اتفضلو معانا

يا خليل كحيل ،،
مرارة مرة واحدة ،،
مبالغة عديل لكن ،،
لو كان الدنيا رمضان كنت بجي بعضيك ،،
بالغتة عديييييييل كدة ،،
هممم همم هممممم ،،
أنا شبعتا ولا شنو ،،


ركابي ،،

.. كحلة ياخى الواحد ينبزك بشنو ماعارف ؟ غايتو الله يعرس ليك
خليتنا نتمطق ... والعجب صداح كان شاف الصورة دى مع مصتوا لليمونة ببقى حاجة تانية خلاص ...
بالله طالبك صحن زى دا اول ما اجى ...........

يا خلييييييييييييييييييييييل بس بااااااااااااااالغته عديييييييييييييييييييل
جد انا لعابي وصل الارض ياخي دي عمليه تعمله الله يسامحك الله يسامحك

ياكحيل لكن مابالغت .... هسه لوفينا واحدة بتتوحم نجيب ليها مرارة كحيل دى من وين؟؟؟

يارحمة المشكلة مش المرارة........... بس هى ببلعوها بشنو-- ماورونا.............................................

والله ياحسن الخير باسط إتفاقية السلام الشامل خلت كل شئ فى السليم ( من المحلى والمستورد ) يعنى ماتخاف go ahead وسرك فى بير

لم استطيع الرد من الامس وانا ما قادر ادخل الموقع ...دي عملية تعملاههههههههههههههه..انت يا كحيل بدور أسألك سوال ..............مجرد سؤال ...انت خليت الافران وبقيت جزار وللا شنو؟؟؟وللا بقيت لحم وعيش

انت عارفة يا رحمة G Tالمرارة دي ما عاملاها مرة ............قولي لي ليه؟؟؟؟؟؟
عليك الله قولي لي ليه؟؟؟؟

ليييييييييييييييه

يا كحيل ... والله مرارة كاربة ، تعرف منذ يومين نفسى فى كِبد الابل ،
ورتبت مع صديقى من البراجيل ، فتفأجأت بمرارتك الشهية .. وا شرى
عليها !! ياكشيو دى ما محتاج هضامه !!! اختنا رحمة دى ما دايرة
مستورد ، بس ...

مرارتك دي موش قلبت المواجع

دي قلبت الصفحة زاتها بتاعة المنتدي

السطور ما قادرين نقراها

..........
الله يستر علي البتوحموا ..

الرجال يشيلوا شيلتم

الكبدة كتيرة يا .....زحمة عشان كدة ما عاملاها مرة
بالهنا والسرور

صحن المرارة ده من ورانا يا خليل عايزه تعويض يوم الخميس الجاى وكل ناس المنتدى معزومين

والله ياعاطف كلامك صاح المستورد مابقدر عليها دى فى المحلى عاوزة شئ خصوصى مصنوع ( جنب السكة حديد).

والله يا رحمة G.T
اتخيل لي انو الزول لو لاقاك هسع يلف ليهو غرطاس...
ويقول ليك قولي
(كح كح كح)
هههههههههههههه
كل الود

[center]يا جماعة في حاجة ما ملاحظين ليها..
(( العتي)) مدي الكبدة لمعان زي التقول (( بوليش )) بتاع الفورمايكا والفشفاش مدردق في شطه حمراء اصلية والبصلة حلاوية والكرشة دباسية والعملتها دنقلاوية وساكنا الحلة التحت والمرارة دي ياخليل كحيل دايرا ليها شربوت كارب اوعسلية رغوتا يمشي فيها السوسيو وما يغطس ويكون جنبك عنقريب مجلد بسيور قماش وزير اسود تريان ومندي ونقاعو يسوي التف نف تف نف.. وودابرق يتلفت زي بتاع الفلسكة ويلقط ليه بقة سريعة من النقاع ويطير في الشجرة ويكرر المشهد المرة دي بصحبة عشوشته والهمبريب يفتح شبابيك الحبيب وجزع شجرة دقن الباشا لا تستح تتمايل اغصانها طربانا مع انغام
ابوداوود:
الطابق البوخا
قام نداهو يهبهب
نام من الدوخا وايدو عاقباهو
الجدلة مملوخة
وبي معالق الجوف
موسو مجلوخة...
احي انا .. وانا وا ناري .. ملعون ابوكي مرارة تخلي الزول يفك آخرو[/center]

والله ياكحلي تقعد تباري لي المرارات والصاجات بتاعات اللحمة والسمك
بكرة نسمع خليل عندوا قاود (يربنا يحميك ويحمنا منه) بس ماتعذبنا كده
ياكحلي خاصة ونحن في الغربة ....
(ابومنصور)

شنو يا كحله الصحن ده ما وصلنا فى الشجرة يوم الجمعه

يا خليل كحيل تحياتى
شكلك كده فتشت المنتدى وطلعوا كلهم بتاعين طشه .

هو يارحمة الغنم المطلوقات ديل خلو ليهم كسره تبيت ... غايتو الا تزيدوها شوية رغيف....

خليل كحيل كتب:

[ندعوك للتسجيل في المنتدى أو التعريف بنفسك لمعاينة هذه الصورة]

بمناسبة اتفضلو معانا والاخ كحيل
وين مراراتك وين حكاياتك ....وينك انت يا الطال غيابك

عيدك سعيد ياخليل وينعاد عليك وانت عريس
المرارة رهيييييييييييييبة بس لخبتني نحنا في ياتو عيد
وكان عيد اللحم نمش نلم الخبيز ونزر الراجل ده
(مع تحيات الوالد وهو بقول ليك لو لقت المستورد تكون خدمات فندق خمسة نجوم)