إقتراح أن يتم ترشيح أعضاء جدد للإدارة

أتمنا أن يجد الاقتراح الاهتمام وحتي يفهم بعض الاعضاء بأن الدمقراطيه هي المسار في الاداره الحاليه والتطوير لما هو أفضل وأن الاداره تكليف وليس تشريف وحتي نوقف كم المشاحنات ونصفي الاجوا ونتفرغ للعمل.

كتبت وفي الخاطر من يجهلون على والمائلين وأصحاب النوايا الحسنة منها والسيئة كتبت بصيغة العامة وتركت لمن يريد التفصيل لنفسه والتأويل حسب مايرى كتبت وفي الخاطر من يأنس لهذا الحديث ومن يكرهه أيضاً
كتبت على خلفية مايحدث سراً وعلناً . كتبت للزائقة قلوبهم والمرجفون ولأولي الألباب أيضاً .كتبت لمن يأخذ العصا من نصفها
كتبت إقتراح (مجرد إقتراح) ولم أبصم بالعشرة
كتبت أنا العضو أحمد بابكر الكوني فهل من مثني!!!!!!!
إن كانت الإدارة تشريف فالندع الشرف للجميع،
وإن كانت تكليف فليرفع عن كاهلنا من لديه القدرة هذا العبء المبقض لنا.
[color=darkblue][b]

الكوني يا أخوي :
البص عندو سيد ، والراكب بيركب (بباص)تيكته Bus Ticket، البص ما شركة مساهمة عامة حتي لو كتبتا أسمو بص السودان ، ومافي راكب بيقول للسواق أنا عايز أشاركك أو ننتخب السواق ، السواق ممكن لما يتعب يشوف البيعرف يسوق من الركاب ، الراكب والبص بينهم عقد، العقد هو التذكرة ، رضيت بسعرها وبأشتراطاتها مكانك محفوظ .
والسلام ،،،،،،

ياربو :

مدارك للنشر مشيت ليها ؟؟؟

أحمد بابكرالكوني كتب:

مبارك محمد عثمان كتب:

ياخوانا البوست ده اسع كان مكتوب باسم الادمن

يابركة إنت نظارتك في ولا إتسرقت

....
الحاله ياكوني من غير نظارات
دي شمبات
ولا انا عيوني كعبات

صداح فاروق وراق كتب:

ياربو :

مدارك للنشر مشيت ليها ؟؟؟

...
طبعا ياصداح ومال ايه

التحية لك اخ أحمد و لكل المتداخلين .. و يا صداح عجبتني قصة البص دي .. يا أحمد الشغلانة عاوزة صبر فهون عليك .. و بعدين ما اديتني الباقي بتاعي لسة

إنتو في الإدارة إجتمعوا و ناقشوا الحاجات دي و ربنا يوفق لما فيه الخير مع تحياتي

يا عثمان الحسين :

والله حمد لله علي السلامة الجيت ، وبعدين يا أخوي شايف الصالون رفعوهو جوز الهند .

كوني ياديمقراطي. إذا كنت عايذ تنذل من البص عن نفسك ممكن بس أعرف انو السواقين الحاليين ديل رخصهم معتمدة لدينا ولو فترته قول انا فترته بنجيب سواق يسوق بس اقترح انو رخصة السواق الجديد ما منعتمدا الا بعد ١/١/٢٠١١
جل حبي وتقديري

كوني ياديمقراطي. إذا كنت عايذ تنذل من البص عن نفسك ممكن بس أعرف انو السواقين الحاليين ديل رخصهم معتمدة لدينا ولو فترته قول انا فترته بنجيب سواق يسوق بس اقترح انو رخصة السواق الجديد ما منعتمدا الا بعد ١/١/٢٠١١
جل حبي وتقديري

الاخ مبارك .. في البص تشبيه بليغ .. راكب يقرأ في جريدة و واحد يتشاكل مع الكمساري و واحد نايم و واحد يعاين بالشباك و ناس بتونسوا مع بعض و واحدين يركبوا جداد و واحدين ينزلوا .. و واحد زهجان من الجمبو ..

انا سمعت انه الصالون باعوه و سركيس قبض القروش و مشى بي درب الاربعين .. ناس الهند ديل فتحوا ياتو صالون ؟

اقتباس :

من طرف عثمان الحسين في السبت أكتوبر 30, 2010 12:58 am

انا سمعت انه الصالون باعوه و سركيس قبض القروش و مشى بي درب الاربعين .. ناس الهند ديل فتحوا ياتو صالون ؟

صالون دريم

عثمان الحسين كتب:

الاخ مبارك .. في البص تشبيه بليغ .. راكب يقرأ في جريدة و واحد يتشاكل مع الكمساري و واحد نايم و واحد يعاين بالشباك و ناس بتونسوا مع بعض و واحدين يركبوا جداد و واحدين ينزلوا .. و واحد زهجان من الجمبو ..

......
صاح ياحبيب
بس شتان بين البص والمنتدي ولا شنو

الاخ مبارك .. ربما حملنا جميعا المنتدى ما لا يحتمل .. هو مثل كل مجتمع يختلف و يأتلف أناسه و لا يمكن جعل كل الناس على قلب رجل واحد .. فليحفظ الإحترام و يبتعد الناس عن التجريح لبعضهم البعض و ليختلفوا بعدها كما يشاؤون ..

عثمان الحسين كتب:

الاخ مبارك .. ربما حملنا جميعا المنتدى ما لا يحتمل .. هو مثل كل مجتمع يختلف و يأتلف أناسه و لا يمكن جعل كل الناس على قلب رجل واحد .. فليحفظ الإحترام و يبتعد الناس عن التجريح لبعضهم البعض و ليختلفوا بعدها كما يشاؤون ..

.......
صح ياصاحب
ومن كان منا بلا خطئية فليرميها بحجر , ولكننا ننشد ما استطعنا الي ذلك سبيلا هنا فى منتدانا الحصاحيصا دوت كوم ان نكون علي قلب رجل واحد .. الا يكفينا شرف المحاولة .
اخي عثمان الحسين لك حبل الود مفتول بعاشميق شوق

من الجميل أن نحاول أخي مبارك و إن صعبت المهمة .. و لكن ذلك يحتاج لسعة صدر قليلا ما نمتلكها .. فصبرنا على بعضنا البعض هو أقل أنواع الصبر تداولا

لك الود و التحية

نعم .. يمكن كتابة ما يتاح من خواطر هناك كما تفضلت