مرحبا تماضر الخنساء بيننا فى دوت كوم

تماضر الخنساء تقول ان عشقها للحصاحيصا ازداد من خلال زواج ابن خاتها وليد العشى فوجدت فى هذا المجتمع الترابط والتكاتف والمحبة والالفة
تابعت النقل الحى لافراحهم زواج العشى عبر دوت كوم
دعوتها ومعى العريس العشى للتواجد معنا فى دوت كوم هى بيننا الان فرحبوا بها
تخريمة
بتسأل من الخمسة يوم اللى اتبرع بيهم حسن الدرديرى فى القرين فيلدج للعريس وليد

مرحب بالخنساء
ونقول الجنس الليف زاد واحد
ومنوره

الاخ عمار تلودي
اول شئ شكرا كتير علي الترحيب الرائع من طرفكم وده اصلا طبع ناس الحصاحيصا الترحاب
وانا اصلا مولودة في الحصاحيصا وبحب مدينة الحصاحيصا كتير واصلا انا كل اجازتي كنتا بقضيها في الحصاحيصا لانو بيتنا الكبير هناك بيت جدي وحتي كنا بتسايق انا واخواتي عشان ابوي يوافق علي سفرنا
واي ازمة كانت بتمر بي كان ملجئ الحصاحيصا برتاح شديد فيها وخاصة بحب اجيها في الخريف بمشي البحر بحوم في شوارعها ساي يعني زكريات جميله فيها امكن اسي الواحد انشغل اتزوج واشتغل بقي مافي حريه زي زمان تمشي تقعد كم يوم لكن انا لو لقيت فرصه امشي ساعه الحصاحيصا واجي ما بتردد.
وبتمني من خلال مشاركتي في المنتدي اقدم اي شئ لمدينتي الاولي.

.. مرحب بالخنساء بيننا .. ومنورة المنتدى
بس سؤالك دا اصعب سؤال .... حسن الدرديرى ؟ القرين فلدج ؟ هل يوجد ترابط بين الاسمين؟
التحية ليك يادرديرى ...

يا راشد
القصه انو حسن الدرديرى اعلن فى عرس العشى انو تبرع بخمسة يوم للعريس فى القرين فيلدج وفيهم يوم فيهو حفلة وبوفية مفتوح لاصدقاء واهل العرسان وتماضر جهزت حالها لزيارة القرين فليدج لكن ما فى حجز طلع

ياهلا بيك منوره دوت كوم

هلا تماضر والتحية لك وللاسرة .. مرحب بك في دارك

مرحب بيك حبابك ...

خالد
http://www.hoa-politicalscene.com/forward-hoa-politicalscene.html

مرحبا بالاخت تماضر الخنساء في المننتدى (بيتك ومطرحك )
ونتمنى مشاركة فعالة في المنتدى ....
بالنسبة للدرديري الراجل كريم وحابي يشاركم الفرحة !!!!!

الاخت تماضر منورانا والله العتب على الكوني برغم نشاطو في المنتدى الا انو ما عرف يسعدنا بتشريفك الا متأخر والان ازدان عقد الحصاحيصا بانضمامك الينا فلك التحيه ومنتظرين مشاركاتك ومرحب تااااااااااااني بيك