رسالة إلى Admin

التحية وكامل التقدير للأدمنستريشن أوف هذا الموقع
ياخي لي كم يوم بعاني من بط شدبد في فتح الموقع وللدرجة التي سببت لدي إزعاجاً شديداً خصوصا نحن من امبارح المساء بنتمع باجازة تلاتة ايام اب تو نكست صندي
وتعرفون سيادتكم بأن الرزم بقى عالي والطيارات واحدة تطير واخرى على عينك ياتاجر تقلع
الشعوب في بلدان السودان واليمن وليبيا وايران تفور بسبب الدم الفار وادفق في سيدي بوزيد وميدان التحرير البحراوي
بالمختصر أي بط بخلينا في نص السكة إلى المطارات وما دايرين الجماعة البقلعوهم يمشوا بدون وداع يليق بيهم خصوصا أقلاهم 22 عشرة فدي ما حاجة ساهلة علينا

فداير أعرف السبب في البط دا عام ولا خاص لاني قبال فترة قريت شكاوى من بعض الاخوة الاعضاء بنفس السبب
وماهي الحلول التي يمكن أن تقدم من سيادتكم في الحالتين

وتقبلوا تحياتي وجزيل شكري مع إعتذارنا الشديد لإزعاجكم "بفروق الوقت ربما"

ملحوظة : السبب الخلاني أكتب هذا البوست جيت فتحت واحد من البوستات لعمل مداخلة فإضطريت أقيف حوالي 15 دقيقة في صالة الانتظار

الحبيب المحبوب ... هاك دى علك تجد فيها حلا لمعضلتك !!!
احد مواطنى مدينة ود مدنى اتى قسم الشرطه شاكيا مجموعة من الرباطين الذين اعترضوا سكته ونشلوا محصلة يومه واوسعوة ضربا وفلقا وكسيرا جعله لا يقوى على الكلام ناهيك من الحركة .. المهم بقدرة قادر وصل القسم على امل ان يجد العون والراحة ورد الحقوق ... وما ان انتهى من اعطاء تدوين البلاغ حتى انهالت عليه الاسئله :
انضربت وين ... الساعه كانت كم ...جنب وين ... الضربوك اشكالهم كيف .. عددهم كم...الى اخر الاسئله.. والراجل متوك وكرهان روحه ... وعندما فاض به انبرى للعسكرى قائلأ ياخى انا اندق ولا ادّرق ولا اعاين للساعه ولا اعاين للناس الداقنى ولا اجر ولا احسب فى الناس الداقنى .. انا اعمل شنو؟؟؟
دحين يا المحبوب اخوك يعمل شنو!!!!

ياعم بكري ربنا يعينك ويألمحبوب أصبر علي الراجل حبة ودي نتيجة عدم المشرفين بكري قرب يقول الروووووب