مرجومة ،، يا خيل الغبــاش

المسافة البين سكوتك والكلام
هي المسافة الواضحة فيك
المسافة البين هطولك والغمام
واقفة بيني وبين وشيك
وأنا برضوا واقف ومـُشتهيك
قبل ما أشوفك تمام
أرحل عليك ،، ومنـّك أجيك
أجيك مفرود بالسلام
وإنتي بين مـرّات تقيفي ومـرّات مشيك
يا مـُبهمة
أطلس تـُرابك والغـُبار
ونجمتك ساعات قريبة
أنا بس مصنقع للسما
فوقي ضد شوفك جدار
خيل جنودك والتتار
تكبر هناك الهمهمة
ممنوع وصولك والوضوح
ختيت سروج الملحمة
فتحت خشمي عشان أبوح
حبسوني شان المنضمة
بقي بيني بين شوفك صروح
اّهات حنيني ملجـّمة
تطلع معاها الروح
مرجومة يا خيل الغباش
مرعوبة
مرعوبة من ريحة دُعاش
الطينة ،، والرحم الولود
ساعة الرشاش
مرجومة يا خيل الغباش
فكرة الخلق الولود
الباقي في نظرك طشاش
عشان عقيمة بتجرحي رحـم الوجود
مرجومة
مرجومة يا جـُند الغباش
البتسرق في الحنين
شان ما يبين

مـــغ :-

مغارب يا جمه في زمن الرشاش
‏ الغيمة تسأل وين الهطول
‏ الرعود تصرخ تقول
‏ شوقنا شوق الريح لل
شراع
‏ امين ياجميل
‏ وييين بلدك