نكات مساطيل

3مساطيل واحد بقرا في جريدة و2 ماسكين مسمار مقلوب بدقو فيه في الحيطة لمدة ساعة كاملة قام قال ليهم أنتو عارفين المسمار دا حق الحيطة المقابلة ليها

مسطول سالوه من السخانه في السودان قال سخانه شديده لو فتحت باب الشارع تلقي الشارع راتو قاعد في الضل

نايس

شكرا لاني ضحكت من الاعماق
وهل من مزيد

مسطوله بأيره مست السوق إشترت عطر رجالي ومست البيت أمها قالت ليه انتي جنيتي دا شنو الجبتيه دا قالت ليها يعني لأعرس لااشومه

مسطول سألوهو مين أهم الشمس أم القمر فقال القمر طبعا لانها بتطلع بالليل بتنور الدنيا أما الشمس فبتطلع بالنهار والدنيا أصلاَ منورة .


مسطول جاب لآمه عصفورين من عصافير الحب (النوع البيغني ) فواحد منهم علي طول بيغني والتاني ساكت ـ أمو سألتو يا ولدي ده مالو ساكت قال ليها ده المُلحن .

مسطول سألوه ما الفرق بين الدهشه والحيره قال الحيره يختوك في غرفه مدوره ويقولو ليك اقيف في الركن وسالوه طيب ما الدهشه قال انك تلقي الركن!

حلوين بالجد
واصلو الفرح

مسطول مشى لمحل كوارع وطلب كوارع طبعا.. قام صاحب المحل لفاها ليه في جريده.
صاحبنا فتح اللفه ولقى فيها تلاته رجول قام قال لصاحب المحل انت الخروف بتاعكم ده كان ركشه ولا شنو.
.................................................. ....................
مسطول جننتو باعوضة حمتو النوم الليل كلو بس في اضانو نينينين قعد ليها في نص السرير وبراحة طب قبضها ابي يكتلها خلاها بين يدينو وقعد يلولي فيها النوم النوم تعال سكت الجهال لمن الباعوضة نامت اول ماالشفت عرفها نامت دنقر في اضانها وكورك باعلي صوت نينينينينينينين.
.................................................. ........................
في واحده نفسها تعرس حلمت انها شايلة حمامة في يدها اليمين وكلب في يدها الشمال ضربت عشان يفسرو ليها الحلم طلع الرقم غلط
رد عليها مسطول قال ليها كان طرطي وكان هوهوتي عرس ليكي مافي.

Enas Adawi كتب:

مسطول مشى يعزي ، فقام اتأثر جدا من منظر الناس الكتار والصيوان والفاتحة والنسوان بتبكى
وهو طالع سأل أخو الميت :انتا ما في اى أمل الزول دا يرجع؟

حلوه ياايناس

مسطول شين شنه شديده إغترب بره السودان ولما خلاص كون نفسه ضرب لي امه عشان تخطب لي وآحده خاتيها في قلبو من قبل ما إغترب! مشت امه وخطبتها! المشكله الخايف منها أهل العروس قالو دآئرين صوره من العريس! المسطول رسل الصوره وكتب فيها (عسي أن تكرهو شئيا وهو خير لكم)

تلاتة مساطيل قاعدين تحت العمارة واحد سمح والتاني عادي والتالت بشع
جات طالعة لهم واحدة كسارة من البلكونة واشرت علهم
الاول قال لها انا؟ قالت له لأ
التاني قال لها انا؟ قالت له لأ
التالت قال لها انا؟ قالت له ايوة
... البشع فرع وطلع جري لها دق باب الشقة لقى معها شافع ببكي
قالت له تسكت ولا اديك لعمو البعاتي ده
ههههههههههههههه

مسطول بخيل بعد أمو خرفت وداها دار العجزة أها في مرة كدة فكر يمشي يجيبا
فجاة بعد وصل لقي مكتوب في الباب "إدفع"
قال في نفسو:
.
.
... .
.
.
.
اوووف خلوها تقعد قبلها

هاهاهاهاهاهاها

واحدة دخلت المستشفى ولقت الدكتور مسطول قالت ليهو : الحقني يا دكتور ولدي بلع 10 قروش وخايفه يموت قال ليها ما تخافي يا حاجه في ناس بتبلع ملايين ولسه عايشة ..!!!
الكلام ليكم يا ........

مسطول حراامى عندو بغبغاء كل مايجي يدخل البيت وشايل قروش
البغبغاء يكورك الحرامي جا الحرامي جا الحرامي جا
المسطول قال للبغبغاء كان قلت كدا تاني بخلي المرا تعملك شوربه
يوم المسطول دخل البيت ومعاهو كمية من شوالات القروش
دخل الشوال الاول وبعاين لي البغبغاء
... البغبغاء قال ليهو عادي دي ماهيتك
دخل الشوال التاني
البغبغاء عادي دي بدلاتك
دخل الشوال التالت
البغبغاء عادي دي حوافزك
دخل الشوال الرابع
البغبغاء كورك بي طول صوتو يا مرا سخني الموية في النار
الحرامي جا الحرامي جا الحرامي جا

مسطول اتصل على الخطوط الجويه وسألهم :
بكم حلاقة الشعر واللحيه .. عندكم ؟؟
رد عليه الموظف وقاله :
ياأخوي انت وين متصل ،، يا حبيبي الرقم غلط
رد المسطول : انتو مش سودانير
... رد عليهو الموظف : ايوا نعم
رد المسطول ... ... طيب،،،، انتوا خاتين إعلان فى الجريدة

((حلق معنا بارخص الاسعار ))

ميكانيكي في نفس الوقت مسطول ابوهو مات الجماعه شايلين الجنازه طالعين العالي
واحد سأل المسطول قاليه : أسمع أبوك ده مالو تقيييل كده
?
??
???
... >>>>قاليهو مات معشق