صدق او لاتصدق هذه الصور لمياه الشرب في الامتداد امس - شاهد الصور

هذه الصور لمياه مواسير المياه يوم امس الاثنين 29/11/2010
ولاندري حتى هذه اللحظة سبب هذا التلوث الذي استمر 12 ساعة
نرجو ان نجد الاجابة من المسئؤلين عن المياه عن هذا السبب لان
هذا الامر خطير جدا وقد يتسبب في امراض خطيرة

عندما تشاهد الصور تظن انك امام موية ابري
او بيبسي كولا , ماهو السر وراء هذا التلوث وقد حدث هذا بعد ظهر اليوم الاثنين
ولكن الحقيقة احيانا اغرب من الخيال

الاخ عبداللطيف والله لماشفت الماسوره اقول ابري احمر الله يستر علي اهلنا ونتمني ان تكون افاده في الموضوع الموضوع خطير
ونتمني ان يراها مسئولا ولك التحيه

الاخ عبد اللطيف ........ممكن تكون فى مشكلة فى الشبكة وعايزة تغيير ......يعنى المواسير الموصلة للموية من الشبكة الرئيسية .....التغير دة كل الحى والا بيوت معينة ....وبعديه الموية كانت كيف .؟؟؟؟ممكن افتى ليك لو عرفت موقع البيت بالضبط.......والله من وراء القصد


.

جارى العزيزود الجاك ,,,,,,انا بمداخلتى دى ما قصدت ابرر هيئة المياه لكن على حسب علمى ومجالى مرات بتكون فى اسباب خفية حتى على المهندس الما متخصص اوما عندو خبرة ...وانا الحمد لله خبرتى واسعة فى مجال المياه والابار والشبكات ولو كنت قريبة كنت ح اكون فى موقع الحدث اقلاها الواحديفهم الحاصل شنو؟؟؟ومن حق اى مواطن انو يطمئن على صحتو ومن الامانة لما املك على ان اوضح ....الغاية تبرر الوسيلة ....ولنا عودة

اخي عبد اللطيف لك التحيه ......انا طبعا مصدق مئه فئ المئه لانو المنظر ده حصل معاي برطو في البيت وفي بيوت الجيران ..... يعني المشكه فعلا عامه بعدين هي ما جديده من زمان .... وربنا يكون في العون

شكرا ابو منوية ..ودة واجبى ..ما بتمنى ارجع لناس الهيئة لكن بتمنى ارجع والقى فى زمة وامانة ومسئولية ووعود تتنفذ......بتمنى الاجر لانو والله شغل الوية مرهق وكلو مشاكل من المدير وحتى الغفير ...ولى معهم عدة مواقف لا تحصى بس الواحد لما يحل مشكلة بحس بالطمأنينة والسكينة ...الكل يقف ضدك اذا وقفت لحل مشكلة ما ....قد لا تصدقون ما اقول ولكن تجاربى سردها الزميل وراق فى الصحف انذاك ...بس نقول شنو الشر يعم ......واليد الواحدة ما بتصفق....
لنا عودة

هذا ابرى احمر اقترح يكتب علية صنع فى السودان ويصدر الى دول الجوار اللة يكون فى العون

اشكرالاخوان/ جعفر يوسف ابراهيم - راشد الجاك - ام راما - ابوسفيان
على مداخلاتهم الرائعة - واقول لراشد هذه حقيقة وليست ماسورة التي
جلبتها لنا الماسورة المغلوبة على امرها, وكما قال جعفر يوسف نتمنى ان يراها مسئؤلا ويعتزر لنا من هذه الكوارث الصحية , كما اشكر ام راما
وابوسفيان ونتمنى ان لايرينا الله مكروها في مواسيرنا.
امس كان محمور الحديث في جلستنا يدور حول المياه , فقال احد اصدقائنا
المتفائلين ان هذه ليست اوساخ ولكن الحكومة قامت بتوزيع الثروة البترولية
وارسلت لكل فرد نصيبة من البترول عبر ماسورة منزله حتى ياخز نصيبه
كاملا , وقال صديقنا المتشائم ان الحكومة قد ارسلت محاية حتى تستطيع ان
تكتف الجميع ويكونوا عند طوع امرها ولايعصوا اوامرها ولا يتكلموا عن
السياجات ولا غيره