الرحيل ،، وقت المغارب ،،

كانت قبالتي جالسة ،،
ساهمة ،، قالت لي ،،
أطعنني في ( مقتل ) ،،
أحببتها ( فعاشت ) ،،
ـــــــــــــــــــــــــــــ
نـــــــــص ،،
خلاص كفاك ،،
من نفسك هروب ،،
تعالي من هجير كل الدروب ،،
وأمشي لي وقت الغروب ،،
تعالي بس ،،
بنفتح مساحات للشسوع ،،
تحت شجرة أمس ،،
نناقش الحالة الجديدة ،،
أنا وإنتي ،، ومعانا يسوع ،،
تعااااالي بس ،،
تعالي من غيبتك ،،
خلاص إتفرتقت أحزان قبيل ،،
أنــــا ،،
زرعت في السكة لحضورك ،،
جدولين ،، وبستان نخيل ،،
أنــــــا ،،
عشان لحظة مرورك ،،
سفكت دم المستحيل ،،
تعالي بس ،،
حردانة مالك ،،
مافي مشكلة ،،
خطوة مني ،،
وخطوة منك ،،
نتلاقي في نص الدرب ،،
نمزج مشينا مع بعض ،،
علي الحلم الطويل ،،
ننشد غناوي النيل ،،
ونضحك ،، نضحك نسيل ،،
بي نكهة رايعة ،،
علي فناجين قهوتك ،،
ضيفيني بس زي جنزبيل ،،
أي حاجة ،،
بس تعالي ،، ما تحردي ،،
ــــــــــــــــــــــــــــــــ

مخـــــرج ،،
أنا بنادي فيها جد جد والله ،،
غايتوا جنس نشافة راس ،،
لو ناديت حيطة كان جات ،،
نادوها معاي يا جماعة ،،
إمكن تحن ،، وتجي ،،

أمين ركابي ،،
وقـ المغارب ـت

.. امين حمدالله على السلامة ... الحمى لسه طايرة ليك فى راسك ولا شنو ؟ ياخى كان ماجاية خليها التمشى .....
امين بينى وبينك انت مكتول فى جنوبنا الحبيب ..... صاح ؟؟؟؟؟؟

السلام عليكم جميعا قومتوا روحنا مع المغارب ومع رجوعع الطير الي عشوا وتحياتي اليكم والي الامام دائما وشكرا يا امين يا ركابي وما عدمنا منك ولا عبداللطيف في التواصل جميعا

راشد محمد الجاك كتب:: .. امين حمدالله على السلامة ... الحمى لسه طايرة ليك فى راسك ولا شنو ؟ ياخى كان ماجاية خليها التمشى .....
امين بينى وبينك انت مكتول فى جنوبنا الحبيب ..... صاح ؟؟؟؟؟؟

سلّمك الله يا حبيب ،،
الحدّثــك ،، يحدّثــا ،،
الحمي ( طايرة ) بس يا راشد ،،
دي الحمي ( باسكت ) ،،
غلبني أخليها تمشي ،،
أنا خايف تخليني العجيبة دي أمشي طالب ( المكاشفي )

يا ودود ،،
كن في أمان الله ،،

أمين ركابي ،،
وقـ المغارب ـت

محمد مبارك الماحي يوسف كتب:: السلام عليكم جميعا قومتوا روحنا مع المغارب ومع رجوعع الطير الي عشوا وتحياتي اليكم والي الامام دائما وشكرا يا امين يا ركابي وما عدمنا منك ولا عبداللطيف في التواصل جميعا

تســــلم يا محمد ،،
يا جميل ،،
وعليك السلام ،،
والهديل من الحمام ،،
والإبتسام ،،
وعليك الطريق واسع ،،
ينجيك من هول الزحام ،،

كن في أمان المغارب ،،
أمين ركابي ،،
وقـ المغارب ـت

لا أدري
ما سر العشق الذي يتفق عليه جميع السودانيين
والذي يسمونه شاي المغرب !!!!
دافنشي
وسيزار
ورينوار
وفان جوخ
ومايكل انجلو
وبيكاسو
جميعهم لم يستيطعوا أن يصورا الشمس وهي في حالة المخاض !!!
للشمس وقت المغارب في كل الأمكنة طعم خاص ونكهة مميزة
لكن الغروب في الحصاحيصا مدهش ياسيدي
هناك الشمس لاترسل أشعتها فحسب
بل ترسل نوتة موسيقية رائعة
فتعزف لحناً خالداً على أوتار النهر
أخالهم يسمونها { سمفونية الغروب }
هنا في هذا المكان
وفي هذا الوقت بالذات
يبدو لي أن الملائكة يعبرون من هذا المكان في طريق العودة لله
كل شيء في هذا الوقت يبدو رائعاً وجميلاً حد الدهشة
وما أجمل ان تمسك بيد حبيبة عند الغروب
هنا تذوب كل التفاصيل
وتتراءى الأحلام كطيف قوس قزح
فتحملكما الى عالم مدهش
فترى الغروب في عينيها
وحينما تبتسم اليك
ترى الغروب يبتسم هو الآخر 00 سبحان الله
الغروب ياسيدي قصيدة منظومة القوافي
اذا أردت ان تقراها جيداً
فانظر الى عينيها
فكل إمراة تحمل دفء الغروب ولونه المميز ليس داخل قلبها فحسب
بل من بين عينيها يتسلل هذا الطيف
واذا رايت ذلك
فارفع يديك للسماء
وصلي صلاة التهجد
فهذه لحظة استجابة الدعاء
ولا أدري ما سر العلاقة بين لون الغروب ولون العرش
شكراً لهطولك
وشكراً لهذه اللوحة المميزة
فمنذ قراناك أزلت عنا كل الأوجاع والآلام
ومنحنتنا خارطة جديدة للعشق !!!

أبوحراز كتب:: لا أدري
ما سر العشق الذي يتفق عليه جميع السودانيين
والذي يسمونه شاي المغرب !!!!
دافنشي
وسيزار
ورينوار
وفان جوخ
ومايكل انجلو
وبيكاسو
جميعهم لم يستيطعوا أن يصورا الشمس وهي في حالة المخاض !!!
للشمس وقت المغارب في كل الأمكنة طعم خاص ونكهة مميزة
لكن الغروب في الحصاحيصا مدهش ياسيدي
هناك الشمس لاترسل أشعتها فحسب
بل ترسل نوتة موسيقية رائعة
فتعزف لحناً خالداً على أوتار النهر
أخالهم يسمونها { سمفونية الغروب }
هنا في هذا المكان
وفي هذا الوقت بالذات
يبدو لي أن الملائكة يعبرون من هذا المكان في طريق العودة لله
كل شيء في هذا الوقت يبدو رائعاً وجميلاً حد الدهشة
وما أجمل ان تمسك بيد حبيبة عند الغروب
هنا تذوب كل التفاصيل
وتتراءى الأحلام كطيف قوس قزح
فتحملكما الى عالم مدهش
فترى الغروب في عينيها
وحينما تبتسم اليك
ترى الغروب يبتسم هو الآخر 00 سبحان الله
الغروب ياسيدي قصيدة منظومة القوافي
اذا أردت ان تقراها جيداً
فانظر الى عينيها
فكل إمراة تحمل دفء الغروب ولونه المميز ليس داخل قلبها فحسب
بل من بين عينيها يتسلل هذا الطيف
واذا رايت ذلك
فارفع يديك للسماء
وصلي صلاة التهجد
فهذه لحظة استجابة الدعاء
ولا أدري ما سر العلاقة بين لون الغروب ولون العرش
شكراً لهطولك
وشكراً لهذه اللوحة المميزة
فمنذ قراناك أزلت عنا كل الأوجاع والآلام
ومنحنتنا خارطة جديدة للعشق !!!

يا سيدي ،،
تدهشني حقــا ،،
يسقفني حرفك عشقا ،،
فأذوب ،،
هناك ،،
بيدي حلمي ،،
علي درب الغروب ،،
عند الشفق ،،
فأبعث من جديد ،،
علي زات النسق ،،

تسلم يا ،، منبع الأدهاش ،،
أمين ركابي ،،
وقـ المغارب ـت

كان بتسرب هادي في مشيو،،
زي الضوء والدنيا صباح ،،
كان بتطيب بي خطو جراح ،،
كان بتخلل كل مسام ،،
ويرحل زي طيف عابر في أحلام ،،
كان بتواجد واسع ،،
لما تكون الدنيا زحام ،،
كان يا ناس في وقت العتمة ،،
بيجبد نفسوا طويل ،،
وينفخ من وش الدنيا غمام ،،
بس الحاصل هسة إنو فتــر ،،
لما الجدول سكنوا الشر ،،
وفارق مويتو علي المافيش ،،
يوم غشّاه رهاب الحر ،،
ومات بي سببو بشر ،،
مات بي سببو شجر ،،
قام يترنّح ،،
مشي قدام الواطة التانية ،،
وقف يتفكر في البوابة ،،
قبل ما يرحل من الفانية ،،
الفاتنة صباح ،،
وفي الليل غانية ،،
إتلفّت عاين تاني ،،
اللعنة ،،
بصق بي ضيق ،،
في وش الخالية معاني ،،
اللعنة ،،
الممدودة تعاني ،،
اللعنة
من جنس البشر الشيطاني ،،
اللعنة
من حال الغضب الرباني ،،
اللعنة ،،
والزيف الما عقلاني ،،
اللعنة ،،
علي الإحساس الحيواني ،،
اللعنة ،،
محنوق جدا ،،
ساخط كان ،،
بعد ما تاهت منو دروبوا هنا ،،
مشي للدنيا التانية يكوس في مكان ،،
وكــــان ،، كان ،، كان ،، ياااااا ،،
حليلو ،،
،،،،،،،،،،،،،،،،،،،،،،،،،،،،،،،
مخـــــرج ،،
الزول دة مسكين ،، حنّيت عليهوا ،،
حقوا الواحد يبكي هسة ،،
،،،،،،،،،،،،،،،،،،،،،،،،،،،،،،،

أمين ركابي ،،
وقـ المغارب ـت

لو ،،

صاحت ،،

شجرة ،،

،، اّه اّه ،،

من فعل الطين ،،

أعرف إنو المولود ،،

بعد حين ،،

حنين ،،

والموؤد ،،

أحزان ،،

وشهود ،،

فاكهة البستان ،،

ركــــــــــابي ،،
وقـ المغارب ـت

قال رسول القلب ،،

وأضمم عليك ،،

حبك ،،

تخرج حياتك ،،

بيضا ،،

من غير سوء ،،

اّية للعاشقين ،،

ثــم ،،

إذهب للعالمين ،،

وأزرع التسامح ،،

علي دروب السالكين ،،

وعند حافّة الجدول ،،

أملأ الأرض بالقبل ،،

والصلاة ،،

وألبس الحنين ،،

طوقا للنجاة ،،

ينبت حدايق ،،

علي الأرض الفلاة ،،

( صدق رسول القلب )

ركـــــــــابي ،،
وقـ المغارب ـت

نخبـــــكم :-

جميعا :-

أرفعوا الكوؤس :-

بالصحة للجميع :-

دمتــــم :-

في أمان المغربية :-

:- ركابـــــي :-
:ـ وقـ المغارب ـت :-

أنا في أمان المغربية ،،

أحبك ،، بهدوء ،،،

رسالتك الخاصّة وصلت ،،،

بشتاق ليك ،،،

الواحة جميلة ،،،

حديقة ناقصة وردتك ،،

تعاااااااااال ،،،

ركابــــــــــي :-
وقـ المغارب ـت

وشلت منك وردة ،،
وردة لي كل المواسم ،،
والمحطّات ،،
هي الزوادة ،،
وهي الإرادة ،،
وهي ،،
للديانات العبادة ،،
وردة بس ،، لامن أموت ،،
هي الشهادة ،،
في سبيل الأقحوان ،،
:- :- :- :- :-
أحبــــــــــــك :-
ركابــــــــــي :-
وقـ المغارب ـت :-

خربش يا ركابي بي راحتك
المشكلة في الجنيه
انت من هنا ولا من هناك
وقت السحر

المارد كتب:: خربش يا ركابي بي راحتك
المشكلة في الجنيه
انت من هنا ولا من هناك
وقت السحر

المارد اللذيذ ،،

أنا من هنااااااااااك ،،

وقت الهنا ،،

وأنا من هنا ،،

ساعة هنااااااااااك ،،

في كل أحوالي ،،

أنا قريب منك ،،

في الجمب اليمين ،،

يفصل بيني ،،

وبين فؤادك ،،

قصبتك الهوائية ،،

في شارع التوازي ،،

علي صدرك ،،

،،،،،،،،،،،،،،،،،،

بتضحك مالك ،،
كفاية ضحك ،، يا مارد ،،
بتشرق ،،

،،،،،،،،،،،،،،،،،،،،،،،

ركابــــــــــــي :-
وقـ المغارب ـت :-

ناديتك اقيفى معاى نشيل كتف الغناء الميل
ونتخيل..................
كثيره هى الامنيات الحلوه .....
تراودنا صباحا وعشيه ......
وثمه غشاوه احيانا ماتوشوش الرؤيه
وتظل حاجزا مابيننا والامانى الحلوه.......
والى ذلك الحين يظل الامل متمددا فى دواخل الشوق
هامش:-
فى شنو ياركابى بتكورك مالك والحفله جايطه...
خالص ودى

عبداللطيف الدامر كتب:: ناديتك اقيفى معاى نشيل كتف الغناء الميل
ونتخيل..................
كثيره هى الامنيات الحلوه .....
تراودنا صباحا وعشيه ......
وثمه غشاوه احيانا ماتوشوش الرؤيه
وتظل حاجزا مابيننا والامانى الحلوه.......
والى ذلك الحين يظل الامل متمددا فى دواخل الشوق
هامش:-
فى شنو ياركابى بتكورك مالك والحفله جايطه...
خالص ودى

يا ود دار جعل ،،

الغشاوة بتزول ،،

والضباب لن يعكّر صفو النجمات ،،

إنها تسطع في الدواخل ،،

إفتقدتك ،،

عساك في تمام المغربية ،،

ما زلت أراك نجمة ،،

في سمائي المعكننة ،،

أنت ساطع دوما ،،

ركابــــــــــي :-
وقـ المغارب ـت :-[center]

[center]كانت الدنيا ،،
مغارب ،،
وكانت صيحات ،،
قف ،، قف ،،
كان الحلم الهارب ،،
من كابوس ،،
كان بشتاق لي يد ،،
تيغظ روحوا من السوس ،،
الناخر نوموا ،،
وكاتل فيهوا الإحساس بي يوموا ،،
كان مخنوق ،، والخانقنوا ،،
كان من قوموا ،،
منزوع عصبوا مكان السرة ،،
قال بالمرة ،،
أحسن ما يصحى ،،
أحسن ما ،،
أحسن ،،
ومات في نوموا ،،
بطل ،،
كان وردة شذيّة ،،
وكان مليان بالطل ،،
والتيجان مكسية قُبل ،،
كان ،،

ركابــــــــــي :-
وقـ المغارب ـت :-

تعالوا ،،،

نتشاكل ،،،

مع العندليب ،،،

هو ،،،

مقطع ،،،

ونحن ،،،

مقطع ،،،

ركابـــــي :-
المغربية :-

يا هو دة ،،،

الرحيل وكت المغارب ،،،

مع السلامة للأبد ،،،،

ركابــــــــــــــــي :-
وقـ المغارب ـــت :-

الركابى الشفيف
العندليب مسكين(( مالوا))
قسى عليه الدهر ...حينما اسند الامرلغير اهله
واستولى الغراب على رسن السلطه .....وصار يتحرك بحريه مطلقه بين المقاطع
ويكتب ويمحو ويلحن احيانا......
وسكت العندليب ...........الى حين اشعار اخر

الركابى الشفيف
((شنو ياحبيب ضربت الفول وامتنعت عن الدخول))
نحن فى انتظارك
وقــــــــ الافطارــــــــــت

عبداللطيف الدامر كتب:: الركابى الشفيف
((شنو ياحبيب ضربت الفول وامتنعت عن الدخول))
نحن فى انتظارك
وقــــــــ الافطارــــــــــت

هي أيامي ،،
وأحلامي ،،
وأوكاتي العجيبة ،،
بتنده فيك ،،
أمسح من دروب الصدق ،،
أكاذيب المصيبة ،،
والناس الغريبة ،،
والواهمة ،،
نون والقلم ،،
وهاك الراجمة ،،
توكّل وسمي الله ،،
بس عشان خاطر الوضوح ،،

ركابــــي :-
وقـ المغارب :-

الحالة الأولي سحاب ،،
الحالة التانية مطـــــر ،،
الحالة التالتة حديقــة ،،
الإبن الشرعي شدر ،،
يرتاح في ضلوا بشر ،،

ركابـــــــــي :-
وقـ المغارب ـت :-

أديتني مشوار مرتين ،،
مرة قدام الزمن ،،
ومرة للخلف البعيد ،،
خليتني وحدي أنا المسافر ،،
وإنت في كل القواعد ،،
أنت حاضــر ،،
محروس عساكر ،،
كسرة شولة فتحة ضمة ،،
أتعبني في نحوك سفر ،،
كنت عايز مرّة ألقاك مبتدأ ،،
عشان أكون أنا ليك خبر ،،
جيت جاري نحوك ،،
لقيتوا مدّك إنحسر ،،
مالوا الوصول كدة ليك صعب ،،
ولغة البلاغة بقت مطب ،،
والفصحي عندك زي رطانة ،،
خليتا قافية العرب ،،
ونظمت ليك شعر البطانة ،،
بقيت أنم ،، بقيت أنم ،،
هوي يالسحابة ،،
أم برقا كهارب ،،
أنا عندي زولا مني هارب ،،
بيقيت أنم ،،
هوي يالسحابة ،،
صوتك من مطر عازف ربابة ،،
أمشي عندي أسأليهوا ،،
وكان وصل حرف الكتابة ،،
لحنيهوا ودوزنيهوا ،،
وأبني ليهوا محلوا غابة ،،
بالرزاز والزهور ،،
هوي يالسحابة ،،
قولي ليهوا دي مني ليكا ،،
وأحرقي في دربوا البخور ،،
سوّي ليهوا محلوا جنّة ،،
وأشرحي غامض الأمور ،،
عشان يشوف بين السطور ،،
هوي يالسحابة ،،
بقيت أنم بقيت أنم ،،
قام جاني ردّك تورية ،،
شايلا السحابة ،،
أنا أحسن أمش منّك ،،
أكوس حصّة حساب ،،
وأحسب حكايتي معاك ،،
من أول جديد ،،
بالجا جتا وجيب تمام الزاوية ،،
والركن القديم ،،
وأملا فراغات خاوية ،،
بالرسم البياني الما بحبوا ،،
جبان لئيم ،،
أحسب حساب خفّة وزن ثقل النسيم ،،
بالمسطرة يكون دربّنا مع بعض دايما رحيم ،،
وأتوهم بالصاح كبييير ،،
أقعد هناك جمب التساوي ،،
يجيني حاصلك كعوجة ،،
أبا ما يكون خط مستقيم ،،
بي ياتوا حصّة أدخلك ،،
بي ياتوا دوباي ولا نم ،،
أقطع وريدي أكبّوا ليك أنا حُبي دم ،،
ولا شنوا ،،
ولا شنوا ،،
كرهتني ،،
حكايك حكاية ،،

ركابـــي :-
وقـ المغارب ـت :-

حكاية ماحقة ،،

والبلد نازفة وتعاني من الوجع ،،

حكاية خلت هاشم الكان زول جدع ،،

ترديهوا رصاصة فزع ،،

وقصر الضيافة وقع ،،

من فرط حزنوا ،، إنصدع ،،

يا يمة والحال ،، طق ،، كرع ،،

أبا ينكسر ،،

الشكية لي الله عاد :-

ركـــــــــابي :-
وقـ المغارب ـت :-

» وقت المغارب
» ركن المغارب
» ركابي وقت المغارب الي شمال دار فـــــــــــــور
» حافظوا على منتداكم حتى لايمشي على كرسي متحرك !!!
» قبل الرحيل