صوره بنت رحمه G.T

والله يا boss ماقايلاكم وصلتوالمرحلة دى من من الشمار كنتو تكلمونى انزل ليكم الصورة واضحة بدل تقعدوا تقضموا فى اظافركم ثلاتة شهور عموما جبرت بالمناسبة التانية برضه بتى.. اما ناس الطشاش ( إنت عارفهم وانا عارفاهم والله عارفهم ) خليها بينا عشان ما نحطم روحهم المعنوية ..... اتصلى بعمار تلودى ( انت قايله الطوارئ ولا الاسعاف ؟؟ ماتدينى رقمه ولا اضرب 999.. خالص الود

والله انا قايلو زول مهم بالحيل!!!!!

يا دكتور سلام
عايزين نعرف الناس الدايرين مكبرات عشان يشوفو الصور
حدد انا ماعارفعم يا رحمة لكن الله عالم بيهم
عشان كده اكشفوا عنهم
ياربى حسن وراق معاهم

والله يادكتور قصتك قصه ... قصدك زى منو يعنى

[]ياتلودى الموضوع ده حيشق الصف لونحنا فتحناه خاصة ونحن بنمر بمرحلة حرجة من تاريخ المنتدى لذا يجب ان لا نفتى فى هذه المسألة ( خليها بعد الإنتخابات ) خاصة وان الإضطرابات التى صاحبت عملية التزوير من مبارك لازالت ترمى بظلالها على المنتدى .. خارج النص (حأتصل عليك بعدين حسب توجيهات ال boss]

يارحمه يوم لمة الخرطوم جيبى العيال عشان نعرفك بيهم

انتى ماشايفه اليومين ديل المنتدى هادى كيف .. ناس لاهاى مشو زمان وبعد بكره النطق بالحكم .. وين الجمل

رحمهG.T كتب:

[]ياتلودى الموضوع ده حيشق الصف لونحنا فتحناه خاصة ونحن بنمر بمرحلة حرجة من تاريخ المنتدى لذا يجب ان لا نفتى فى هذه المسألة ( خليها بعد الإنتخابات ) خاصة وان الإضطرابات التى صاحبت عملية التزوير من مبارك لازالت ترمى بظلالها على المنتدى .. خارج النص (حأتصل عليك بعدين حسب توجيهات ال boss]

...............
ياربى معانا ولا مع الخيانه ...... البطل فى الفلم الهندى بعد مايشبع دق بنتصر فى النهايه ويلم حبيبتو عليهو ... الجماعه ديل ( خيلهم يبلوا الحكم بتاعم ويشربوا مويتو ) زى ماقال صاحبنا ..

بكرى عثمان حمد كتب:

انتى ماشايفه اليومين ديل المنتدى هادى كيف .. ناس لاهاى مشو زمان وبعد بكره النطق بالحكم .. وين الجمل

................
مسيرة الحق والعدل والجمال سوف تستمر يادكتورنا ... والحكم ( المعروف نتيجتو مسبقا) لن ينال فى عزيمتنا فى بلوغ غاياتنا نحو الاهداف الجماليه العليا ( ولا نامت اعين اوكامبو)

حاضر يافايزة انا موافقة بسانتو اتحملوا النتائج وخليك متذكرة انتو القلتو لى

فايزه السيد كتب:

يارحمه يوم لمة الخرطوم جيبى العيال عشان نعرفك بيهم

تتجازي يا فايزة....ههههههههههههههههههه
والله يا رحمة انت سويتيها ظاهرة....
طوالي شابكانا ...يا في المواصلات يا حلتك عايزة تحرق يا بتشتري ليك في كتاب في السوق العربي
يا مشاكلة ليك( بلف).....بلف دا يا اخوانا الكمساري,,, للفرد؟ الفاتت عليهم لغة الراندوق ..وطبعا في ناس حا تسال الراندووق دا شنو؟
الراندوق دا كلام اولاد البلد الحقهم رايح .....وممكن تقولو الراح..
نرجع لي جدعات فايزة
اها يا رحمة يا أختي...
انطبق عليك قول هاشم اب زيد
ضلك وراك ما بشبهك ......ولدك معاك ما بتعرفو....
لكن اختنا فايزة ما قصرت معاك ...انت بس تجي بدري يوم لمة الحصاحيصا ....وما تقومي تنسي
اليوم داك وتطيري ليك شكلة مع بتاع الليف....
وما تشوفي شر يا رحمة انشاء الله انت وواولادك ....واولادك اولادنا