ود أب زهانة جاء ماري بهنا !؟

(حريات)

كشف وزير المالية بولاية القضارف، معتصم هارون، عن استيراد (5) آلاف رأس من البقر من إثيوبيا لتركيز أسعار لحوم الأبقار التي قفزت من (18) جنيهاً إلى (24) جنيهاً للكيلو.

وقال الوزير لـصحيفة (الأهرام اليوم) إن الوزارة شرعت في ذبح (60) رأساً من البقر يومياً وتوزيعها بأسعار التركيز (18) جنيهاً للكيلو بالتنسيق مع وزارة الثروة الحيوانية بالولاية .

الجدير بالذكر ان عمر البشير – على طريقة ود أب زهانة – تبرع بـ (5) آلاف رأس من الأبقار لمصر من مزرعتي والي الخرطوم عبد الرحمن الخضر ووزير الزراعة عبد الحليم المتعافي .

التعليق :

ياتو يا أخوانا البرة الشبكة أنا ولا وزير المالية بتاع القضارف ولا السيد رئيس جمهورية السودان ؟ بعدين لو عايز تهدي للمصريين حاجة ياخ ما تهدي ليهم طمي المَالي المواسير بتاعة الموية دي والبتفتقدها جمهورية مصر العربية منذ إنشاء السد العالي ! وعشان بدل ما تجيب المصريين يزرعوا أرضنا ، نودي ليهم أرضنا يزرعوها هناك !!!!!!!!!!!!!! أرض ديليفري .

ود أب زهانة ده منو ؟

ود ابزهانة زول فقران جدا جدا وكسول جداً جداً وهو صاحب المقولة الشهيرة تجري جري الوحوش غير رزقك ما بتحوش، لكن فنجري فنجرة شديدة.... قيل والله اعلم انو كان عندو سديري....ولا يملك من متاع الدنيا دي غير السديري دا.... كان يستحم ويلبس السديري بس......ويمرق ويمشي القهوة وهو لابس السديري بس ،.... خلو بالكم من بس دي...ويسقي في ناس القهوة في الشاي علي حسابو ..... اها عليكم الله في فنجرة تاني بعد كدي؟

يا صداح ياخوى انا سمعت بيه عندو كرفتة بس بيلبسا ويحوم فى الشارع ويكرم الناس...

تُشكري أم راما علي المرور .
ود أبوزهانة هو -حسب مايُروي - هو مُعاصر للشيخ فرح ود تكتوك وهو في نفس الوقت المُغاير القيمي له ،بمعني أن الشيخ فرح معروف بالحكمة وقيم الصدق والإيثار وود أبوزهانة يُعرف بمثلما أوردنا أعلاه ، وعليه فأن حكاية الكرفتة دي بتكون صعبة شوية بالنسبة لود أبوزهانة الأصلي ، لكن أولاد أبوزهانات المعاصرين ديل تلقي عندهم كرفتات وقصور وأحواض سباحة وهلُم سرقا !!!

القصه بقت زى واحد عندو سروال
عاوز يعملو جلابيه

يا صداح ، رايك شنو ود ابوزهانة الانقاذى المشير ابلجها
على الكمبارس الانقاذى _اقصد_ نواب المجلس ب 15
مليون لزوم مويه رمضان و هدوم العيد !!
ورمضان كريم

المنسدح محمد المنسدح والشهير بود ابزهانة نسبة لابوه الذي اقترن اسمه ببنته زهانة.. عاش في زمن السلطنة الزرقاء وعايش زمن فرح وتكتوك والذي ارتبط بالخمول والكسل والراحات والبلعة النضيفة واطلاق الامثلة التي تحض علي الكسل حتي رسم عليه الناس حكاويهم كقولهم ان ودازهانة ياكل في الفندق وينام في الجامع ودابزهانة تعدي الاسم الي ظواهر عدم الاهتمام مثل عدم اهتمام بالجوعي في البلد وكيلو الشرموط بفي 30 تقوم تدي جارك الغنيان هدية 5 الف تور بحجة انهم ما بحلبوا لبن والله تمنح 360 نائب كل واحد 15 الف جنيه فنكهة يعني مبلغ 540 مليون جنيه كانت وفرت سكر رمضان لفقراء البلد
كلما جاء ذكر ودابزهانة تقافز الي الذهن ودازهانة الصغير ( راشد عاطف محمد الجاك ابوشمة ) ذلك الطفل العجيب ذو الشخصية المميزة منذ ان كان طفلا يافعا يكره الالتزام وله مواقف طريفة مع اشقاءه محمد وفتاح الذان يكبرانه باعوام .. يمتلكوا عجلة واحدة يتناوبون علي قيادتها الا انه لا يعرف ركوب العجلة ويصر ان ياخذ فرصته بقيادة العجلة سيرا علي اقدامه وعندما قال له جده ابوشمة ان العجلة بركبوا فيها ما بقودوها زي كدا .. ضحك ود ابزهانة الصغير وقال لابوشمة .. يابابا جدو ، عمو بابكر رملي اصلو ما بركب عجلتو!!
في احدي الاعياد الاضحية اعتاد عاطف ان ياتي قبل يومين من العيد ومعه الخروف وينبه علي الاولاد رعايته بتوفير المياه والاكل وتحويله من مكان لآخر وقسم الاطفال الواجب بينهم ولان ود ابزهانة لا يطيق مثل هذه الاعمال قال لي ابوه : يا بابا ما تضبح الخروف دا اسع وتريحنا منو !
ودابزهانة الصغي اسم متداول اخفي اسم راشد وعند حضوره من جياد تشتعل حي العمدة ويموج الشارع بالحياة في حي مات حتي من الشعور بالحركة

» انتخبوا ودا اب زهانة
» جيت ماري بالسلخانة ..سكوني بالجبخانة "هيق" .. لو المعتمدية نصيحة الضبحة في روتانا ..