لازال رئيس الهلال وبعض اعلامييه يتحدثون عن محاباة الاتحاد المحلي ورئيسه للمريخ
وكعادة الاعلام الازرق صاحب الذاكره المثقوبه فانهم نسوا كل ما قدمه لهم شداد
واعتبروه عدوهم الاول فقط لاصدار القرار ( مشاركة مجنس واحد في المباراة )
او ما يسمى بقضية سولي المستبعد من تشكيلة الهلال بقانون شداد ووفنيا بامر المدرب
وظلو مؤمنين بنظرية المؤامره فكل حدث يفسر بانه من اجل المريخ او ضد الهلال
ولكي يكون الزرق منصفين نريد في هذه المساحه تذكيرهم ببعض وليس كل
ما قام به شداد من اجل الهلال .
1- قضية الصلوي
والذي جيئ به على ان يسجل محترف وتم اكتشاف ان اللاعب قاصر
لذلك لايمكن تسجيله ورغم انف القانون تم تسجيل الصلوي
الذي لم يلعب للهلال الا في مباراة واحده امام فريق الخرطوم تلاته
(هلال لابس احمر )
2 ومشكلة قابيتو ومقولة مزمل الشهيره قابيتو يرجع بيتو
3- قودوين تم شطبه وتسجيله وهو في نيجيريا
4 – بيتر جيمس او اسرائيل صاحب الجنسيات والاسماء المتعدده
ذهب شداد ليحل المشكله مع الكاف لكن كان الحدث كبيرا اكبر من تدخل شداد)
5- كاس السودان
بعد انسحاب الهلال من البطوله المحليه داخل الخرطوم و التي يرعاها الاتحاد العام
عاقب الاتخاد العام الهلال واعتبر مهزوما في مباراته التاليه في كاس السودان
وتم اعلان ذلك القرار في الصحف .
وبعد ايام من المباراة النهائيه تم اعادة الهلال الى المنافسه وهنا اعترض المريخ
ولم يجد اعتراضه شي مع الاتحاد الازرق فكان ان انسحب المريخ من البطوله
وتوج الهلال داخل قاعة كير (مبنى الاتحاد القديم – شارع البلديه )
بكاس البطوله .
6- اعادة مباراة الهلال مع النيل الحصاحيصا مع ان الهلال يعتبر منسحبا
7- لجنة محمد الشيخ مدني التي قدمت الاستئناف نيابة عن الهلال
وقضية 2=12 كان شدو رئيس الاتحاد العام
يعني في التزوير برضو اداكم لزه
انصفو الراجل دا شويه والله ما قصر معاكم
موضوع: بعض ماقدمه شداد للهلال 
الخميس 18 يونيو 2009 - 4:27
