حجيتكم مابجيتكم خيرا جانا وجاكم
كان ياماكان في قديم الزمان
فرقه غنائيه اسمها عقد الجلاد
(والحدق يفهم)-عقد الجلاد ديل كانوا مجموعة اصحاب اتخرجوا من معهدالموسيقي والمسرح والادمن حقهم -هييي اقصد قائد الفرقه حقتهم اسمو عثمان النو -اها كانت فرقه سمحه شدييييييييييييييييد وكل الناس بتحبها مش عشان الغناء السمح وبس لكن عشان الود والانسجام البين اعضاءها ويوم وراء يوم كانت الفرقه تمشي من نجاح لي نجاح اكبر -
لكن عشان دوام الحال من المحال ظهرت الخلافات والمهاترات في الفرقه وهاااااااااك يا العضو فلان قال والعضو فلان رد عليهو والعوه قااامت وناس زعيط ومعيط لقوها فرصه وهااااااااااااااااك ياشحن بين الاعضاء لحدي ماانفجرت الازمه واصبحت مشكله كبيييييييييييييييره
والنتيجه طبعاً طلعوا من الفرقه اعضاء اساسيين -وحاولوا البقيه الباقيه من الفرقه انهم يلموا المشكله ويتظاهروا بي انو مافي حاجه وجابوا اعضاء تانيين وفكوا ليك في الناس وهمة انو عقد الجلاد كيان يعني حتي لو مشي اكس من الناس ماحايأثر ويمكن يجي غيرو ويسد خانتو -لكن علي ميييييييييين؟
تفتكرو المشاكل وقفت ولا حل الاستبدال ده جاب نتيجه؟
ااااااااااااااااااااااااابداً وحياتكم كل يوم بقت تظهر مشكله شكل لحدي في النهايه مازهج عثمان النو (مؤسس الفرقه)
وطلع هو نفسو وخلاها ليهم مخضره
(الله يستر)المهم الناس بقت تمشي حفلات عقد الجلاد وتطلع بعد الحفله تتحسر علي عقد الجلاد الزماااااااااااااااااااااااان وياحليل زمان وسنين زمان يايمه لو تتزكري
علي كل حال قالوا اليومين ديل في وساطات للم الشمل والرجوع بعقد الجلاد لسيرتها الاولي
نرجو ان تفلح الوساطات وان ترجع عقد الجلاد كما عهدناهاولسسسسسسسسسسسسسسسه صابر
موضوع: كان يامااااااااااااااااااااااا كان 
الثلاثاء 9 نوفمبر 2010 - 12:14
