البشير وكيل هلال في العرس يقبض هلال وكيل البشير في الضرب !! طيب جايبنو هنا لي شنو ؟؟ "صورة"

حبوبتن لينا تعبت في آخر أياما عليها الرحمة
نقلوها المستشفى بعد العِشا في حالة أقرب للموت
بالفعل ومع طلوع الشمس سلمت الروح لبارئها
رسلو وفد إلى البيت برئاسة ود ولدا للمضايرة
وهناك مافي غير الأطفال حارسين البيوت
أول ما وصلو البيت نزل واحد يفتح الباب
بالترباس الفوق من الداخل
إنتبهت إحدى الصغيرات وصاحت "دا منو دا ؟؟"
في الوقت داك الباب إتفتح
والراجل لقى نفسه في مواجهة الطفلة
سألتو ببراءة :
"مالكن في شنو تفتحو في البيبان من صباح الرحمن ؟؟"
أجابها "حبوبتك دي ماتت وجايبنها بعد شوية"
قالت ليهو "جايبنها هنا لي شنو ؟؟ "
"ما تودوها المقابر وتدفنوها "
أها أسي الجماعة يكوركو
جايبين هلال جايبين هلال
أنا واحد من الناس
لو بلعب فيهو جورج ويا ما بشتغل بيهو
داك الليلة ما عقد لي بتو ؟؟
عزمنا ؟؟؟؟
ولا كشكر لينا ساي ؟؟
العرس السلم فيهو بتو "العروس" لوكيل إدريس دبي
ورقصت مع البشير على أنغام ندى القلعة وحتوو قرض
وركبت طيارتا فاتت البوصفا ما معروف
خلو خشومنا ملح ملح
لا وكمان يقال بانو قبض ال 26 مليون دولار
وشتت فات
وخاف مشى "مستريحة" ؟؟
مشى محل الإستراحة البصح بالصح
قرب يسوق مستريحة ذاتا
أها المرة دي لا في ندى القلعة ولا هاجر كباشي
القلع وفي أماكن مغلقة لمن تقول ياحفيظ
على كل حال
إنت ياهلال البشير وكيلك
لكن نحن وكيلنا الله
ونعم الوكيل

» العرس العرس وين كروت الدعوه
» على طريقة "دار أخوك كان خربت" عبد الله حسن البشير وزوجته اللواء شرطة نور الهدى يخطبان ود "الإستئثار الذُراعي" ((صورة ووثائق))
» وكيل عريف (شرطة ) يضرب ويعتقل وزير دولة بالداخلية
» صورة من عندنا والتعليق من عندكم (اوع كمان تلحقوها صورة فصل الدين عن الدولة )
» الحصاحيصا لاتعرف الاسرار..مسئول سمسار يقبض 30 مليون عمولة