يا بلدنا...

يا بلدنا...
** ** **
يا بلدنا..يا أرضنا.. يا عرضنا..
ياشرايين جارية فينا..
رغم المسافات..وين مشينا..
نحن فيكي .و.انتي فينا..
مهما..عنك ابتعدنا..
يا بلدنا..يا بلدنا..
اسمك النغم..
. البصحي اللهفة..
في دفة خطاوينا...
. بيستعجل رجوعا..
يابريق الفرحة ..
في... نفس..
الغريب..ياربيعا..
يا بنادرنا ..وقرانا..
ضل.. رواكيبنا المعانق..
روعة.. تلاوين الطبيعة..

يابلادي.. ..يا بلاي..
عزك..الدايم بعيشو..
في وجودي.. وفي بعادي..
ناسجو... رسمك..
صورة.. غالية من..
خيو ط حبي ..و...ودادي..
رافعو رمزك.. راية عالية..
يا الفداك روحي..و..ولادي..
انتي لينا كنتي زينة..
وتاني ..بينا..
حاتبقي جنة..
في أغنى وادي..

يابلادي..يابلادي..
نيلنا ..جاب.. الليلة نسمة..
فيها من.. ريحة أهلنا..
المارقة من.. جوف الزمان..
معاها نغمات السواقي..
الدايرة بي.. زولا مثابر..
عمرو ..للضيم ..ما استكان..
حاضن الأرض.. الولود..
يروى فيها..وتروى ليهو..
عن ملاحم.. مجد كان..
يتباهي بالماضي ..ويسطر..
يعدل الحاضر ..يفكر..
يستشرف الأتي..ويبشر..
ويرمى ..بذرات الصلاح..
في رحم ..أطهر مكان..
يقول بشراك ..يا سودان..
ان شاء الله.. باكر..
أي غرسة بتلدي زهرة..
وكل أكليل ..يبقى بستان..
ضرعنا يدفق..وديمة مليان..
والخير يصير.. لي بلادنا ..عنوان..
يابلدنا...
.يابلدنا..
.. يابلدنا
****