على كل الاخوه احضار شهاده حياة وإلا ............ !!!!!!!؟؟؟؟؟؟؟

صادفت أحد الاخوة وهو يلهث اكثر من تلاتة أيام مرة يمشى لى رئيس اللجنة الشعبية ومرة لى ناس الجمعية الخيرية للمعاشيين ومرة للوحدة الادارية ومن مكتب لى مكتب . سألته مالك قال ناس المعاشات قالوا لينا كان ماجبتو شهادة حياة ما ح تصرفوا معا شاتكم ولالمشتركين فى الجمعية ح يصرفوا سكر رمضان . مفادة الشهادة أنه تشهد اللجنة الشعبية بحى كده أنو فلان ده على قيد الحياة ؟
الشىء البعرفوا أنا انه شهادة الوفاء بطلعها طبيب والميلاد برضو المستشفى ؟ يعنى ناس اللجنة الشعبية بقوا غمسيون طبى ؟ قلت أنا كان طلبوا شهادتى بقول انت ميت ما حى ؟ ياخى زول عندو بطاقة فيها صورتو واسمه تانى التلتلة شنو . وقول الواحد قدم الشهادة دى ومشى مات بعد ساعة ح يحصل شنو ؟ الجدير بالذكر أنه معاش الواحد يساوى تمن 3 كيلو ضان طبعا الكيلو اليوم 30 ضأن وبقرى 20
فى الحصاحيصا .

الأخ صلاح عثمان (زميل أولي عمر وتانية عثمان ، الحصاحيصا القديمة في زمن راح وعدي ):
تحيات طيبات وأنت تنتقل بسلام من نيران شباب المجاهدين في مقديشو إلي نيران المعاشيين في السودان .
وبعد ،،،،،،،،،،
الأقرار السنوي للمعاشيين هو مُمارسة مُطبقة في كل الدنيا ، حيث بواسطته يتم التأكد من أن المعاش يتم صرفه للمعاشي أو للمستحقين عنه منعاً لظاهرة صرف المعاشات لغير المُستحقين لها ، تفتقت عبقرية أجهزة المعاشات في السودان علي ضرورة جلب ما سميته أنت (شهادة حياة ) بواسطة اللجنة الشعبية بوصفها الأقرب إدارياً للمعاشي حيث يُمكنها الشهادة بأن المعاشي حيٌ يرزق وبالتالي يستمر صرف المعاش له أو للمستحقين عنه .
أتفق معك بخصوص ضآلة المعاش الذي لايقيم الأود ، والأمة التي لاتُكَرِم معاشييها لاخير فيها .

الاخ الفاضل صداح وراق لك التحية . وانت تسوق الذكريات عبر الزمن الجميل حقو الواحد ينزل ليك صورة كلاسيك ربما جمعت ادريس الصول والرشيد حبيب وقراهام مارشال . لو وافق الرشيد
بالنسبة للبوست كلامك صح لكن حقو يسموه كما ذكرت اقرار مش
شهادة أنا فقط قارنتها بشهادة الوفاة . عشان كده شفت الاسم غريب
تشكر ..

الاخ المنصورى لك التحية : اتخيل انك تجى للصرف يقولوليك كدى اول حاجة اثبت لنا انك حى ترزق ما دى بطاقتى وصورتى ؟ وانا واقف
الاقرار مطلوب لكن ما يكون شهادة حياة مع الشكر للمداخلة