وصية ام لابنتها ليلة زفافها

قالت أم لابنتها ليلة زفافها وهي تودعها ..



أي بنيّــة ..

إنك قد فارقت بيتك ..

الذي منه خرجت ..

ووكرك الذي فيه نشأت ..

إلى وكر لم تألفيه ..

وقرين لم تعرفيه ..

فكوني له أمة ..

يكن لك عبدا ..

واحفظي له عشر خصال ..

يكن لك ذخرا ..

أما الأولى والثانية ..

فالصحبة بالقناعة والمعاشرة بحسن السمع والطاعة ..



أما الثالثة و الرابعة..

فالتعهد لموقع عينيه ..

و التفقد لموضع أنفه ..

فلا تقع عيناه منك على قبيح

و لا يشمن منك إلا أطيب ريح

و الكحل أحسن الحسن الموصوف

و الماء والصابون أطيب الطيب المعروف



و أما الخامسة والسادسة..

فالتفقد لوقت طعامه ..

و الهدوء عند منامه ..

فإن حرارة الجوع ملهبة ..

وتنغيص النوم مكربة ..



و أما السابعة و الثامنة..

فالعناية ببيته وماله ..

و الرعاية لنفسه وعياله ..



أما التاسعة والعاشرة ..

فلا تعصين له أمرا

و لا تفشين له سرا ..



فإنك أن عصيت أمره أو غرت صدره

و إن أفشيت سره لم تأمني غدره ..



ثم بعد ذلك .. إياك والفرح حين اكتئابه

و الاكتئاب حين فرحه ..

فإن الأولى من التقصير

و الثانية من التكدير ..



و أشد ما تكونين له إعظاما ..

أشد ما يكون لك إكراما ..



و لن تصلي إلى ذلك

حتى تؤثري رضاه على رضاكي ..

و هواه على هواكي ..

فيما أحببت أو كرهت ..



و الله يصنع لك الخير



واستودعتك الله



للأمانه منقول

يا أخي سركيس هذه { أم } ظريفة جداً
ويبدو أنها { دقة } قديمة
لكن بالغت في حكاية المال دي
يعني مرات توفر ليك فريشات شوية
وتقول تختها تحت المخدة لليوم الأسود
فياتيك اليوم الأسود يمشي على قدمين
تقول ليك { دق } لينا ذهب
وتحتار انت تدق ليها الذهب والقريشات يروحن في خبر كان
أم تمشي وانت غضبان اسفاً عشان { تدق سيد الدهب }
او تجيك مناسبة وطامة غريبة
فتقضي على اليابس والأخضر
حليل ياخوي زمن النسوان البوصوهن
وحليل زمن التوفير
يبدو لي بعد عشرة سنوات إن لم يكن هذا حادث الآن ستوصي الأم ابنها
ياولدي اعمل حسابك ماتدقك مرتك
ياولدي طيعها واسمع كلامها وغسل ليها كرعيها
ياولدي هي تتكلم وانت تسمع
ياولدي ماتجيني نص الليالي وتقول لي مرتي طردتني
خليك هين ولين !!!!

ابوحراز شكرا على المرور الجميل
انشاء الله ما يجى الزمن البتوصى فيه الام ولدها
دى ام مثالية يا ابوحراز

على يا سركيس يا ابن الخالة سيدة المراة الفاضلة
المراة فى بلادى اقرب كثيراً الى الاخلاص والمحافظة على زوجها وبيتها
لكن المشكلة فى الرجال - توصية الابناء اهم
مبروك المولود
تحياتى للناس كلهم

بس يا عشى ما تكون الوصية للابناء ذى وصية ابو حراز دى يا ولدى طيعها وسمع كلامها وغسل ليها كرعيها
يا ولدى هى تتكلم وانت اسمع
ولاشنو يا عشى اوعى تكون .....

العشي بالله عليك ماتخرب لينا الصف
عاوز { تنفزر } من هسي ؟
أول شيء تم ليك شهر
شايفك خايف من { الجندر } وتتراجف كمن سقط في جبال الايسكيمو

ياعلى شكرا على الموضوع .. لكن بينى وبينك الرجال بتوصو ..الراس ماناشف لكن برضو هن انشف مننا!!!!
لكن بشيش بشيش على العشى ياجماعه .. هو لسع من المؤلفه قلوبهم ..

و الله يا علي سركيس دي نسيبه تمام ما بتلقى لي واحده زيها

سركيس الامهات الزي دي لسه فيهن باقي بس الانقرضو البنات البيسمعو الوصيه دي وكان سمعوها بيخالفوها اعزرهم اعمل ليو كده علشان يطلع لي في راسي او انا عبده ليو والكثير بس ربك يعين الجايين وره دكسو

و يا ابو حراز العشي الظاهر وقع وبيرقد لي نفسو بس انبرش بدري شديد ولا كيف

وليد العشي كتب:

على يا سركيس يا ابن الخالة سيدة المراة الفاضلة
المراة فى بلادى اقرب كثيراً الى الاخلاص والمحافظة على زوجها وبيتها
لكن المشكلة فى الرجال - توصية الابناء اهم
مبروك المولود
تحياتى للناس كلهم

ده كلام شنو يا عشى
الاعتراف سيد الادله

والله يا ابو حراز صاحبك وليد ده يا ضبحو لي الكديسة يا شرب العصير

***
مبروك المولود يا ابو علوى يربى في عزنا كلنا انشاءالله

شكرا للاخوان بكرى والحسينى وعمار وصلاح وديسكو على المرور
يا اخوانا ربنا يستر على العشى وربنا يكضب الشينة
شكرا يا دسكو على التبريكات يسلم يا غالى