اتكاءة خميس ... مع النكات

نهاية اسبوع طويل محتاج فرفشة شوية ..... وشكرا كتير اخونا د. خالد عبدالقادر
-
حلفاوي عندو دكان جاهو واحد فلاتي وقام قال ليو : بالله أديينا كيت ( خيط) قريبي ما فهمو وبعد تعب شديدالفلاتي خش الدكان وشال الخيط . الحلفاوي زعل منو شديد وقال ليو : هريقة فيكم يا خي قبل ما يفكوكم في الشوارع ما حقو يألموكم الأربي يا شيخنا ده ما إسمو كيت ده إسمو هيت .. هييييييت! -----------------------------------------------------------------------------------------------------------------------
فى رباطابى عندو بقاله يفتح من الصباح لى المساء مايدخل البقاله بتاعتو ولا زبون الناس نصحوه يمشى لى الشيخ يقراء ليهو مشا جاب الشيخ قام الشيخ قرا ليهو سورة يس اليوم التانى على طول باع بى اتنين مليون فرح فرح شديدوقال لازم يدى الشيخ حاجه مشا للشيخ وقال ليهو يا مولانا بى بركاتك امس بعت بى اتنين مليون وهسا لازم اديك منهم اها داير كم قام الشيخ قال ليهو داير مليون على طول الرباطابى قال ليهو لى سورة يس القريتا دى من كلماتك .-----------------------------------------------------------------------------------

حلفاوي خش المسجد ووقف طوالي خلف الإمام . وبعد إقامة الصلاة الإمام عاين لي قريبي وقال ليو إستقم ، أرجع لي ورا ، تعال قدام ، تعال لي جاي . قريبي قال ليو : يا شيخنا إنت عايز تصلي بينا ولا عايز تشوت ليك بنلتي!!
---------------------------------------------------------------
---------------------------------------------------------------حلفاويه راكبه القطر قالو ليها لمن تصلى أبوحمد خشمك عندك ماتنضمى يقوموا يرزعوك بى كلمه ما تقدرى تبلعيها قالت ليهم سمح ياوليداتى قامت الحاجه دخلت فى نومه .... الساعه أربعه صباحاً القطر وقف فى محطه فتحت الشباك شافت ليها بت صغيره شايله شاى وتكورك شاى بى لبن... قالت ليها تعالى يابتى شايك ده بى لبن شنو؟... البت قالت ليها لبن عشر... الحاجه إستدركت قالت ليها سجمى دى أبوحمد؟.... البت قالت ليها لا دى أبوظبى

---------------------------------------------------------------
حلفاوي كان بيحضر في حفلة لمحمد وردي والدنيا برد شديدوالحلفاوي ما عايز يمشي ويخلي وردي وراه .وردي كان بيغني في أغنية" لو بهمسه" وكرر لو بهمسه عدة مرات أخونا زهج وقام قال ليهو :يامهمد وردي لو بهمسة أو بستة ...خلص خلينا نروّح !!!
---------------------------------------------------------------
شايقي راكب حمار شاف بت رباطابية حلوة شديد قال ليها: أول مرة اشوف رباطابية
حلوه كده.. قالت ليهو: و أنا اول مرة اشوف حمار طابقين..
---------------------------------------------------------------
شايقي مشى يسجل ولده في المدرسة قالوا ليهو: المدرسة بي خمسمائة ألف والبص بي تلاتين ألف!!قال ليهم: خلاص سجلوه لي في البص!!
---------------------------------------------------------------
شايقي فاتح بقالة جاهو واحد قال ليهو: اديني جبنة بي مية جنيه!! قال ليهو بي مية دي إلا كان اوزنها ليك بي ام شبتو (عنكبوت بعربى الجزيرة)!!)
---------------------------------------------------------------
شايقي بخيل حب يضرب باب بيتهم بهيه ضرب ضلفة وكتب علي التانيه نفس اللون..
---------------------------------------------------------------
امام شايقي في الركعه الاخيرة سمع واحد جاي يحصل الركعة سلم واقف..
---------------------------------------------------------------
تلاته شوايقه بخلاء مشو البحر واحد قالهم نغطس البيطلع قبل أخوانه يغدينا كلنا .التلاته ماتو
---------------------------------------------------------------
شايقى ضبح خروف عمل اللحمه شيه والراس شوربه والرجلين كوارع والجلد للصلاه ومخلفات المعده سماد للشجره والعظم طحنه علف للدواجن .....حتى بأأأأأأع عملها نغمه للموبايل ..
---------------------------------------------------------------
بتاع فرن شايقي !
جاهو شحادقال ليهو والله لي تلاتة يوم ما ضقت طعم العيش الشايقي قال ليهو ياهو ذاااااااااااااااااتو ما اتغير ---------------------------------------------------------
هندي أول مرة يحضر دفن جنازة في حلفا قام سأل الناس : انتو الزول هنا مابتحرقو مالكم؟.. واحد رد ليو قال ليهو أنحنا هنا الزول ندفنو بس بعدين الله براهو بيحرقو
--------------------------------------------------------------------------------------------------------------------
حلفاوي امام مسجد... يوم قالو ليهو فلان المغترب داك جاء وعمل مسجد جديد في الحلة وفرشو موكيت والخطبة بالساوند سيستم قام علق اعلان في مسجدو وكتب فيهو -- تخفيضات هائلة ابتداء من الغد ولمدة اسبوع صلاة الظهر والعصر والعشاء ركعتين ركعتين والفجر الساعة 8 الصباح------------------------------------------------------------------ حلفاوي صايم والشمس شديدة إتصل بناس الراديو وقامت المذيعة قالت ليو : مرحبا بك أخي الصايم في برنامج منتصف الظهيرة الرمضاني بالله عايز تسمع شنو؟؟ وتهديها لي منو ؟؟قال ليها : ممكن لو سمهتي مقطع من أذان المغرب ونهديهو لجميع الأهل بوادي هلفا؟ !!!!!!!!!!

يا راشد ,مالك ومال الحلفاويين ,بعدين بتاع الفرن حلفاوي ما شايقي

يا خليل اصلو الايام دى موسم التزوير.... عشان كدة ممكن بتاع الفرن يطلع شايقى-- وله هو قاصد الفاضل القيافة...........

خليل كحيل كتب:

يا راشد ,مالك ومال الحلفاويين ,بعدين بتاع الفرن حلفاوي ما شايقي

خيلو ياخى بقيناهو شايقى قلت لا هلفاوى وتقولى مالك ومالنا ؟؟؟؟
بعدين انت ماتجى جارى الا تسمع سيرة رغيف وفرن ودقيق ؟؟؟؟؟؟؟؟؟

راشد ياخي ما كتلتنا كتل عديل كده ... الشئ متخصص في الشوايقة .. والله هسع نقوم علي الغتاتة (البتعرفا)

ياراشد احم احم احم شنو يعنى شغال للشوايقة كدا
تسلم ياحبيب

.. نشكر الجميع على المرور الراقى .. واختيار الكلمات والالفاظ الجميلة جمال روحكم .. ولنجعلها دوحة مفتوحة للكل .. فقط نرجو منكم تخير الجديد والجميل !!!!

حسن وراق حسن كتب:

يا راشد الجاك!!
شكرا علي النكات الجميلة والتي شرقتني من الضحك !! بس
الشوايقة ديل مالك عليهم؟؟ المرة الجاية جيب لينا من نكات الرباطاب المسيخين!!
تسلم يا ابو منة

بالله هى جميلة ؟؟؟؟؟؟؟ كلك نظر وذوق ..
والله يا ابوعلى الشوايقة لو ماحبايبنا ما بنجيب نكات عليهم ...
نشوف الرباطاب مالوا ...

نكتة بعد الخميس :

واحد قاعد جنب زوجته قال لها
‏
أيام الدولة العباسية كان كل رجال له كُنيَه

مثلا: المعتصم بالله، المعتز بالله، المستعين بالله

بتتوقعي لو أيام العباسيين رجعت ثاني ، ماذا تكون كُنيَتي

ردت عليه بتلقائية:
منك لله

بت امها كتب:

نكتة بعد الخميس :

واحد قاعد جنب زوجته قال لها
‏
أيام الدولة العباسية كان كل رجال له كُنيَه

مثلا: المعتصم بالله، المعتز بالله، المستعين بالله

بتتوقعي لو أيام العباسيين رجعت ثاني ، ماذا تكون كُنيَتي

ردت عليه بتلقائية:
منك لله

اكيييييييييييييييييييييييييد شايقية !!!!!
حلوة بنت امها ...

حقيقى أمتعتنا الأخ راشد ... فى واحد قال لأصحابا إنو ممكن يصبوا ليه كباية شاى سادة حاااارة فى أضانو وما يتجرس الجماعة إتلموا وواحد كبى ليهو الشاى فى أضانو صاحبك قال وااااااااااى قالوا ليه مالك ؟ قال ليهم (مر ).

بت امها كتب:

راشد ياخي ما كتلتنا كتل عديل كده ... الشئ متخصص في الشوايقة .. والله هسع نقوم علي الغتاتة (البتعرفا)

انا معاك يا بت امها... اصلو راشد دا انا ح اعرف ليهو. بعدين ح يقول عدس

رحمهG.T كتب:

حقيقى أمتعتنا الأخ راشد ... فى واحد قال لأصحابا إنو ممكن يصبوا ليه كباية شاى سادة حاااارة فى أضانو وما يتجرس الجماعة إتلموا وواحد كبى ليهو الشاى فى أضانو صاحبك قال وااااااااااى قالوا ليه مالك ؟ قال ليهم (مر ).

اصلو ما معقول دا شاي و الا نبيذ؟

بت امها كتب:

نكتة بعد الخميس :

واحد قاعد جنب زوجته قال لها
‏
أيام الدولة العباسية كان كل رجال له كُنيَه

مثلا: المعتصم بالله، المعتز بالله، المستعين بالله

بتتوقعي لو أيام العباسيين رجعت ثاني ، ماذا تكون كُنيَتي

ردت عليه بتلقائية:
منك لله

تصدقي يا بت امها... من النكات ما هي جد فعلا؟

راشد الجاك شكرا علي هذا الحضور البهي...

خالد
http://www.hoa-politicalscene.com

التحية ليك ياراشد لقد ابهجتنا واخرجتنا من هموم الخنازير........... لكن رحمة بالغت دى فعلا اسبوع بحاله.... دحين يابت امها... دى ما انتى بتاعة الداهية.............................................................

بت امها كتب:

نكتة بعد الخميس :

واحد قاعد جنب زوجته قال لها
‏
أيام الدولة العباسية كان كل رجال له كُنيَه

مثلا: المعتصم بالله، المعتز بالله، المستعين بالله

بتتوقعي لو أيام العباسيين رجعت ثاني ، ماذا تكون كُنيَتي

ردت عليه بتلقائية:
منك لله

شايفك قبلتى على الرجال ...
واحد مربى ليهو بقر فى بيتو ... يوم التور قام هاج .. ولما فى المرة رررررب رماها ميتة ...
فى العزاء جاء واحد قريب الراجل .. لقى الصيوان مليان ناس لمن مدفق .. قال لقريبو الناس ديل كلهم جاين يعزوك ؟
قال ليهو ... لا جاين يشتروا التور ............
........................
المرة قالت لراجلها ناس الحلة ماشين لبكاء ادينى قروش .. الراجل زهجاااان منها قال ليها كان السما دا قريب مابديك قروش الليلة ...
بعد شوية الولد جا جارى لابو .. ابوى ...ابوى اللورى الشايل نسوان الحلة انقلب وجت عليهن ماتن ..... ابوه قال ليهو ان شاء الله امك تكون لقت ليها زول يدينا ......