انعكاسات
..............
= لو سمحت ياسيد الدكان أدينى 5 ارطال سكر و5 كيلو دقيق
واتنين رطل زيت وكيلو لبن بدرة و..
سيد الدكان مقاطعا
= ليه ياستاذة الحاصل شنو بتشترى الحاجات دى كلها الليلة
عندكم مناسبة ؟
= مناسبة شنو ياخوى ؟ انت قاعد وين ؟ ما سامع الرادى ؟
اليوم ده كلو يضرب فى الموسيقى العسكرية وقالوا فى بيان
هام ما سمعت بيهو ؟
= لا والله ياستاذة الرادى بتاعى خسران طووووول
= والله ياخوى قلت اخلى الحاجات دى احتياطى
قالوا فى تونس واحد حرق نفسو وبعدها النار ولعت فى البلد كلها
لا دكان فاتح ولا سوق والبلد انقلبت والحكوة انقلبت والريئس
هرب
= طيب ديك تونس واحنا مالنا ؟
= انت ماسمعت ؟ قبل كم يوم كده فى واحد حرق نفسو
فى ودمدنى وقبل يومين واحد حرق نفسو فى ام درمان
وامكن الحكاية تطور ما دام فى بيان هام فى الرادى
=لاااااا..... كان كدى الحكاية خطيرة بجد لازم نسمع البيان
......................
نواصل ان شاءالله
المغربى
موضوع: ترقبوا بيان هام (3) 
الثلاثاء 25 يناير 2011 - 7:11
