فعلا ده الواقع ولكن اسمح لى واقول ليك الموضوع موش الهلال والمريخ بل الكورة السودانية عموما عايز ليها شغل شديد واعادة نظر فى مواضيع كثيره ومتعددة وحتشوف العجب مع المنتخب القومى لان الكورة اصبحت فى السودان مهنة بتجيب فلوس وموش مهم الولاء وحب الوطن واللاعبين والمدربين عايز يسافروا ويتفسحوا وكمان يتجاروا وبس .
يا حليل زمن حب الشعار والولاء له والدليل عندكم فى الحصاحيصا وشوفوا اولاد الشبيبة لما كانوا كلهم طلبه وكيف كان الفريق بقيادة اخونا على الكريبة وعلام وكجرة وعبد الرحيم حسن والعقد الفريد .
فى كلام كتير وكتير عن الكورة عندنا ولكن اوعدكم سوف اواصل معكم وخصوصا الحصاحيصا لديها فريق كبير ذى النيل يمثلها فى الممتاز وبالمناسبة النيل يفترض ان يكون بطل الممتاز لو الاعبين الموجديين حاليا لديهم ثقافة البطولات وده موضوع سوف نتناقش لاحقا .
اخوكم محمد الامين - حارس مرمى الشبيبة سابقا
تحياتى للجميع
موضوع: المريخ يلعب ويخسر 
الخميس 18 نوفمبر 2010 - 20:23
