صمتك فيهو شئ يحير أااغير فى اتجاه الزوول!!!!!!!
شعب قاطع النفس ليه ما عارف ؟؟؟؟
والمحبرنى ومجننى وجنن صاحبى غبد القادر وجنن بوبينا برضو وخلاه اليوم كلو انبح من ما يسمع دق فى الباب ولا الجرس اروح نابح تمشى تفتح الباب تلقى واحد شائل روشتة دواء ولا عندو مشكلة ولدو ولا بنتو مطرود (ة) من المدرسة عشان ما دفعت القسط ومرة اخرى اجيك واحد اقول ليك حق العيش مافى وووووو
واخر تقليعة عايزين حق الكفن عندنا واحد ميت دايرين نستروا ...وبعد الحالة دى كلها ما داير اركب السودانية
عليكم الله ما شئ يحير ؟؟
غايتو أنا ابتدئت اقتنع بكلام صاحبى الكوز انو حكومتهم السجمانة دى محصنة يعنى برمائية وطيارية فى البر دبابة وفى البحر غواصة وفى الجو طيارة وفيها شئ لله .
وطيب وتانى طيب لو الحكومة دى مقتنعة بانها محصنة وانو كل شئ تمام وشعبها قاطع نفس وكمان وش والمعارضة عندها هشاشة عظام مالا تاعبة روحها بالتصريحات العنترية ومانعة حتى النقنقة خارج غرف النوم وعلى احسن الظروف ممكن تنق فى حوشكم بس وتتبرم وتسخط بس فى الشارع تتأدب والا .....
بعدين تعالوا هنا النواب الفى البرلمان مش هم نواب مكلفين من دوائرهم وبمثلوا الشعب ومش هم رقصوا وصفقوا وهللوا للزيادة فى كل شئ ما خلاص مافى داعى المسئولين يهددونا ويرهبونا طالما نوابنا وافقوا معناها الشعب موافق لو فى مزيد برضو ماعندنا مانع .
غايتو التصريحات بتاعة التنفيذين امثال والى الخرطوم القال فيها انو سوف يفتتح 30 مركز بسط امن فى ام بدة عشان اى واحد تحدثه نفسه باللخبطة او العنكبة هم له بالمرصاد طيب يا والينا انت المراجع العام ما قال ناسك لحسوا 28% من ميزانية ولا يتك من قولة تيييييت ابدا بيهم هم نحن امرنا ساهل قلنا ليك قاطعين نففففففففس واله ما محتاجين تتعب روحك وتعمل ليك 30 مركز لبسط الامن الداير تصرفوا فيها ادعم لينا بيهو الفول والعيش وكان دعمت لينا الدواء والتعليم كتر خيرك .بس الوالى ما صرح بتصريحه ده الا ناس غبقرية الزمان والمكان والذين يعرفون من اين يؤكل الكتف نطوا طوااالى ذى بتاع الشرطة الشعبية أستغل الظرف وقال سوف يقوم بزيادة مراكزه الف مركز قبل نهاية العام الحالى وقال قواته جاهزة للدواس هو منو العدو ده الداير تداوسوا ده؟؟ ... يا راااجل خلاص داير ليك بند مفتوح عشان ترعى فيهو .
اها رائكم شنو ما شئ يحير وابدل فى اتجاه الزووول؟؟؟
موضوع: حيرت قلبى معاك ............. خليتو بيك مشغول 
الجمعة 4 فبراير 2011 - 21:04
