وسافر في بحار شوقم زمان عقلي

أقول بعضي ...
ألاقيهم تسرّبوا في مسارب الروح
بقوا كُلي .. ديل اهلي

محل قبلت القاهم ..
معايا .. معايا زي ضلي

كان ما جيت من زي ديل وآسفاي وآماساتي وآآآآآآآذلي

تصور كيف يكون الحال لو ما كنت سوداني
واهل الحارة ما اهلي ؟؟

تصور كيف يكون الحال ؟!!

وهذه للأنسان السوداني ‏..‏ ‏

الفينا مشهودة عارفانا

المكارم انحنا بنقودا

والحارة بنخوضا

الزول بفتخر يباهي بالعندو

نحن اسياد شهامة والكرم جندو

ما في وسطنا واحداً ما انكرب زندو

البعجز يقع بيناتنا بنسندو

الحارة بنخوضا...
ركابين عليهو الناصع أب غرة

نتباشر وقت نلقى الكلام حرة

ما بننفز يمين إن متنا فد مرة

الخواف ما حر منو نتبرا

الحارة بنخوضا..
الفينا مشهودة عارفانا

المكارم انحنا بنقودا

والحارة بنخوضا

للجار والصديق عشرتنا تتمنى

بنصون الأمانة السيدا أمنا

المغرور ندوسو ونعدموا الطنة

شافعنا بيرى الموت في الركاب سنة

أم در ياربوع

من ام در ياربوع سودانا نحييك وانت كل امالنا

فى غربك عروس الرمال وفى شرقك اية جمال

وجنوبك واسع مجال ياحلاة رطبك فى الشمال

من ام در ياربوع سودانا نحييك وانت كل امالنا

نحييك فى القرى والبادية وفى كل النواحى الهادية

فى الخرطوم زهورك نادية وتهواك النفوس ليك راضية

من ام در ياربوع سودانا نحييك وانت كل امالنا

بنعيم الجنوب جود لينا ومن فيض كردفان اغنينا

فى شرقك نصيد وادينا شمالك فيهو بركاوينا

تطرب بيك جميع اجيالك وفى كل البقع ترضالك

طوالى الفرح فى بالك ياربوع شوقنا فى استقبالك

من ام در ياربوع سودانا نحييك وانت كل امالنا

حدق العيون ليك ياوطن....تميها ياهبه

OMIMA NANA MOHAMED كتب:: حدق العيون ليك ياوطن....تميها ياهبه

حدق العيون للشاعر محمد عبد القادر ابوشورة

حدق العيون ليك يا وطن
أصبح مقر وأصبح سكن
انت الملاذ ساعة المحن
وانت الشموخ عبر الزمن
****
غنّيت هواك قبل الفطام
وشبّيت على نهج الكرام
الليلة يا وهج الشموس
لابس شرف إسمك وسام
أباهي بيك بين الشعوب
رافع شعار مجدك سلام
ما إنت يا معنى الصمود
أصبحت للأحرار وطن
****
النيل كساك هيبة وجلال
يا ملهم الشعب النضال
انت العليك غنّى الخليل
وطرّز عتيق أرضك جمال
علّمنا كيف نبني ونعيش
كل اللي ضاع من غير مُحال
زي ما قبيل ورّيتنا كيف
ننسج قلاع كانت وطن
****
موعدنا يا وطني الحبيب
في عهدنا الزاهي الخصيب
نتلاقى والحب الكبير
وحّد هلالنا مع الصليب
أطفالنا في ظلّك طيور
يتراشقوا الحُب والحليب
ويتغنّوا في الساحات حبور
سوداننا يا أجمل وطن

أحب مكان وطني السودان

أحب مكان وطني السودان .. لأن حسانو أعف حسان
طيورو صوادح وروضو جنان
فيه النيل النيل الخالد…… فيه الخال والعم والوالد
فيه من طارق ونالد…… والخيرات أشكال والوان
أحب مكان وطني السودان
السودان إشراقة جديدة…… في إفريقيا وبسمة سعيدة
فيه عروبة وجوها جديدة…… من آداب وفنون وبيان
أحب مكان وطني السودان
لينا الغد الزاهي المظهر…… لي إفريقيا ونورها الأخضر
للسودان وشبابو الأسمر…… للأحرار في كل مكان
أحب مكان وطني السودان .. لأن حسانو أعف حسان
طيورو صوادح وروضو جنان ..

انا غايتو ياهبة بتذكر الغنية دي من انا صغيرة حافظاها

جدودنا زمان وصونا على الوطن
على التراب الغالي الما ليهو تمن
نحن حافظين للوصية
جوه في قلوبنا الوفية
ذكراهم بتلهمنا
وتشجينا بعزيمة قوية
**************************
ليك يا بلدنا عاد
صارفين روحونية
صاينين للتراب
وحافظين للوصية
جدودنا زمان وصونا على الوطن
على التراب الغالي الما ليه تمن

**************************
بي سواعدنا القوية
حققنا استقلالنا ورفعنا علم الحرية
بيهوا الشعب احتفل
يوم جمع صفوفو
واتشمر للعمل
بي وحدة نضالو
كم حقق أمل
جدودنا زمان وصونا على الوطن
على التراب الغالي الما ليه تمن

انا الوطن عندي الجزيره ومعدن الناس الاصيلا وهامه الفجر الملوح من نفوس طيبه ونبيلا في صباحى وفي مساها وفي شروقى وفي اصيلا في تضاريسا وكباريها ونخيلا في مرافيها ومثاويها مبانيها وبويتات السحيلا وفي دموع كل العصافير لم ترحل من روابيك الجميلا ولم ترحل مابتغني وراك غنيه لا بترنم لابتدندن لابتشيل في جوفى منيه تبقى مذهولا وتفكر كيف حقيقتك مستحيلا ....... ياجزيره ...يامناره عز تعاين في جروف بحر الدميره ... حصاحيصا في شرق الجزيره .....وأنعكاسات القمر في جبين الموج ضفيره ..... وكبري حاضن ضفتين ذي عريس مليان ضريره

موطني

كلمات: إبراهيم أبنعوف

سلام موطني ومكان مهدي عليك من المهيمـن ذي الجـلال
ورحمتـه تعمـك كــل صـبـح الـيـك مــن السـمـوات الـعـوال
تصب حبا فتحيا الارض زرعا بسح السحب من قبل الزوال
وبركـات يجثـن علـى ثـراك يجـود بهـن غرسـك مـن نـوال
اليك اتيت يا وطني وكنـت قتيـل الوجـر مـن بعـد الوصـال
اسائـل كـل نسـم منـك آت ويعـجـز ان يــرد عـلـى الـسـؤال
فأرسم صورة لك في البعيد ويعجز عنـك نسـج فـي الخيـال
وكـم مـن ليلـة ارسلـت طيـفـا لطيـفـك عـلـه بـيـن الليـالـي
احبـك أيها السـودان حبـا علـى الازمـان لـم يخطـر بـبـال
ففيه وجـدت للايمـان ركنـا يريـح القلـب مـن نـزغ الضـلال
تسـام الـروح دونـك وهـي فـرد فحبـك جـاء بـعـد الله قــال
وكـم سلـم الـذي خـاض المنايـا ورعديـد يمـوت بــلا قـتـال
وإن كـان الخليـل يبـث يومـا لعـزة مــا بــراه مــن الـهـزال
وشوقـا قـد اذاب اللحـم منـه وصـار الجسـم اشبـه بالخـلال
ومات مع التمني لسير حـاف وجلسـة خلـوة تحـت الظـلال
أعــاد الـحـب روحــه للخلـود ورقـاه الــلا رتـــب المـعـالـي
كـذا الاوطـان تصنـع مـن بنيهـا رجـالا يذخـرون لكـل حـال
فمنهم من يفي الاصلاح حقا ومنهم من يموت على النضال
رضعـت الشعرمنـك كنـت طفـلا وجئتـك شاعـرا فـذ المقـال
فأدهشـنـي الــذي اوحيته بـانـك هـالـة فـــي ذا الـجــلال
كأنـك غـادة فـي يـوم عــرس يــزف اليـهـا ذو جــاه ومــال
كساها الزرع من خضر الثياب ولفها قرمصيص من رمـال
فأنـت لنبـتـة نـسـب وفـخـر وسـحـرك بابـلـي يغـيـر بـالـي
ونيلـك جاريـا عبـر القـرون يـجـود علـيـك بالـمـاء الــزلال
اذا حـل بـك الغربـاء يومـاً يـرون النخـل رهطـا مـن مــوال
ومـن شهـد المحـاق علـى ثـراك يخـال الـيـه ينـظـر للهلال
وتاسعـة الجنـان علـى الاديـم يطفـن عليـك ربـات الحـجـال
تدانيهـن فــي الاوصــاف طــراً وعيـبـك ان مـالـك لـلـزوال
فسبحـان الـذي اهـداك سحـراً وزانـك دون غيـرك بالجمـال
وارسل نسمةً تصحيـك فجـراً لتغسـل وجهـك انـداء الطـلال
وحببنـا ترابـك ان مشينـا نخـاف عليـه مـن وطــئ النـعـال
وأما اليوم نفتح مصراعيك ليمشـي عليـك شريـان الشمـال
نـقـيـم لاجـلــه الافـــراح عـيــداً للـتـاريـخ اكـبــر احـتـفــال
نقـدم فيـه للـسـودان عـهـداً ونـحـن الفاعـلـون بــلا مـحـال
علمـنـا الـولـى قـيـم الـوفـاء نسيربـهـا عـلـى نـهــج الاوال
سنرجعـه وريـداً مـا حيينـا مـن الخـيـرات والثـمـر الـحـلال
فيا سودان نحن بنو ملوكٍ اقاموا العدل فـي الاول الخوالـي
وابناء اولياء ٍفي العصور اشاعوا النـور بالنهـج الرسالـي
لنا في الدهر اعظـم امهـات نشـأن علـى الشجاعـة لا الـدلال
يقـدمـن الاحـبـة والبنـيـن لـفـوز بالـشـهـادة فـــي الـنــزال
ويدفعن الاشاوس بالنشيد لخوض الموت في حرب سجـال
ومابمـهـيـرة الا مـثــال لــربــات كــبــرن عــلــى الـمـثــال
نعزك ايهـا الوطـن المفـدى وعـزك اغلـى مـن نفـس ومـال
فأنت الآمر الناهي المطاع فقـل لـو شئـت زحزحـت الجبـال
نلبـي لـك النـداء بإندفـاعٍ كـدفـع السـهـم مــن وتــر النـبـال
ولسـنـا القائلـيـن اذا دعيـنـا لتـذهـب انــت وحــدك للقـتـال
تعلمـنـا الشـدائـد كــل يـــوم ونقـتـحـم الـشـدائـد لا نـبـالـي
تزيد ضراوة ونزيد صبـرا نبـث الخـوف فـي صـدر الرجـال
وكم متربـص بـك ذاق منـا حمـام المـوت قهـراً وهـو قالـي
يسيـر النصـر بيننـا حيـث سرنـا ونحـن لــه باصـحـاب وآل
فيا وطني أحبك ما حييت احبك فـي مكوثـي وفـي إرتحالـي
وأشهـد ان لا وطنـاً سـواك واشهـد انــك الشـعـب المثـالـي

وطنا..البي اٍسمك كتبنا ورطنا

وطنا..
الباٍسمك
كتبنا ورطنا
أحبك
مكانك صميم الفؤاد
وباسمك اغنى..
وتغنى السواقى
خيوط الطواقى
سلام التلاقى..
ودموع الفراق
واحبك ملاذ
وناسك عزاز
أحبك حقيقه..
وأحبك مجاز
وأحبك بتضحك
وأحبك عبوس
بعزة جبالك ترك الشموس
وما بين ظلالك
افتش وأكوس
أفتش طفولتى وملامح صباى
بناتك عيونن صفاهن سماى
وهيبة رجالك بتسند قفاى
صحى بتملا عينى..
وتشّرف غناى
بحضرة جلالك..
يطيب الجلوس
مهذب أمامك يكون الكلام
لأنك..
محنك
عميق الدروس
مجيد المهابه ومديد القوام
شبابك..
تشابك
شديد الزحام
أراهم..
وراهم
غبار الحياه
مداين..
تعاين
كأمّ العروس
تهلل..
تكلل
جبين الإمام
رزازاً يبلل أغانى الخليل
أصدق كلامك حقيقه وبخاف
أخاف الطريق..
اللى ما بودى ليك
وأعاف الصديق
اللى ما بهم بيك
معاك انتظارى..
ولو بالكفاف
وعنك بعيداً
أبيت الرحيل
وبيك اعتزاز الصباح الجميل
جميع الأغانى اتكالن عليك
جميع الأغانى اتكالن عليك

أفديك بالروح يا موطني فأنت دمي كلما أقتني
بلادي أنا ...........
تراث كرام ومجد العرب وسفر كفاح روته الحقب
نسمت شذاها وطيب ثراها...........
وذوب هواها جرى في دمي يعزز في السير من مقدمي
وأرضي هنا.............
بناء جدودي ومأوى أبي وتاريخ شعب كريم أبي
فيا إخوتي لنمضي إلى النور في ثورتي
نحطم قيد الليالي العتي....
فنحن الفدا جنود الردى...
نعيش عليها ونحيا لها....
ونحمي حماها ومشعلها.....
بلادي أنا.................

يــــا وطنـــي يابلد احبابـــي ...

ياوطني يابلد احبابي
في وجودي اريدك وغيابي

يا الخرطوم يا العندي جمالك
جنه ورضوان
طول عمري ماشفت مثالك
في اي مكان
انا هنا شبيت ياوطني
زيك مالقيت ياوطني

ياحليلك حليل ايامك
على بالي دوام
مابعدو غرام
كانت ايام ياوطني
زي الاحلام ياوطني

بذكر فيك عهد صبايا
على شاطئ النيل
حبيبي جالس حدايا
اسمر وجميل
انا بفخر بيك ياوطني
بالروح افديك ياوطني

في وجودي احبك وغيابي
ياسوداني يابلد احبابي

انا السودان جمال اشراق وعيديه
انا السودان بضي شمسو النهاريه
...............
انا النيل الصحي بوافي بغني مع المراكبيــــه
انا عيون المها الضوت تحاكي الطلعه ورديه
.............
انا السودان جمال في لوحه صوفيـــــــــه
روائع دنيا للاطفال بيعيشوا نشئه دينيــــــــه
اغاني الفرحه لي وطننا تزف في ليله قمريه
.............
انا السودان علوم وحضـــــاره
صحوت غضبه ذنجيـــــــــــه
بيجري في دمي حس عربــــــي
ونفوس بالتقوي مهديــــــــه
..................

انا سوداني انا انا سوداني انا
انا سوداني انا انا سوداني انا
كل أجزائه لنا وطن إذ نباهي به ونفتتن
نتغنى بحسنه أبدا دونه لا يروقنا حسن
حيث كنا حدت بنا ذكر ملؤها الشوق كلنا شجن
نتملى جماله لنرى هل لترفيه عيشه ثمن
خير هذي الدماء نبذلها كالفدائي حين يمتحن
بسخاء بجرأة بقوى لا ينئ جهدها ولا تهن
تستهين الخطوب عن جلد تلك تنهال وهي تتزن
انا سوداني انا انا سوداني انا
ايها الناس ايها الناس
أيها الناس نحن من نفر عمروا الأرض حيث ما قطنوا
يذكر المجد كلما ذكروا وهو يعتز حين يقترن
حكموا العدل في الورى زمنا أترى هل يعود ذا الزمن
ردد الدهر حسن سيرتهم ما بها حطة ولا درن
نزحوا لا ليظلموا أحدا لا ولا لاضطهاد من امنوا
وكثيرون في صدورهم تتنزى الأحقاد والإحن
دوحة العرب أصلها كرم والى العرب تنسب الفطن
أيقظ الدهر بينهم فتنا ولكم أفنت الورى الفتن
انا سوداني انا انا سوداني انا