حكم وامثال

والله كمان يا وراق لو المثل عرفنا المناسبة اللي اتقال فيها المثل يكون اجمل .. وخاصة في ناس صغار(زينا) كده بكونوا ما عارفين حاجات كثيرة

تسلم علي البوست

يا بت امها--يعنى انتوا صغار قدر.شنو --اعملى حسابك اصلو اليومين ديل التزويركتر خلاص........................

تحياتي الاستاذ/ حسن وراق
وهاك
البيتو من زجاج مايجدع بالحجار
الاعمي شايل المكسر
قز الكوع فوق الجوع
الازدرا فوق العرا
رفع العين فوق الدين
الحسنة في المنعول زي الشرشة في القندول
درب السلامة للحول قريب
عايره وادوها سوط
وحانرجع تاني ان امد الله في العمر

*الماعندو كبير يشتري ليهو كبير
*البرقص مابغطي دقنوا
*البصلة المعفنة بتعفن البصل
*بليلة مباشر ولاضبيحة مكاشر
*اليدو في الموية مازي اليدو في النار
*جارك القريب احسن من ود امك البعيد
*التسوي كريت في الغرض تلاقاهو في جلدها
*بر والديك يبرك ابنك
*في التائني السلامة وفي العجلة الندامة
*اسمع كلام البيبكيك ولاتسمع كلام البيضحكك
*الفقراء انقسموا النبقة
*العود المافيهو شق مابيقول طق
*الباب البيجيك منو الريح سدو واستريح
*كان ماسكت ماتفك وكان فكيت ماتندم
*مشى البحر وجى عطشان
*الجمرة تحرق الواطيها
*البكاء بحررو اصحابوا
*مال الميت ميت
*كلام الليل بيمسحوا النهار
*مكة بنوها على فالة
*القرش الابيض في اليوم الاسود
*الجاية من السماء تتلاقاها الواطة
*الرفيق قبل الطريق
*درب السلامة للحول قريب

حسن كيشو كتب:

يا بت امها--يعنى انتوا صغار قدر.شنو --اعملى حسابك اصلو اليومين ديل التزويركتر خلاص........................

الله الله .. انت قايلنا زي ناس مبارك بنزور في الاوراق الرسمية

احنا ناس صافين من كل شوائب (لا شعر مستعار ولا حاجة) خلقة الله بس

بت امها كتب:

حسن كيشو كتب:

يا بت امها--يعنى انتوا صغار قدر.شنو --اعملى حسابك اصلو اليومين ديل التزويركتر خلاص........................

الله الله .. انت قايلنا زي ناس مبارك بنزور في الاوراق الرسمية

احنا ناس صافين من كل شوائب (لا شعر مستعار ولا حاجة) خلقة الله بس

................
هع هع هع
بت امها اسع كيشو ده جاب سيرة مبارك .. ولله دى على وزن انا واخوى الكاشف

الصندل فى بلدو عود( اتحدى الفاهم المثل ده )

الاستاذ/ عبدالوهاب سلامي الحار
ويا اخي اعتقد ان المثل مفهوم و( الصندل في بلدو عود) ويعني الكثرة والوفرة في الشئ لاتثير اهتمام الناس اي الكثرة تتقل من قيمة الشي
ولك كل الود

الاخ عبد الوهاب تحياتي، اعتقد انو المثل الذي تفضلت يايراده يعني (زامر الحي لايطرب).

شكرا للجميع
وانا قصدت من التحدى عشان نعرف الناس الكبار (زى ما بقولوا الكوامر من البرينسات ).

................
هع هع هع
بت امها اسع كيشو ده جاب سيرة مبارك .. ولله دى على وزن انا واخوى الكاشف[/quote]

الجاب سيرتك التزوير .. والتزوير في المنتدي معروف من قبل منو

يعني ما ليها علاقة بالكاشف

عبدالوهاب احمد صالح كتب:

الصندل فى بلدو عود( اتحدى الفاهم المثل ده )

عشان التحدي ده قلنا لو شرحتوا المثل او مناسبته او سببه يكون احسن ومافي داعي للاحراج

اشكرك جدا علي البين قوسين

الحمدلله نحن مرقنا بجلدنا .. وخشمنا وعندنا .. يا عبدالوهاب امثلتك دى بعرفوا ليها عواجيز المنتدى .. انا قلت حاجه يامبارك!! بت امها انتى بره الموضوع ده .. خليك وراى واسكتى ساكت ..