فرح في ديار أحمر

سيد الفرح
جاب المرح
بعدما إنجرح
عاد..و إنشرح

عاد ماجداً يتوسد المجد و مارداً يقتنص السعد..عاد نجماً يُحلق ي كل الفضاءات و البراحات و كوكباً فوق البقية تنظر إليه بحسرة فلول بني جعرون، المطحون (الممحوق الأزرق)..!! عاد لبطولته المحببة و بأشجانه المهذبة و تواشيح أدبه الباسق السامق..عاد الأحمر يخرج المكنون و يحتل في الكون أجمل لون..
هنو.. يا هنو..الولد ده
راجي..يا راجي.. العسل ده..

هزموهم..سحقوهم و محقوهم و قطعوا دابر القوم المجرمين في ديارهم (المسخرة).. قلعة البكاء و مأوي الضعفاء.. و لا عزاء للتعساء
و بس

هي كرة القدم بوجوهها الثلاث ألف مبروك

مبرووووووووك المريخ هاردلك الهلال
هذا هو الوضع الصحيح لختام الموسم
الله يجازي فلسطين مرة بالحارس ومرة بالحجارة
هنو....... هنو معاي الصفوة
راجي..... راجي منك بس إشارة طوبة أو كتلة حجارة

هي كرة القدم بوجوهها الثلاث ألف مبروك

محمد فارس كتب:: هي كرة القدم بوجوهها الثلاث ألف مبروك

شايفك قربت تبقى شاعر يا أبو الدقيق

وين اليوم بشة طلع حمل كاذب
هزيمة في الملعب وسقوط اخلاقي خارج الملعب
مبروك لمريخ السعد وهذا الوضع الطبيعي ان يختم الموسم بنيله كاس عموم السودان

يا هو دا المرييييييييييييييييخ

ممحوق مجافي عنيد
و معشوق..حديد في حديد..!!

فرح الغلابهههههه

هذا يومكم فافرحوا كما تشائون ...
وسنسعد كثيرا بفرحكم هذا ....
حتى ياتى يوم اخر يكون فيه نزال ومعركة اخرى ...
فقط نشجب كل مادار من سؤ سلوك من قبل اللاعبين والجماهير وليس هنالك مايستحق .... ويجب ان يتقبل الجميع الهزيمة كما تقبلوا الفرح !!!!

والله يا اخوي راشد كلامك دا كلام صفوة ساكت
وانت بتشبهنا فيك ملامحنا لكن تكون ضليت الطريق ومشيت للممحوقين ديل
ونحنا مابنقول ليك تعال للصفوة - لكن نعتبر شمعة من الصفوة في عتمة الممحوقين

مبروك لأهل القبيلة الحمراء
اداء قوي وتصميم مقدر وفوز مستحق
فالتهنئة لجميع المريخاب وهاردلك للهلالاب وبصراحة اتنين شوية وأحمدوا الله
................................................................................

بهجة وفرحة المريخاب "منقول"

بسم الله الرحمن الرحيم
في السلك
شفتنه جابت بشتنه
• حبة شفتنه
• شويه ماكتيره
• سنه بس ( بكسر السين )
• جابت جنس بشتنه
• الجمهور كان شفت شديييييييد
• ترك عباية الصفوه في البيت
• وجا لابس لبس الشفتنه
• احبكم يا شفوووت
• واحب فيكم حبكم لمريخ الشفتنه
• الشفتنه البتجيب البشتنه
• صدق خالد عز الدين
• لما قال ناس خليفه انصاف مواهب
• عين حمراء
• خلت الجماعه رجعوا لي ورا
• ده مريخنا البنعرفوا مريخ حلا وحمار
• مريخ شفت شديد
• اي زول قام بدوروا كامل
• كروجر لعب بي طريقه
• شجره مليانه قرود طلح ماتفهمها
• ابو عنجه وقف علي الخط
• يهب في النار
• لما اتأكد عيش الريف اتشوي صااااااااااااااح
• لكن سعيد والشغيل اشتغلوا جنس شغل غير مرئي
• شغل تحت تحت
• شغل شفوت
• شغل بالشلوت
• اقصد بالشفوت
• لكن مصعب السواها رقدت
• الزول ده بجي من وين
• خليفه لي اسي ماعارف
• محل مايلعبوا الكوره
• القوا الشطه الحمراء
• اربعه قرون
• شطه شفته
• شطة شفوت
• اها
• هنو طلع في التربيزه
• وطلع في العربيه الهكره
• العربيه اللزوها زمااااااان
• تتذكروها
• وجمهور المريخ الشفت يغني
• الطقعوا ومرقوا
• قالوا قون راجي حرقوا
• غنيه طويله
• حانكتبها كامله
• المهم هنو طلع في التربيزه
• تربيزة السواد والرماد
• قربت ترميهو
• الفيران عرفناها
• كمان في ارضه بتاكل الخشب ؟
• المهم
• قون راجي شفتوهوا جا كيف ؟
• قالوا جابوا بالسنه
• سنة الحذاء
• تهي تهي تهي
• معقوله قون زي ده بالسنه ياراجي ؟
• يعني لو كان بدون سنه كان جا كيف !
• لو بالحذاء كلو مثلا
• المهم
• احكي ليكم قون راجي
• جات لي مصعب
• جري بالحمام
• دردقها لي راجي
• راجي يترنح من النص
• اقصد يتبجح
• قالوا لما وصل المعز ماشات طوالي
• قال للمعز
• انت طالبني حليفه ؟
• تصدق وتؤمن بالله !
• اقول ليك شئ
• طبعا راجي لايوق شديد
• اصلوا بتلايق كتير
• يشيل ويسأل في المعز
• انت طالبني حليفه
• المعز قال ليهو خليفه ؟
• راجي قال ليهو خليفه مرق قبييييييييييييييل
• غلبتو
• حليفه
• ما خليفه
• وبس
• قال ليك بالسنه
• سنة الحذاء
• القائم ده لو جا جاي سنتمتر واحد
• كان دقت فيهو
• لكن عجبتني الشفتنه
• تحت تحت
• لاسانا ضيع التالت
• لكن خير وبركه
• نحنا بعد سنة راجي دي مادايرين تاني حاجه
• سنة الحذاء
• ديمبا تقيل
• مالحق راجي
• تاني باري ديمبا
• لكن المعز راجي هنو يعكسها
• راجيهو لي اسي
• محمد كمال يا بطل
• ياشفت
• قلت لي بشه داير يلعب رأسيه ؟
• راسيه بالعنقره ؟
• ولا رأسيه بالرا ؟
• شفتنه جابت البشتنه
• الناس جدعوا جنس جديع
• ومرقوا
• قون راجي ماااااا حرقوا
• لكن عليك الله ياخالد عزالدين عرفت انصاف المواهب ديل كيف ؟
• اسلام حضرت الكوره في التلفزيون
• قالت لي شفت ميشو
• قلت ليها مامعقول
• قالت لي والله وكمان لابس بدله بتشبه بدل الاقساط بتاعت استعمال بره ديك
• بدل المرحوم كان قدرك
• ضحكت
• تاني اللجماعه ما بعلقوا لافته
• لكن ياراجي يسألك الله جبتوا من وين ؟
• لعب زي ده بتجيبوا من وين انت ؟
• باص قلق لي هنو
• بالكوره كلها
• ومشينا القلعه الحمراء بعد الكوره
• ارض الحضارات
• المريخاب الشفوت طلعوا محتفلين
• يشهد الله اسر وعوائل
• اسر مأصله
• اولاد ناس
• اسر محترمه
• ده المريخ
• في دي بنقبل صفوه
• لكن في الاستاد
• شفوت بس
• قلنا ليكم حبة شفتنه
• وتتضح لكم كذبة ابريل
• خط بارليف
• اكبر كذبه في التاريخ
• الله يجازيك ياراجي
• بالسنه ؟
• كان تملي رجلك يا راجل
• بكره حانتم ليكم قصة التومه وسميه
• الحلقه الجايه التومه بتقدم طلب لي ناس الاسر البديله
• دايره تتبني ليها شافع
• قنعت من حكاية الولاده دي بعد بلغت الاتنين وتمانين
• لكن ناس الاسر البديله رايهم شنو ؟
• ده الحانعرفوا في حلقة بكره
• جنس بشتنه !
• بالغت يارجي
• بال
• بالعديييييييييييييييل كده !
سلك كهربا
ننساك كيف وكل التيم والجمهور كان ايداهوووووووووووووووور
والي لقاء
سلك / عمود بابكر سلك / في السلك

دا القبيل راجينو نحنا
يوم تبشر بيهو غيمة
الفرح يملا المدينه
الف ملياااااااااار مبروك الفوز

متعه ياشفتنه

بالغت ياراجي أنت جبتو من وين ؟

اه انا منك ياسلك عمودك في السلك

وضع طبيعي وكل قرد اطلع شجرتة

السنة الجـــاية تجو بدري ياصفراب

80 سنة ولا علبة صلصلة ( النخجل ليكم )

فصاحة ولداحة وكبتـنكم قليل أدب

واب واب غراااب جاب راجي جاب

.تهئ تهئ تهيئ - تعالوا بدري ياجنائز. يالله

بلا خوتة كأس البلد لأسياد البلد الشرفوا البلد

مريخ عنيد مريخ حديد نفسه بتعاف الانكسار

النجمة كانت يا مونزا وهج منير وسياجه نار

بي فرقته الماسية صلفج عزَّة سيمفونية عزِّة وافتخار

مثلت سوداننا الحبيب أكدت إنك ابن بار

يانجمة الفال الحسن أكسبني من رقشك إزار

هللنا كم وقدلنا بيك والقدلة كانت في إطار

سودان موحد بي هواك ونبضه من خلفك جدار

نلقاك كيف مريخنا فاق ترحابنا ضاقت بيه الديار

يانجمة خيلك عركسن أزكيتي روح حب الوطن

أيقظتي في قلوبنا الشجن عاد بينا نصرك لي زمن

فرسانه في ساح الوغى نادرين حياتم غير تمن

عاصمتنا سارت في جموع ونحاسنا بي حبك رطن

عليتي راية إسمنا وحليتي ماكان مرتهن

النجمة ضوت في النفوس إشراق يلالي على السحن

مريخنا احلى من العسل
هنو واراجى ادونا الفى مرادنا

الف مليون ترليون مبروك لنجم السعد
وفخر البلد وزعيم الكورة السودانية
علي هذا الفوز المستحق هذا هو المريخ الذي نعرفه هذا هو الزعيم الذي نحبه

احمر لون الدم والنار
اصفر لون الدهب الحر

الاحمر الوهاج
فرح في ديار أحمر 58941023631864422221000

» حُزن في ديار أزرق..
» سير ٠٠سير ٠٠ الى الامام ياريس سير
» بلد ، أحسن ديار يا فايذة ماما
» الاحمر الوهاج جاكم يا الزرق .. فرحه عيد يا الرشيد
» ساحِر لونو أحمر..؟