مرحباً بمُصعب الحاج في دوت كوم

شرفتنا يا مصعب ، الدار نَورت .

مصعب؟؟؟؟؟؟؟؟؟؟؟؟؟؟؟؟؟؟؟؟؟
وين ياصداح؟

اقتباس :

من طرف ايمان الحاج في الثلاثاء يوليو 12, 2011 10:55 am

مصعب؟؟؟؟؟؟؟؟؟؟؟؟؟؟؟؟؟؟؟؟؟
وين ياصداح؟

يا إيمان صباح الخير
مُصعب سجل وبقي عضو ،وكل ما يسجل بنرحب بيهو ، عايزنو يظهر ويبان علي الشاشة ، يا مُصعب الترحيب ده بالمناسبة للمرة التانية ! وياخ يدنا وجعتنا من الترحيب بيك كل مرة !

أها يا إيمان الحاج مُصعب ظهر في الأعضاء المتواجدين ، وزي ماقال المحبوب (براك أوباما تهابش)؟؟

اعزرو ياصداح مصعب كبر ودائماً في حالة ناسي الباسوورد وفائزه السيد تعبت معاهو

واين انت يا رجل من دوت كوم لا يا ايمان مصعب ما كبر ان شاء الله يكون عنصر اساسى
فـــــــــــــــــــــــــــــــــــــى دوت كـــــــــــــــــــــــــــوم
تحية طبية مبارك من عند الله

مصعب الحاج ويييييييييييييينك مشتاقييييييين وطولت الغيبة تحياتى

صديقي مرحب بيك مره واتنين وثلاثه

مرحب بالأخ مصعب ولك التحية ونتمنى أن يتم التواصل

مرحب بيك يامصعب
وزى ما قال اخونا الرشيد
مرحب بيك مرة ومرتين وتلاتة
اهلا بيك
تحياتى
المغربى

تحباتى يا مصعب
الدار دارك

شنو بعنى يا مصعب تبخل علينا برد التحية حتى

اخوتى بدوت كوم سلامات ووالله خجلت عديل انا قايل الأخوان نسونا لكن ما تنفرد به الحصاحيصا ظهر وبان والله العظيم انا ما هرمت براى يا ورقة وبعدين الصور المنشورة على البوست دى ما تغشكم والله ديكور وكمثال اخى ترتورة صورته بتاعة الثانوى يعنى قبل كم سنه مع تحيه خاصة للشبل صداح الذى تعب معاى كما تعب معى استاذى رحمه الله علية فاروق فى بداية سنين الدراسة علشان كدى يا وراق سيك سيك مصعب معلق فيكم آل وراق مع تحياتى لرفيق حب الأهلى محمد ورقة وانشاء الله بقى ياكل اما صديقى الحبوب المحبوب فتحايا خاصة تحية ام فتفت والبمبار وخلى الشمار

ياخي طلتك بتشبهك
ماخدة من طبعك بهاك
نمتك
رميتك
كلمتك
حسنك غناك
ياتو سكة دي الجابتنا ليك
في حضرتك
تتفضل نخشك
نستأذنك في رجعتك
نتحكر نضم
ننهل نشيل من ضحكتك
من صفاك من بهجتك

البقية في العدد القادم
عندك أي تعقيب قبل ما نواصل ؟؟

اخى وصديقى ورفيق دربى زمن بنك الادخار واكل البمبار ضرب الزمن علينا وهرمنا وكمان خرمنا لحاجات كتيرة كا قال اخى ورقة لكن يالحبوب انا ما قايل الزمن يطلع لينا الحاجات الحلوة ولكن رحم المعاناة تولد الابداع فهنيئا لنا بطلتكم وما تبخل علينا مع تحايا خاصة لاخى صداح وراق

حبيبنا الغالي مصعب الحبيب
تنسمت دعاش طلتك حين قرأت كتاباتك الشفيفه الحبيبه الي النفس
وتحديت بها ان تفرقنا الايام حتي وان حكمت علينا بأن تكون في بلد ونحن في بلد اخر
فتواصل معي ومن يحبك من احبابك بكل مااوتيت من قوة وسيلة تواصل
لك محبتي دوما وابدا
وقرب تعال ماتبتعد

مصعب كمان دائر تشبكنا في حسن وراق ؟؟
هوي دا في الموقع هنا بتكلم ساي
خائفين بي جيتك دي يقوم ينداح فاهمني ولا أشرح