والله بالغت يا البشير

أمس وبصحبة الصديق الحبيب صهيب السماني حلمان جمعتني وجبة غداء مع أخونا عمر

البشير والله يا إخوانا ما شاءا لله وعيني باردة الراجل ده لباع لبع وعزة الله في ملكـه قش

الأكل الجنبنه كله وأتحجج قال هو بحب البامية المطبوخة . المهم في النهــــاية ملحوا لينا

كسرة بالويكة .... والويكة فيها فِرد لحمة انقروا ما ضايرها علي اليمين شالها بجاي قمت

من النوم زي المجنون ودي الصحيه الياها ........ كده فسروا لينا الكلام ده لو عندكم لأيه

تفسير أو تعليق . الناس زعلانه علي انفصال الجنوب وأنا زعلان في المضايرة الحصلت

امس دي ..والله بالغت يا البشير .

مضايرة البشير الأمس دي ذكرتني نكتة المصريين

قالوا واحد زعلان منهم قال ليهم يا المصريين والله

أنتو تأكلوا مال النبي ... رد لأيه المصري قال لأيه

ومالو ياعم مش حبيبنا

انشاء الله الاكلو البشير في حلم المنصوري انفعو اها لي حلمتك دي البامية لو كانت مفروكة في الحلم بتعني الخضار يعني البلد كلها ح تقوم زراعة ومشروع الجزيرة ارجع شباب اخيل لي بس انت ما ركزت في حلمك ( كانت مفروكة ) اها اللحمة دي تعني بان البلد ح تزدهر بالثروة الحيوانية يعني بشارة خير كتير للسودان السوداني حلمتك دي يالمنصورة بشارة خير (نحسب ) انك من الاتقياء الاتقياء اها نحسب دي كيف عجبتك ... تحياتي منصوري

مصعب بخيت كتب:: انشاء الله الاكلو البشير في حلم المنصوري انفعو اها لي حلمتك دي البامية لو كانت مفروكة في الحلم بتعني الخضار يعني البلد كلها ح تقوم زراعة ومشروع الجزيرة ارجع شباب اخيل لي بس انت ما ركزت في حلمك ( كانت مفروكة ) اها اللحمة دي تعني بان البلد ح تزدهر بالثروة الحيوانية يعني بشارة خير كتير للسودان السوداني حلمتك دي يالمنصورة بشارة خير (نحسب ) انك من الاتقياء الاتقياء اها نحسب دي كيف عجبتك ... تحياتي منصوري

مصعب اخوى انتا بالطريقة دى مرقتنا شمار فى مرقة !!!!!
يعنى الخير الجاينا دا كلو .... يلقفوا البشير برااااهو ويضايرو زى حوش بانقا مقاطعة كافورى ؟؟؟؟؟؟؟؟؟
المنصورى اعتبرو كابوس سااااااى .....

والله يامنصوري البشير ما بالغ ... بالغت انت ... الشئ كنت متعشي تور ولاشنو ؟
اما عن تفسير الحلم فاقول لك طبقا لمعرفتي المتواضعة جدا بمثل هذه الامور انه يجب توصيف مارايته بالمنام بالتفصيل المريح فمثلا حبة البامية المطبوخة طويلة ولا قصيرة واللحمة ضأن ولا بقر وبعظم ولا بدون عظم والاهم من دة لما كنت بتاكلوا كان في كدايس لافة جنبكم ولا مافي ، بعدين الاهم من ذلك هل قام البشير بعجن بقية الملاح مع الكسرة بنهاية الصحن ولا لا .
منصوري الاخيرة دي اهم شئ : عجنها ولا ماعجنها .

والله يا المنصوري : انا ضحكت في الدنيا دي جنس ضحك قههههههههههههههههه
ومع انو انا طولت ما حلمت بس تفسير حلمك دا انو الكان معاك في الغداء دا ما البشير دا بيكون الرشيد ..................

يا ود منسوري هلمك ده هلم خير بإذن الله تآآآلى ... قول مأأأي كيف ؟
بشير ده بإذن الله تآآآلى ... هو مطلوب من آآداله حق أمم متهده ... لانو آمايل هقو ما كويس ....

نرجع لهلم حقك :
باميه في الهلم معناتو غرب السودان ... اذا باميه طويل معناتو هو هايموت في الجنينه وماهولها ... اما اذا بامية سغيروني معناتو هو هايموت في الفاشر وإمكن كردفان .... واللهمه الهو اكلو ده معناتو لغم ... احمدالله انك ماأكلتو انته ولا ساهبك سهيب ... لانو هابنفجر في شخسس اكلو .... إذا لهمه ده اأكلو وهوو لهم أأبل معناتو هايموت في هذا سنة ..... وإذا هو لهم بقر إصبر لسنة جأي ... المصيبه إذا هو لهم ضأأن؟ ..

قول مأأأي ليييه؟
لأنو هايتألج ويرجع تأأأني يهكم السودان ...

اه هؤ أأكل لهم شينو ؟؟؟ قوول مأأي !!!

--------
الترجمة :
مافي داعي أبكر كلامو واضح ........

شكرآ يا شباب علي المداخلات وعلي التفاسير

غايتو يامصعب ما عندك تفسير بتعريفة ياشيخنـــا البشير قشة

الصينية شرق وغرب وتقول لي بامية مفروكة وثروة حيوانية

ياراشد أنت مصعب ده ما صاحبك وعارفه كويس واكيد أنت

عارف قاصد شنو وعايز اصل لشنو ولا أنا غلطان ؟؟؟؟

ياحموري والله قدر ما أقراء مداخلتك دي أضحك وهو صاحبك

ده أنت قائله خلانا نشوف طويلة ولا قصيرة يمين عجنهــا عجن

ولخاها لخ غايتو كأن أكل حق اليتامي خليناه لربه ( أنا يتيم والله ) .

يامتوكل أنا غايتو الرشيد ما بكلمه بس أنت شيل شيلتك معــــــــاه

أمجد والله النصيحة اللهمة بالشوف ما اظنهـــــا تتعرف ياشيحنا

بس علي ما اعتقد أنها ضاااااااااااان ومعني كده الرماد كال حماد

وهو يـاصاحبي أنا لو عاقل بتابع سهيب ده يــاخي ده اوديك البحر

أجيبك عطشان وأغديك مع البشير أقومك جيعـــــان برضو تقول

لي ساهبك

.

المنصوري كتب

شكرآ يا شباب علي المداخلات وعلي التفاسير

غايتو يامصعب ما عندك تفسير بتعريفة ياشيخنـــا البشير قشة

الصينية شرق وغرب وتقول لي بامية مفروكة وثروة حيوانية

ياراشد أنت مصعب ده ما صاحبك وعارفه كويس واكيد أنت

عارف قاصد شنو وعايز اصل لشنو ولا أنا غلطان ؟؟؟؟

كدي هسة راشد دا خلي انت مالك اتوجست كدا ؟
ياخوي البست ردينا على من قبيل المزح لا كتر لكن هذا الزمن البوستات الوعرة زمن التوجس والظن مصعب انت بتعرفو اكتر من راشد كدي افصح اكتر عشان نفهم بس ...

يا منصوري سلامات
اسمع آآآخوي إن بقي شفت البشير برااهو ما معاهو عبد الرحيم ..............
(ابقي دي ادقاث احلام ساااااااي )
واستعيذ بالله من الشيطان البشير (ونوم نومك )

سعدية احمد حاج التوم كتب:: يا منصوري سلامات
اسمع آآآخوي إن بقي شفت البشير برااهو ما معاهو عبد الرحيم ..............
(ابقي دي ادقاث احلام ساااااااي )
واستعيذ بالله من الشيطان البشير (ونوم نومك )

يا سعدية القال ليك( حيمو )ما معاهو منو نان الجهز( الاكلة ) منو ما هو زاتو ,الويكة جاب فيها فرد لحيمة وهو نام بالباقى من الطبخة وده طبعوا مستر 90% .
ويا المنصورى تفسيرا لك أنت الشعب الما بتلقى حاجة فى الجمهورية الثانية ( واحسن تكرب عضلك وعاش المشعل).
(اضغاث احلام قال !!!!) عازة قومى كفاك نومى

سلامات يامنصوري ياعزيز
والبشير قلت لي قشة الصنية
ووداد زوجته سمعنا انها قشت السودان كلو
وكمان كل والوزراء وعضاء المؤتمر الوطني شغالين قش شديد
والله البشير مسكين اذا وقف علي صنيتك يامنصوري

لكل الأحباب المتداخلين تحيه

يامصعب والله ما توجس وأعلم جيدآ أن كل البوست لم يخرج

من إطار المزح وكان جيت للجد صدقت بعرفك أكتر من جوع

بطني السببه لي البشير هههههههههههه

يا سعدية والله ما ركزت كويس بس العارفه ومتذكره تمام

أنه الصحاني من النوم المضايرة والمكاوشة الحصلت قدامي دي

يابدر حكاية منو الجهز الاكلة دي ذكرتني قصة مع أخونا

جقدول لأمن كان معانا في السعودية ودي بحكيها ليك في الخاص

لزوم السترة عشان ما أقوم اكشف حالنا كمان وانت عارف لسانه

كمال الجمل يازول انت وين قاطع خبرك غائب من جميع

المنابر أن شاءالله خير . عليك الله شفت الظلم ده كان صاحيين

ولا نائمين ظالمننا وما كليين حقنا

إن الْمُلُوكَ إِذَا دَخَلُوا قَرْيَةً أَفْسَدُوهَا وَجَعَلُوا أَعِزَّةَ أَهْلِهَا أَذِلَّةً وَكَذَلِكَ يَفْعَلُونَ صدق الله العظيم
الأخ المنصوري لك التحية
حسب معرفتي المتواضعة إن تفسير ما حصل لك في المنام من حلم حول رؤية الحاكم الظالم نوع من كفارة للذنوب وخاصة إذا كان الحاكم هو البشير، وأكله لكل الطعام دلالة على جشع هذا الحاكم ، وأكله اللحمة الوحيدة هي أن الكل أكل لحمنا من فعلة فصل الجنوب،
أما حكاية الكسرة والويكة يعني هؤلاء القوم سوف يظلوا يحكومنا ويصيروا لواييق زي الويكة

عبدالمنعم ترتورة كتب:: إن الْمُلُوكَ إِذَا دَخَلُوا قَرْيَةً أَفْسَدُوهَا وَجَعَلُوا أَعِزَّةَ أَهْلِهَا أَذِلَّةً وَكَذَلِكَ يَفْعَلُونَ صدق الله العظيم
الأخ المنصوري لك التحية
حسب معرفتي المتواضعة إن تفسير ما حصل لك في المنام من حلم حول رؤية الحاكم الظالم نوع من كفارة للذنوب وخاصة إذا كان الحاكم هو البشير، وأكله لكل الطعام دلالة على جشع هذا الحاكم ، وأكله اللحمة الوحيدة هي أن الكل أكل لحمنا من فعلة فصل الجنوب،
أما حكاية الكسرة والويكة يعني هؤلاء القوم سوف يظلوا يحكومنا ويصيروا لواييق ذي الويكة

شكرآ علي المداخلة

وفعلآ اصحابك لوائق أكتر من الويكة ومكنكشين فيهـــا كنكشة شديدة

بدون شماتة وحاشا لله أن نشمت في مسلم _ اللحمة الضايرها مني

البشير في النوم عملت لايه وجع حلق نسأل الله له الشفاء _ غــــايتو

عينكم عين السواد والرماد - حسع البشير ده كان ضروري اكفكف يدين

جلابيته وارزع الصينية كلها ما كفاية عليه غداء الجمعة المدنكل بصحبة

أقاربه البنشوفهم معاه كل جمعة في جامع النور ديل !!!

المنصوري ما تكتر المحلبية.. الوليمة في الحلم تفسر بالنهب.. وأجمل أصناف الوليمة هي أكبر هبرة منهوبة.. والمضايرة تعني نهب تحت تحت.. والتفسير للأكل الكثير بأنه يحب البامية معناها أنه يحب كل أنواع اللهط عدا البامية(لأنها رخيصة) وظهورها في الحلم ينفي وجود حبها في الواقع.. وغياب بقية أصناف الدنيا فومها وعدسها وبصلها وأراضيها والفلل الرئاسية والأراضي الزراعية والحوالات الخارجية وكل نعيم الدنيا هو الواقع.. فاللهطة كبيرة تم لهطها.. وتم نهبها.. والله أعلم.. المرجع ابن سيرين الجندي.

» البشير وكيل هلال في العرس يقبض هلال وكيل البشير في الضرب !! طيب جايبنو هنا لي شنو ؟؟ "صورة"
» بالغت في حق نسرين
» انت يا صابر وعند الله جزاك /لكن ما بالغت يادكتور /اتاريك كنت ماسحنا / مظاهرات مع وقف التنفيذ / مقلب السنين
» مع تقديرنا لأحلام مستغانمي لكن كمان يا غازي سليمان بالغت كيف قدرت "تفرز" بين الجيهة والجبهة !! "صور"
» ماتت "كديسته" فعمل منها " طائرة هيلوكوبتر" الصور وفديو الطيران عشان ناس "بالغت"