منتدى الحصاحيصا السياسى

الملاحظ والمتابع للمنتدى يلاحظ بان المواضيع السياسية اصبحت السمة الغالبة على المنتدى
اغلب الاعضاء اشتركو فى المنتدى من اجل الحصاحيصا وخدمة المدينة لكن بوجود المواضيع السياسيى الجميع اصبح يفر من المنتدى بسبب اللونية السياسية التى يوصف بها اعضاء المنتدى وبقى فى فهم عام فى الحصاحيصا ان كل او اغلب اعضاء منتدى الحصاحيصا دوت كوم هم شيوعية ومعارضين للحكومة
كثيرين من الشباب رافضين الانضمام للمنتدى بسبب المواضيع السياسية الموجودة فى المنتدى
الموضيع السياسية واراء كتابها هى السبب الاساسى لعدم تصديق السلطات بقيام منظمة دوت كوم الخيرية الكنا عايزين نخدم الحصاحيصا عبرها ونقدم شى للبلد
المواضيع السياسية افقدت المنتدى بريقه ولمعانه
اشتركنا فى المنتدى لمتابعة اخبار الحصاحيصا واجتماعيتها والتواصل مع الاهل والاصدقاء اشتركنا فى المنتدى عشان نفرح ببسمة انجلو وعشان نشاهد انجازات المنتدى فى مدرسة اركويت وعشان نفتخر بتكريم رموز الحصاحيصا عشان نفتخر بانجازات الايام الصحية والعلاج المجانى اشتركنا عشان نعرف اهمال المحلية والسلطات للحصاحيصا وسوق الفاكهة وملجة الخضار وسلخانة الحصاحيصا
لم نشترك فى المنتدى لمتابعة اخبار حكومة السودان والموتمر الوطنى والوزراء وغيرهم ولو عايزين نعرف مثل هذه الاخبار كنا مشينا سودانيز اونلاين او مشينا منتديات الراكوبة
الا غد بلغت اللهم فشهد

السياسة أخي محمد تدخل في تفاصيل قفة المُلاح وحقنة التتراسايكلين وإهمال السُلطات كما ذكرت في مواضيع المحلية وسوق الفاكهة والسلخانة هو نتيجة لقصور الحكم الولائي وأجهزة الدولة - ليس في الحصاحيصا فحسب - وإنما في عموم الوطن عن تقديم الخدمة ، وده بيُسمي بنمط إدارة الأقتصاد ، وطالما المسألة مسألة خدمات وإقتصاد فالسياسة حاضرة هنا ، فكما تعلم الأقتصاد والسياسة كالطُرة والكتابة .
مسآلة مواضيع السياسة وأنها كثرة غالبة فهذه تحتاج لتدقيق وضبط ، خاصة والعالم كله يتأثر بأحداث أنتفاضات تونس ومصر وليبيا واليمن والبحرين ، وداخلياً نتأثر ونؤثر بتداعيات الأنفصال وبالقمع الوحشي لإنتفاضات الطلاب والشباب وعليه فهناك أعضاء بالمنتدي يريدون ببوستاتهم أن يكونوا جزء من هذا التفاعل مع أحداث الوطن والمُحيط - وهذا حق مكفول لهم - مثلما يُكفل لغيرهم ما شاءوا من إهتمامات .
أما مسألة فرار أعضاء من المنتدي بسبب غلبة مواضيع السياسة فأجدي لهؤلاء الفارين -إن وجدوا- أن يُفروا للداخل بمواضيع غير سياسية إن أرادوا فالمنتدي به أبواب شتي ، وحتي ضمن العام فليأتوا بما شاءوا .
إذا كانت الآراء السياسية هي ثمن التصديق لمؤسسة دوت كوم الخيرية فبئس الثمن هو ، وكأنك تُطالب بأن نتواطأ بالصمت مقابل التصديق .
أشتراكي في هذا المنتدي لا يحصرني في دائرة الحصاحيصا فقط ، فنحن مواطنون سودانيون ، والجنسية السودانية ليست رقماً في أضابير السجل المدني ، بل هي تفاعل حي ومستنير مع قضايا الوطن وما أكثرها من قضايا .

الأخ صداح ...

الحصاحيصا دوت كم أصبح اداء لجهة معينة لتكتب ما تشاء وتلفق كيف تشاء كلنا سودانيين ويهمنا أمر البلد وحال كل صغير وكبير فيه .
ولن أقول لك بأني بعيد عن الاحداث التي تجري في السودان والعالم ومتابع جيد لها ولكن تناول الموضيع أصبح فيه نوع من التشفي وتناول المواضيع أصبح عبارة عن أسهزاء بعقولنا .

طيب يا أبو رائد :
أكتب رأيك وقول لا للمواضيع التي تري أنها للتشفي ، وأنتا بتتفق معاي أنو نحنا سودانيين وبيهمنا أمر البلد ، فبالتالي يا أبورائد مافي رأي رسمي هنا ، وطالما عندك كي بورد يا حبيبنا أبورائد فياريت تستخدمو لكي ترتقي بعقول الجميع ، فبالتالي بتكون ريحتنا من الناس البستهزأو بعقولنا وقدمت لينا مُساهمات مُستنيرة .

يا محمد كمال تحياتي لك وانت تكتب عن شئ مهم وخاصة انه كل الشعب السوداني سياسي
اوافقك الراي في المنتدي اصبح سياسي اكثر من اي شئ ليس سوي ان اكاد اجزم تلاته ارباع الاعضاء سياسيين
عشان كده خلي جماعتك ديل اخشو واثرو المنتدي عسي ولعل اعملو حاجه
غايتو نحنا مع التيار الا الخطوط الحمراء
يعني يا محمد كمال الفساد الفي البلد كمل خلاص لحدي ما يطال كمال الشين الرجل العفيف الزي هو انظف واشرف من الزين يكتبون عنه في هذاء المنتدي الزين لايساوين وزن عند الدكتور بالحبر الذي كتبو به عنه فهو اشرف من الشرف وخاصة انه اب من الحصاحيصا
فا اين بافي الفساد فليكتبو عن الغرباء الزين استولو علي البلد وخاصة الحصاحيصا.

تمام يا أبو مصطفي :

اقتباس :

عشان كده خلي جماعتك ديل اخشو واثرو المنتدي عسي ولعل اعملو حاجه

الاخوان محمد كمال - صداح - مهدي بكش - ابو رائد وكل من دخل على الموضوع وما قال (كش)
وقبل ما اقول راي بعدما سمعت كلامكم وخشيت ذي اللاعب (المُنجم) اوافقك يا اخي محمد كمال السر الراي المنتدى وخاصة العام معظمه اصبح سياسة بس ولذلك اضاف الملل لنا ونحن ما عاوزين ذي ما قال ود السر اخبار السودان يا اخونا صداح لانه ببساطة هنالك عدة مواقع لهذا الشي نحن عاوزين اخبار الحصاحيصا وبس واي شي داخل الحصاحيصا الواحد بيرحب بيهو وبيتقبلوا من اجل التغيير للافضل ويا اخونا مهدي بكش الحكاية ما مباراة بين النجمة والشبيبة (طبعا في زمنهم مش هسع) عشان تطالب من البقية يقولو قولهم ويا صداح اخطاءت هذه المرة وغلطت الشاطر بي كم؟
نحن فعلا عاوزين زي ما قال محمد كمال تكتبوا لينا عن الحصاحيصا عن الحفر في شارع حي فور ذي ما قال اخونا حسن وراق عن ملجة الخضار وعن الاستاد عن السينما وعن حلويات عمنا حميد وعن فول الحلفاوي وعن قهوة المرحوم عفيف
وصفوا لينا يا ناس البلد باقي نحن مشتاقين وخلونا وفكونا من الحكومة واب جاكومة

مع أحترامي لرأيك أخونا عاطف ، لكنني أعتقد أن الناس لا يتمتعون بذوق واحد وليس لدي جميع الناس -في أي مجتمع - حقيقي أو أفتراضي ذائقة موحدة ، لهذا من يريد بوستات السياسة فموجودة ، ومن يريد غيرها فليأتِ هو بما يريد ، فساحة العرض مفتوحة ، وعندما لا أستطيع أن أقدم مواضيع غير سياسية فليس من الحكمة إنتقاد أولئك المتفاعلين مع شؤون الوطن ويُقدمون مواضيع سياسية (مع تحفظي علي التفريق بينهما ) .والمسألة هنا ليست مسألة صحيح أم خطأ ، بل المسألة هي إهتمامات مختلفة ، فأنا مثلاً أهتم بالبوستات السياسية أكثر ، وبالتالي ليس من حق كائناً من كان أن يُحدد لي ما أكتبه وما أهتم به ، وأيضاً لك الحق في أن تهتم بمواضيع أخري والتعبير عنها .

الأخ صداح ....

البتكتب في المنتدي ما سياسة ولو السياسة بالطريقة دي يبقي ربنا يرحم ويكون في عون السودان .
هل يوم حمل سياسي المنتدي فكرة ولا نقد بناء غير الأخ حسن وراق وفي مواضيع الحصاحيصا بالذات .
البتكتب في المنتدي والله العظيم ما سياسة دا تلصص وفتن وبس

صداح فاروق وراق كتب:

أما مسألة فرار أعضاء من المنتدي بسبب غلبة مواضيع السياسة فأجدي لهؤلاء الفارين -إن وجدوا- أن يُفروا للداخل بمواضيع غير سياسية إن أرادوا فالمنتدي به أبواب شتي ، وحتي ضمن العام فليأتوا بما شاءوا .
.

الاستاذ صداح الاقتباس اعلاه من مساهمتك والنص الملون بالاحمر اعتبره تشكيك فى كتابتى ووصفى بالكذب واعتبره مخالف لفقرتين من فقرات قانون دوت كوم

صداح فاروق وراق كتب:

فبالتالي بتكون ريحتنا من الناس البستهزأو بعقولنا وقدمت لينا مُساهمات مُستنيرة .

ياريت تحديد من هم اللذين يستهزؤن بعوقلكم ؟
واذا كان حق الكتابة مكفول لكل من ملك كيبورد فى مايراه هو مناسب لماذ تم ايقاف عضوية حافظ احمد

مهدي بكش كتب:

يا محمد كمال تحياتي لك وانت تكتب عن شئ مهم وخاصة انه كل الشعب السوداني سياسي
اوافقك الراي في المنتدي اصبح سياسي اكثر من اي شئ ليس سوي ان اكاد اجزم تلاته ارباع الاعضاء سياسيين
عشان كده خلي جماعتك ديل اخشو واثرو المنتدي عسي ولعل اعملو حاجه
غايتو نحنا مع التيار الا الخطوط الحمراء
يعني يا محمد كمال الفساد الفي البلد كمل خلاص لحدي ما يطال كمال الشين الرجل العفيف الزي هو انظف واشرف من الزين يكتبون عنه في هذاء المنتدي الزين لايساوين وزن عند الدكتور بالحبر الذي كتبو به عنه فهو اشرف من الشرف وخاصة انه اب من الحصاحيصا
فا اين بافي الفساد فليكتبو عن الغرباء الزين استولو علي البلد وخاصة الحصاحيصا.

ياحبيب سلامى واشواقى
ظلم وكيل وزارة الصحة هنا وبعد ان اتضح المقصود هوابن الحصاحيصا البار دكتور كمال الشين والتوضيح من قبلكم تم حذف الموضوع بطلب من كاتبه طيب ياترى كم عدد الذين ظلمو بسبب السياسة ولم يجدو مناصر هنا

صداح فاروق وراق كتب:

تمام يا أبو مصطفي :

اقتباس :

عشان كده خلي جماعتك ديل اخشو واثرو المنتدي عسي ولعل اعملو حاجه

يا ابومصطفى اى واحد يظهر اسمه فى قائمة اخر الاعضاء المسجلين الناس بتفتكر انه دا شيوعى او معارض واى زول بيكتب فى المنتدى زول معارض للنظام يبقى ناسى ديل يدخلو ويثرو المنتدى كيف

عاطف عمر كتب:

الاخوان محمد كمال - صداح - مهدي بكش - ابو رائد وكل من دخل على الموضوع وما قال (كش)
وقبل ما اقول راي بعدما سمعت كلامكم وخشيت ذي اللاعب (المُنجم) اوافقك يا اخي محمد كمال السر الراي المنتدى وخاصة العام معظمه اصبح سياسة بس ولذلك اضاف الملل لنا ونحن ما عاوزين ذي ما قال ود السر اخبار السودان يا اخونا صداح لانه ببساطة هنالك عدة مواقع لهذا الشي نحن عاوزين اخبار الحصاحيصا وبس واي شي داخل الحصاحيصا الواحد بيرحب بيهو وبيتقبلوا من اجل التغيير للافضل ويا اخونا مهدي بكش الحكاية ما مباراة بين النجمة والشبيبة (طبعا في زمنهم مش هسع) عشان تطالب من البقية يقولو قولهم ويا صداح اخطاءت هذه المرة وغلطت الشاطر بي كم؟
نحن فعلا عاوزين زي ما قال محمد كمال تكتبوا لينا عن الحصاحيصا عن الحفر في شارع حي فور ذي ما قال اخونا حسن وراق عن ملجة الخضار وعن الاستاد عن السينما وعن حلويات عمنا حميد وعن فول الحلفاوي وعن قهوة المرحوم عفيف
وصفوا لينا يا ناس البلد باقي نحن مشتاقين وخلونا وفكونا من الحكومة واب جاكومة

عاطف ياصديق نمسكار
فعلا نحن عايزين نعرف اخبار الحصاحيصا ونتابعها اول باول وعايزين نفرق ونشيل همومنا شوية من الغربة وتعب الحياة
فى السودان قالو غلطة الشاطر بى 10 فى الهند قالو غلطة الشاطر ب100

أبو رائد كتب:

الأخ صداح ....

البتكتب في المنتدي ما سياسة ولو السياسة بالطريقة دي يبقي ربنا يرحم ويكون في عون السودان .
هل يوم حمل سياسي المنتدي فكرة ولا نقد بناء غير الأخ حسن وراق وفي مواضيع الحصاحيصا بالذات .
البتكتب في المنتدي والله العظيم ما سياسة دا تلصص وفتن وبس

ياشفت سلامات
سودانيز اونلاين اسسه ويديره بكرى ابوبكر بمعاونة مشرفين غير معروفين للاعضاء قارن وجه الشبه بين دوت كوم وسودانيز اونلاين

السيد محمد كمال :
1- إذا وُجد (فار) من المنتدي فأرجو أن تبلغه أن الفرار يكون للعاجزين ،البقاء وطرح وجهة النظر يكون للأقوياء الواثقين من وجهة نظرهم ويملكون القدرة علي التأثير علي الغير .
2- الذين يستهزأون بالعقول تعبير جاء في كلام أبورائد ، بدون الدخول في تفاصيل ما قصد هو ، ردي له كان بأعتبار ما قصده .
3- وجهة النظر المؤيدة للمؤتمر الوطني والنظام تعبر عنها أنت وأبورائد والأخ صلاح وهي يتم الرد عليها بالرأي وبالمنطق .
4- عندي آراء مختلفة عكستها للأدمن علي فترات مختلفة ، عدم تفضل السيد مدير الموقع بتحقيقها لايجعلني أجلس في موقع المتفرج ، أو المستمع لكلام هذا وذاك ، أو الدخول في قائمة الحردانين .
5- معارضة النظام تهمة لا أنكرها وشرفٌ لا أدعيه ، ولا يوجد (شئ) سواءً كان( منتدي) أو( شخص) بعيد عن دائرة التصنيف حتي سودانيز أون لاين وصاحبها بكري أبوبكر !
6-إذا كانت كل العضوية الجديدة في المنتدي معارضين (زي ما بيقولوا الناس) فالحكومة بتاعتكم دي القاعده ليها شنو ؟ أو إحتمال ناس المؤتمر الوطني ما فاضين للمنتديات ، لأنو بيظبطوا في شوارع الحصاحيصا وسلخانة الحصاحيصا ومقبرة المبيدات ومصنع الصداقة ومحالج الحصاحيصا وإستاد الحصاحيصا ومحلية الحصاحيصا وسوق الفاكهة !

صداح كتب:
أشتراكي في هذا المنتدي لا يحصرني في دائرة الحصاحيصا فقط ، فنحن مواطنون سودانيون ، والجنسية السودانية ليست رقماً في أضابير السجل المدني ، بل هي تفاعل حي ومستنير مع قضايا الوطن وما أكثرها من قضايا .
الشاب الرائع محمد كمال
اقتبست ما خطاهو كيبورد الاخ صداح فهو رد بليغ لا يحتاج ات نضيف اى اضافة فانها كاملة الدسم .
اما عن مازكرته حول ان هنالك الكثر يريدون ان يشاركوا او ان يدخلوا فى المنتدى ولكن يخافون ان يصنفوا بمعارضة فهذا اولا نوع من الجبن وعدم الثقة فى النفس وهولاء لن ينعفوا المنتدى والجبان لا يأمن ان ترافقه فهو لن يزيدك الاخبالا ولا ترجو منه خيرا ابدا .

محمدكمال السر كتب:

صداح فاروق وراق كتب:

أما مسألة فرار أعضاء من المنتدي بسبب غلبة مواضيع السياسة فأجدي لهؤلاء الفارين -إن وجدوا- أن يُفروا للداخل بمواضيع غير سياسية إن أرادوا فالمنتدي به أبواب شتي ، وحتي ضمن العام فليأتوا بما شاءوا .
.

الاستاذ صداح الاقتباس اعلاه من مساهمتك والنص الملون بالاحمر اعتبره تشكيك فى كتابتى ووصفى بالكذب واعتبره مخالف لفقرتين من فقرات قانون دوت كوم

ياستاذ انا كتبت ليك مداخلة هنا وقلت ليك انت اتهمتنى بالكذب وانت مارديت عليها بالنفى او الاثبات وانا بعتبر الكلام دا اهانة لى وفى قانون المنتدى فقرتين ينصن على

admin كتب:

القانون العام لهذا المنتدى
هذا المنتدى هو ساحة نقاش و حوار رحب بين اعضاء ينتسبون إلى منتديات الحصاحيصا دوت كوم الوافية. إن المديرين و المشرفين على هذا المنتدى يسهرون على سيره بشكل يجعله منبع نشاط و تبادل شيق و بناء. و لن يترددوا بإلغاء و ايقاف أي مساهمات مشكوك بها أو ذات طابع تعسفي, لا أخلاقي او مهين لشخص أو جماعة.


يمنع منعاً قاطعاً كل المساهمات التعسفية و الهادفة فقط إلى إثارة الشغب أو المهينة لشخص أو جماعة أو ثقافة أو ديانة...إلخ.

إدارة منتديات الحصاحيصا دوت كوم

• 
  

فعليه انا بطلب منك تنفى الكلام دا او تعتذر لى او ادعو الادمن لتنفيز القانون وعلى ما اعتقد لاكبير على القانون

صداح فاروق وراق كتب:

السيد محمد كمال :
1- إذا وُجد (فار) من المنتدي فأرجو أن تبلغه أن الفرار يكون للعاجزين ،البقاء وطرح وجهة النظر يكون للأقوياء الواثقين من وجهة نظرهم ويملكون القدرة علي التأثير علي الغير .
2- الذين يستهزأون بالعقول تعبير جاء في كلام أبورائد ، بدون الدخول في تفاصيل ما قصد هو ، ردي له كان بأعتبار ما قصده .
3- وجهة النظر المؤيدة للمؤتمر الوطني والنظام تعبر عنها أنت وأبورائد والأخ صلاح وهي يتم الرد عليها بالرأي وبالمنطق .
4- عندي آراء مختلفة عكستها للأدمن علي فترات مختلفة ، عدم تفضل السيد مدير الموقع بتحقيقها لايجعلني أجلس في موقع المتفرج ، أو المستمع لكلام هذا وذاك ، أو الدخول في قائمة الحردانين .
5- معارضة النظام تهمة لا أنكرها وشرفٌ لا أدعيه ، ولا يوجد (شئ) سواءً كان( منتدي) أو( شخص) بعيد عن دائرة التصنيف حتي سودانيز أون لاين وصاحبها بكري أبوبكر !
6-إذا كانت كل العضوية الجديدة في المنتدي معارضين (زي ما بيقولوا الناس) فالحكومة بتاعتكم دي القاعده ليها شنو ؟ أو إحتمال ناس المؤتمر الوطني ما فاضين للمنتديات ، لأنو بيظبطوا في شوارع الحصاحيصا وسلخانة الحصاحيصا ومقبرة المبيدات ومصنع الصداقة ومحالج الحصاحيصا وإستاد الحصاحيصا ومحلية الحصاحيصا وسوق الفاكهة !

يا استاذ كلامك الفوق داه معناه ان انا وابورايد والاخ صلاح مؤتمر وطنى عن نفسى رديت على تلاتة او 4 مواضيع سياسية بوجهة نظر قد تكون مخالفة لرائيك انت لذلك انت افترض انا موتمر فيا زول خليك متاكد انا لم رديت على بوستات سياسية حسيت بان المنتدى ماشى فى اتجاه معين وحسيت ممكن ممكن ردودى تحرك الامور وتغير شى ولو الاحساس العام عند الناس وبعد ماتقول لى الحكومة بتاعتكم عشان الحكومة مابتعتى وماعندى فيها حاجة والنقطة 4 فى كلامك انا مابرد عليها


واحتراما لاعضاء المنتدى الماتعودو منى الدخول فى مهاترات واحترما لروبط اخرى كثيرة فانا بقول ليك مابرد عليك فى البوست دا تانى

الأخ محمد :
طوَل بالك شوية ،,,

اقتباس :

محمدكمال السر كتب:
صداح فاروق وراق كتب:

أما مسألة فرار أعضاء من المنتدي بسبب غلبة مواضيع السياسة فأجدي لهؤلاء الفارين -إن وجدوا- أن يُفروا للداخل بمواضيع غير سياسية إن أرادوا فالمنتدي به أبواب شتي ، وحتي ضمن العام فليأتوا بما شاءوا .
.

الاستاذ صداح الاقتباس اعلاه من مساهمتك والنص الملون بالاحمر اعتبره تشكيك فى كتابتى ووصفى بالكذب واعتبره مخالف لفقرتين من فقرات قانون دوت كوم



ياستاذ انا كتبت ليك مداخلة هنا وقلت ليك انت اتهمتنى بالكذب وانت مارديت عليها بالنفى او الاثبات وانا بعتبر الكلام دا اهانة لى وفى قانون المنتدى فقرتين ينصن على

إن وجدوا ، إن هي إن الشرطية ، وجود فارين من المنتدي أنا لا أعلمهم وأنت تعلمهم ، فإن الشرطية تُفيد عدم علمي بجواب الشرط وطالما أنا أتكلم أصالةً عن نفسي و عن ما أعلمه علم اليقين أوردتُ كلمة إن وجدوا لتفيد عدم علمي بهؤلاء ، عدم علمي حتي هذه اللحظة لاينفي إمكانية وجود جواب الشرط حيث أن إن الشرطية تفيد - من ضمن معانيها إحتمال التحقق.

يا محمد .... صنفونا مؤتمرجية
يعني يا معانا يا ضدنا دا النظام نظام بوش ...... أو بعد شوية تحزف عضويتنا

أبو رائد كتب:

يا محمد .... صنفونا مؤتمرجية
يعني يا معانا يا ضدنا دا النظام نظام بوش ...... أو بعد شوية تحزف عضويتنا

ابورائد شنو حكاية تحذف العضوية دى ؟
انت شكلك سمعت كلام فى محل تانى وعايزو يتحقق باى صورة ولا تكون صدقت عذا الكلام !!!
منو القال انو اى مؤتمر وطنى بتحذف عضويتو ؟
هل فى قانون المنتدى مايفيد بذلك ؟
بالعكس انا من الناس الذين يؤيدون تواجد كل التيارات السياسية وضد مسالة الاقصاء ....
المشكلة فى الناس البدافع عن المؤتمر بهمة لاتفتر ... وتنفى انتماءها له ؟؟؟؟؟؟؟

أبو رائد كتب:

يا محمد .... صنفونا مؤتمرجية
يعني يا معانا يا ضدنا دا النظام نظام بوش ...... أو بعد شوية تحزف عضويتنا

اخونا ابورائد /
تحاياتى اولا بصراحة تصنيفك بمؤتمرجى فانك مؤتمرجى حتى النخاع ويرجعذلك لدفوعاتك فى مداخلاتك الكثيرة حين ينتقد النظام والتشكيك الدائم فى الاثباتات والبراهين والادلة التى ياتى بها اى كاتب لموضوع فى المنتدى العام ناقدا للنظام ومن مجريات مداخلاتك الحماسية ونابولياتك صنفت مؤتمرجى وطنى كما يسمون انفسهم .
وهذا التصنيف لا يفقد للود قضية فأنت حر فى ايدولوجياتك فانتمائك وحملك لايدولوجية معينة ليس بعييب فانت ترى بان الانقاذ هى الافضل وغيرك يراها بغير ذلك فيكتبون عن مساوئها وينقلونها عبر هذا المنتدى وغيره من المنتديات والغرض من ذلك اثراء المنتدى بالمداخلات والنقاش من غير حجر على احد او حزف لعضوية احد الا من يخرج من ادبيات النقاش وتحويره الى ما يخدش من سفه وساقط القول وهنالك من فعل ذلك واسقطت عضويته وللادمن الحرية الكاملة فى اسقاط عضوية كل من يرى انه شاذ فى المنظومة ولا يتقيد باللوائح وادب المنتدى .
اخى ابو رائد من ابجديات الامور فان الفلاح يزيح البصلة المتعفنة من جوال حصاده حتى لا يتلف باقى الجوال والطبيب يعزل المريض المعدى من الاخرين حتى لا يتفشى المرض فى الاخرين وسائق المركبة العامة يرفض حمل المخالف والمشاكس حرصا على راحة الركاب الاخرين وغيره وغيره من الامثلة وفى هذا نرى ان الادمن له كل الحق فى عزل كل من يرى انه مفسد وضار فى هذا الاسفير من غير ان يكون ملزما بالايضاح لكل اعضاء المنتدى فردا فردا ويكفى فقط اعلام العضو المحزوف بجريرته وهذا يكفى وبقية الاعضاء ليس لهم الحق فى المطالبة بمعرفة الاسباب والا انها تبقى اما (شمارات) وهنا اسف لاستعمال هذه الكلمة او تحريض من العضو المبتور لاعضاء اخرين عبر اتصالات تلفونية او غيرها لا ثارة الامر ومحاولة هدم الصرح والمنتدى وخلق الفتن وهتك النسيج العائلى به وصرف البودراب عن الكتابة فى ما يفيد والتفاتهم فقط فى مشكلة راكب انزل من على مركب المنتدى لانه ارتكب جرم بقصد اغراق المركب وهنا بيت القصيد ويا ليت ان نساعد الادمن فى قيادة مركبه التى جمعت بيننا واوصرت صداقة جميلة بين الجميع وتعارف ثر بين اجيال مختلفة عمريا .
اخى ابو رائد ثق ان اختلاف الايدولوجيات لن تكون ابدا سبب فى الغاء عضوية احد بل سافه القول والخروج من ادبيات الحوار مع تحياتى للمؤتمرجية والشيوعية والاتحادية والامة والشعبيون والناصريون وغيرهم نتحاور نتبادل الاراء نتحض نعرى النظام نبرز ايجابياته سلبيا ته نختلف فى حبه او كره ولكن بعيدا عن فاحش القول بيننا نحن البودراب .

راشد محمد الجاك كتب:

أبو رائد كتب:

يا محمد .... صنفونا مؤتمرجية
يعني يا معانا يا ضدنا دا النظام نظام بوش ...... أو بعد شوية تحزف عضويتنا

ابورائد شنو حكاية تحذف العضوية دى ؟
انت شكلك سمعت كلام فى محل تانى وعايزو يتحقق باى صورة ولا تكون صدقت عذا الكلام !!!
منو القال انو اى مؤتمر وطنى بتحذف عضويتو ؟
هل فى قانون المنتدى مايفيد بذلك ؟
بالعكس انا من الناس الذين يؤيدون تواجد كل التيارات السياسية وضد مسالة الاقصاء ....
المشكلة فى الناس البدافع عن المؤتمر بهمة لاتفتر ... وتنفى انتماءها له ؟؟؟؟؟؟؟

الأخ الحبيب راشد ... تحياتي ....
كل آل نمر وخرومي او فروعنا في احيمر في الحصاحيصا أتحادي ديمقراطي او حزب امه واظنك تعرف ذلك جيداً ، وانا لم احضر في حياتي ركن نقاش ولا مؤتمر ولا ندوة للمؤتمر الموطني ... وكل النقاش الذي أقوم به والله العظيم من اجل السودان وعاوزين بلدنا تستقر والكل على علم السودان لو دورت فيه فتنة والله العظيم نلحق الصومال .
انا انسان معتدل بسال الله ليل نهار ربنا يكفينا شر الفتن ما ظهر منها وما بطن وأن يولي علينا خيارنا .