يا ناس أختشششششششوا -1 -

فصلت شركة المواصلات العامة بولاية الخرطوم( 13)سائقا خالفوا اللوائح والضوابط اثناء القيادة ورصد ت تلك المخالافات عبر الرصد بالاقمار الاصطناعية( والله الطب اتطور)
وقد كشف مجلس أدارة الشركة بان الشركة نقلت فى خلال 100 يوم من انطلاق عملها 5422850 راكبا خلال 169000 رحلة.
وصرحت الادارة بعد كل هذه الارقام من الرحلات والعدد الذى تم ترحيله بان العائد يغطى نفقات التشغيل فقط!!!!.قبل ان ننسى الشركة كادرها الذى يعمل بها فقط 1128 عاملا اكرر عاملا

اها يا جماعة يا ناس الحسابات والارقام اعملوا لينا الحسبة وافيدونا العائد يغطى منصرف التشغيل فقط ؟
يلا يا ناس فى الانتظار

أين عوض حسابات؟

طيب وين توفى حسابات ؟
خلاص ايمان حسابات؟

Badr Abbas كتب:

طيب وين توفى حسابات ؟
خلاص ايمان حسابات؟

حاضريييييييييييييييين
طيب ادينا out come
مادام اديتنا الincome
عناصرالتكلفه نااااقصه يابدر

كان الكلام ده صاح .. هسع يقفلوا مش بعد شويه!!!
يا بدر يربحوا كيف....!!!
5422850 راكبا فى 100 يوم = يعنى 54228.5 راكب فى اليوم
169000 رحله فى 100 يوم = 1690 رحله فى اليوم بمتوسط 32 راكب!!!
قول كل راكب دفع 2000 جنيه وكلها تم توريدها للخزينه .. يعنى السواق والكمسارى وبتاع الحسابات خايفين ربهم تماما... البص بعمل فى الرحله 60000 جنيه ...
بالله يا ايمان شوفى حق الوقود والسائق والكمسارى والموظفين والصيانه والاسبيرات والزيوت والمدير وايجار ورش الصيانه والميكانيكيين .. وما تنسى المدير ونوابه .. وارباح البنوك وسعر البص ومعدل استهلاكه ....و...و...و... وبعد داك ورينا البفضل كم!!!!

يااستاذنا بكري حسب الداتا فأن الدخل لا يكفي حتي بنود الصرف التي قمت بذكرها
السؤال هنا:-
-هل ترضي شركة المواصلات العمل بالخساره علشان خاطر عيوننا؟
-ام ان ماذكر لنا من معلومات غير حقيقي ويسمي لامؤاخذه ضحك علي الدقون؟

ايمان الحاج كتب:

Badr Abbas كتب:

طيب وين توفى حسابات ؟
خلاص ايمان حسابات؟

حاضريييييييييييييييين
طيب ادينا out come
مادام اديتنا الincome
عناصرالتكلفه نااااقصه يابدر

سلام ايمانكو
عناصر التكلفة ما ناقصة بس اتعبى شوية وابحثى عن الداتا .
لكن مافى مانع نبصصك:-
البص بعمل 16 رحلة فى اليوم (ذهاب واياب)
بصرف 24 جالون جاز فى الرحلات دى
بتعمل ليهو سرفس تغيير زيت وفلتر زيت وجاز مرة فى الشهر
السواق والكمسارى عندهم 15 جنيه نثريات فى اليوم
اسبيرات ومنو مافى لان البص جديد وما بستهلك اسبير اللهم الا قدر ساكت ودى ممكن تعملى ليها حاجة
اها بعد ده الا احلها ليك مع تحياتى لك وللاورغ

امير كتب:

يا محبوب اخوي اذيك ياخ ....
تعابين نفسكم لييييييييييه حسابات وحرابات . ما البختشو ماتوا زمااااااان

اولا حباب الامير ود رحمة الله ثانيا يا الاخو انا ما المحبوب بتاع السياسة داك ود الصداقة الافوكاتو الغلاباوى المعذب ناس الشجرة لكن ممكن اكون هو فى مارينا للحلويات.
على كل شكرا لمرورك بس اتعب معانا واحسب معانا