نكت ع الماشي ..

نكت ع الماشى ..
___________
كتابة:رضا الهجرسي
1
من وحى الثورة
-بعد الثورة ..لما الولية تنكد علية وتفترى ..أدخل أودتي ..وأقفل على نفسى ..وأقعد أكتب فى يفط ..وأخرج وأهتف ..الشعب يريد أسقاط النظام.. ..والزوج يريد تغيير المدام ..
لما متعبرنيش..وتطنش ولا كأنها شيفاني وسمعاني...أعمل أية ..أة فكرة ..
أجيب ملاية وأنصب خيمة فى وسط الصالة وأعتصم ..لا تعرف تروح ولا تيجى فى الشقة ..فتسلم ..وتقعد تبوس في راسي وتصالحني..
ما أحنا بقينا خبرة مع الصنف المفترى والديكتاتورى دة ..
- مرة تانية عملتها وأفترت وزعلتنى ..دخلت أودتى وأحضرت اليفط والملاية ..خرجت لقيتها ..ماسكة مقشة فى أيد ومنفضة السجاجيد فى الأيد التانية ..ونظرات الغدر فى عينيها ..
فتراجعت بظهرى الى غرفتى.. وأنا أهتف من تلافيف قلبى...
سلمية...سلمية ...سلمية...
____________________________
2


- واحد دخل السجن ..السجان قالة أخترلك ..طريقة تعذيب ..بص للى بيتعذبوا ..لقى فيفى عبدة فى حضن
حسنى مبارك ...صرخ وهو فرحان ..وقال ..أيوة أنا عايز أتعذب ذى ..حسنى مبارك
رد علية السجان ...بس دة تعذيب لفيفى عبدة ..مش حسنى مبارك
___________________________________

3
كنت فى النادى ..ودخلت الحمام ..ولقيت واحد فى الحمام اللى جنبى..بيقول ..أزيك ..
سكت ومردتش علية ...رجع تانى ..وقال ..أنا مش بقولك أزيك ..رد علية يا أخى..
قلت لة ..كويس تمام ..
قالى ..أية أخبارك ..
قلت لة ..كويس ..
قالى لى ..أنت لوحدك
ضحكت وقلت لة ..طبعا لوحدى ..
قال لى ..طب أنا جايلك .
قلت لة ..تيجى فين يا عم أنت ..
قال ..طب أقفل دلوقتى يا أحمد ..عشان فية واحد حمار فى الحمام اللى جنبى ..فاكرنى بكلمة..

____________________________________________________________________

4

أزواج وزوجات
___________
الزوجة: السواق الجديد دة ..لازم ترفدة ..
الزوج : لية يا حبيبتي ..عمل أية ..
الزوجة : دة كان حيموتني ..مرتين ..
الزوج : طب نديلة ..فرصة تالتة يا حبيبتي ..

..........................................................

بعد ثلاثون سنة زواج..جلس الزوجان جلسة شاعرية
يحتفلون بعيد زواجهم ..
الزوجة:فاكر يا حبيبي يوم جوازنا ..وليلة دخلتنا.
الزوج : ياااة يا حبيبتي ..هية الكوابيس دي لسة بتجيلك

............................................................
خرج طبيب الولادة من غرفة التوليد وهو يبتسم للزوج ..ويقول
أحنا أضطرينا نضحي ..بالأم والجنين ..عشان أنت تعيش وتتهني ..
.....................................................................................
في جنازة زوجها ..أخذت تولول ..وتصرخ بحرقة ..
يا سبعي ..يا جملي ..يا حماري ..
يالاهوووووووووووووووووووووووووووووتي ..
حاولت صديقتها تهدئتها ..فقالت لها ..
- أنتي متعرفيش ..أن البكا ع الميت حرام ...
وبيعذبة في قبرة ...
ردت عليها بحرقة وغيظ ..
- عارفة يا ختي ...
وعشان كدة ..هفضل العمركلة ..
أبكي ونوح علية ....
.......................................................................
في عيد زواجهما العاشر ..
جلس الزوجان علي ضوء الشموع ..
وفي همس ورومانسية ..
هي : معاك ..عرفت معني ..الحب ..
هو : وأنا معاكي ..عرفت معني ..الفقر ..
.......................................................................

حلوة يا هجرسى ...
اديك العافية .....

راشد محمد الجاك كتب:

حلوة يا هجرسى ...
اديك العافية .....

أشكرك يا صديقي ..راشد علي روحك الحلوة ومرورك الجميل ..

ههههههههههههههههههههههههههههههههههههههههههههههههه بجد حلوة كاتب رائع وكوميديان رهيب

الصادق المغربى كتب:

شكر استاذ رضى
على هذه الطرائف والنكات
ودمت
المغربى

السيد الفاضل ..الصادق المهدي ..
شكرا علي مرورك الكريم ..وأرجو أن أكون قد أدخلت بعض البهجه علي قلبك ..