أين ربيكا زوجة جون جرنق

أين ربيكا ...
أين زوجة جون قرنق واولاده ...
لماذا لم يسمع لهم صوت في خضم هذا التفرد من باقان وزمرته ؟
لماذالم يطلع ياسر عرمان كعادته ويتبجح عن خروقات التسجيل والتزوير والأرهاب الذي تمارسه حكومة الجنوب على مواطني الجنوب ؟
لماذا لم يطالب بإسقاط حكومة الجنوب وهي تهين أبناءها بعدم توفير اي نوع من انواع الحياة لهم عندما طلبت منهم العودة للجنوب ؟

كان من المفترض ان يكون لهؤلاء دور واضح على الأقل إبداء حسن النية ... ولا يكونوا ركبوهم طيارة ناس الحركة وقتلوهم كما قتلوا جون قرنق

أبو رائد كتب:

أين ربيكا ...
أين زوجة جون قرنق واولاده ...

ان شاء الله خير يابورائد
دائر بيها شنو ؟؟

عا وزين نشوف طلتها البهية ونشوف رايها في الحاصل الأن وهل هي مبوسطة من شلة الحركة الموجودة الان دي وهل هذا هو توجه الحركة زمن جون

ابورائد انت مؤتمرجى ولا مصطفجى ( حاشاك الله من الاتنين ) ؟؟؟؟
كسرة : المصطلح التانى يعنى به سئ الذكر الطيب مصطفى !

ابورائد مؤسوطجلدني

ومجنوجي كمان ........هههههههههههههه

يابورائد بالجد عليك الله دائر بيها شنو

ممكن يكون ابو رائد بيفكر في مشروع وحدة جاذبة ، الرسول خلوهو ما تحكوها معاهو يقوم يغير رأيو

حموري كتب:

ممكن يكون ابو رائد بيفكر في مشروع وحدة جاذبة ، الرسول خلوهو ما تحكوها معاهو يقوم يغير رأيو

حموري يا ختير تسلم و 10 ÷ 10

ياأبو رائد
سلام
انت قاصد أولادو ياتم
قرنق أولادو كتار
واحدين فى الجنوب
واحدين فى لندن
واحدين فى .........
وواحدين فى .......
.................
أكمل ماتحته خط
تحياتى

حموري كتب:

ممكن يكون ابو رائد بيفكر في مشروع وحدة جاذبة ، الرسول خلوهو ما تحكوها معاهو يقوم يغير رأيو

يا حموري ...
الولية قابضة قبض شديد في وفاة جون ... يا معلم دي خطيرة

صلاح كتب:

ياأبو رائد
سلام
انت قاصد أولادو ياتم
قرنق أولادو كتار
واحدين فى الجنوب
واحدين فى لندن
واحدين فى .........
وواحدين فى .......
.................
أكمل ماتحته خط
تحياتى

يا صلاح سلام عليك وعلى ابورائد ذاتو ياخي

ياخوي يكمل ما تحته خط
ولا يكمل النقاط
وعلى فكرة ابورائد ذاتو زي دائر يعمل حركة
بس لسه ما معروفة شعبية ولا بهلوانيه

مع تحياتي

صلاح كتب:

ياأبو رائد
سلام
انت قاصد أولادو ياتم
قرنق أولادو كتار
واحدين فى الجنوب
واحدين فى لندن
واحدين فى .........
وواحدين فى .......
.................
أكمل ماتحته خط
تحياتى

سيد صلاح ...
المشكلة دعاة الانفصال أولادهم كلهم في لندن وامريكا واستراليا وكندا ( ويخموا في قروش للغلابة الفي الجنوب يرسلوا هناك )

يا بتنا ...
مشكورة على الصورة والمايكات الجميلة دي ...
لكن الولية دي مختفيه تماماً ولا أثر لها ......

ياودعمي مالك داير تلحق عرمان وتناسبهم والا شنو والا وحشتك ربيكا وهووي ياولد ماعندها بنت تاني واحده وعرسوها والجنوبيين لو انفصلو ياودنمر برضو هم حبايبنا ومصيرهم بيرجعو لينا تاني مابينا نسب اولاد عم عاد نسوي شنو

يا أبو يوسف ...تحياتي وليك وحشة

انا كنت عاوزها تطلع تتكلم تقول لباقان الحيوان البتعمل فيه دا معلمك د. جون ما طالب بيه جون كان وحدوي وجون كا عنده امل في تغيير حياة كل السودانيين مش الجنوبيين وبس .
لكن يا معلم شكلهم الجماعة هرشوها واقلوا ليها بنركبك طيارة برضه لو فتحت خشيمك دا ...

قااااااعدة وقالت الجماعة كان كتلوا الفيل
ما بقدروا على اللبوة
ويا أبو رائد أمك ماتقول
مع تحياتى للمتداخلين
مبارك والآخرين

أبو رائد .. سلامات
أنت واحد من المتباكين على انفصال الجنوب عن الشمال ؟؟ كن واقعيا وأبحث عن الاسباب بصدق... أنا أسألك عن مصير أطفال المايقوما وشهداء سد كجبار وقتلة الصحافى السودانى والمسؤل الامريكى وفرار قاتليه من السجن ... أسألك عن نازحى دارفور الأبية المسلمة وشهداءها ( اعدلوا هو أقرب للتقوى )

سيد بهاء تحياتي ...
ان لست من المتباكيين على الجنوب ... لان الجنوب أبناءه باعوه للامريكان واليهود ... وغداً سوف ياتوا كما يأتون اليوم بنفس العربات التي نقلتهم للجنوب ...
اما دارفور فهي ابيه بدينها وقرآنها وأبناءها الشرفاء وشويخها الغر الميامين ، ولكن حفنة من أبناءها المرتزقة يجرونها جراً الي الهاوية
اما اطفال المايقوما لو كان السوداني كما عرفناه زمان سوداني برجولته وتعففه ما كانت هناك رزيلة ولا يغير الله ما بقوم حتي يغيروا ما بانفسهم .
من الذي قتل الصحفي ؟اجبني انت
من الذي قتل الامركي الاجابة متروكة لك ؟
وللحديث بقية