يا معتمد الحصاحيصا.. ألا توجد مساحة للحياء؟؟ ( هاك الصور دي )

دي ماشة في كبدتنا ياجاهورى ...
وهذه هي نتيجة تسلق الفاسدين والجاهلين لقمة هرم الخدمة المدنية ...
اثنين مليار ومائة وسبعون جنيه = 667000.000 مليون دولار امريكي
* كافية اما :
لاعادة اعمار مستشفي المدينة ( اعادة بنائه وتجهيزه بأحدث ما توصلت اليه الانظمة الطبية العالمية )
او :
اعادة تأهيل كل مدارس المحلية ( مع لابتوب لكل دارس).
او:
اعالة 50000 اسرة لمدة ثلاث سنوات .
او ( الحصاحيصا وبس )
كما يقول اصحاب النفرة .

وكان ما عجبكم معفية من الجمارك .

الكرة الان فى ملعبك اخى المعتمد
هدف الصحة من اغلى واجمل الاهداف
لا نتمناه فى الزمن الضائع

الاخ وليد
الكرة الان خارج الملعب ولاعادتها للملعب ، يلزم اكرر يلزم المعتمد بالاتي :
1/ تحديد حد ادني من الحوجة الحقيقة للسيارات الجديدة والاحتفاظ بها .
2/ اعلان دلالة عامة (معلنة) وبدون محسوبية وشغل ليل لاعادة بيع السيارات.
3/ استخدام قيمة بيع السيارات في استجلاب (ناقلات) اوساخ ومعدات حفر وتسوية للشوارع (الخريف المفاجأة قادم) .
4/ الاعلان عن هذا البرنامج التصحيحي .
((دعوة للتصحيح)))
نحن / مواطني/ مواطنات مدينة الحصاحيصا
بأسم الله والوطن وحق المواطنة :
نطالب المعتمد بأرجاع اموالنا (اموال ال20 سيارة) الي خزينة مدينتنا ونطالبه / ونأمره بتجديد (معدات واليات صحة البيئة) بالمدينة
وان كان له غير ذلك فليعلمنا صراحة و.................
لن نسكت /لن نسكت /لن نسكت /لن نسكت /لن نسكت /لن نسكت
فهذه الاموال اموالنا وليست اموال المعتمد او المؤتمر الوطني .

ياحمورى ازيك وكيف حالك.الترلا دى مقصودة يعنى بعد كم يوم كدة
حتلقاها فى الميزان بتتباع (الحديييييييييييييييييييييييييييد).

للبكاسي عدة فوائد :
- نقل الخضار.
- نقل الجثامين.
-نقل صناديق الاقتراع .
- بس الشاطر يوريني اهم فائدة لبكاسي محلية الحصاحيصا
او الهدف الحقيقي من توفيرها بهذا الكم .
( عشرين) ............................ سنة يا أنا .

والله امر يفطر الكبد
هي ناقصه عربات

اخ وصديق حملني هذة الرسالة لأنقلها لك ياوراق كما هي :ـــ
ياحسن والله طممت بطنا بالصور والحاجات القرف الكلو مرة ناشرها دي .....مرة سلخانة ومرة كمونية وام فتفت مفروشة في التراب ومرة كوشة خمسة نجوم في السوق واسي جايب لينا عربية الوسخ بــ كوشتا ياخي البلد مافيها حاجات حلوة وجميلة ... يعني كمرتك السجمانة دي ماشفات الفايكس المقصوص أفرو زي شعر (أنجيلا ديفد) ولا الازهار البتتلامع زي خدود (نانسي عجرم) قدام مكتب المعتمد ......
ياوراق يؤسفني اقول ليك انو مساحات الجمال جواك ضيقة والمسألة دي ماعايزة ليها (تصديق سياج عشان ادفعوك....)
بعدين انت صحفي مثقف ... وزي مافي ( منظرين) ـــ أيام مايو الأخيرة ــ تحدثوا عن فوائد الظلام .. شنو البمنع اكون للوسخ فوائد ومنافع واللا عشان ما حديد !!!

مشكله كبيرة لكن بصراحة لو المعتمد ماشاف التقريرده منو00000000يا اخى اقول لك الشكوى لغير الله مذله الله المستعان ولاحوله ولاقوة الا بالله

مساحات الجمال اضحت مفقوده داخل كل المقهورين فى هذا البلد حتى الصغار الذين يذهبوب للمدارس صباحا اما بدون قلم او بدون مصروف اوبدون كراسة او بدونهم جميعا مساحات الجمال لو حاولت ان ترسمها على وجهك تجميلا او محاولة للخروج من المرارات التى تحفك فجاءة تقتلها ارتال المتسولين بحكم الوضع يصطفون حولك فى كل شارة مرور والحاملين روشتاتهم فى كل ملف يبحثون عن مساهمة لشراء دواء والاف المرارت تفرض عليك التقاط الصور التى تعبر عن عمق مانعانيه