قبل وبعد الزواج ..مسلسل رمضاني ..للتواصل

قبل ..وبعد ..الزواج
.......................... فكرة رضا الهجرسي

كل عام وأهل المنتدي جميعا بألف خير وصحة وأبداع ..
هذه فكرة رمضانية ..وهذا الشهر الكريم يتميز بجانب روحانياتة بالمسلسلات الدرامية والكوميدية ..ففكرت لماذا
لا يكون لنا مسلسلنا الخاص في الركن ويشارك فية جميع مبدعي المنتدي من مبدعات ومبدعين أدباء وشعراء ..كلا
يكتب بطريقتة ..سواء دراما ..أو كوميدي ..أو شعرا ..
والفكرة ببساطة شديدة ..
ماذا كنتي تفعلي أو كنت تفعل لشريكة أو شريك حياتك ...قبل الزواج ..
ثم ماذا تفعل أو تفعلي لشريك أو شريكة حياتك .............بعد الزواج..
وهذا بالطبع في قالب ..شعري.. أو درامي مأساوي ..أو كوميدي ....أو ساخر ..

وسأكون أنا البادئ ...
الحلقة الأولي ..

قبل الزواج
...............

قبل الزواج يكون المرء محترقا .............علي التي يهواها قلبه علقا
تراة ينفق أموالا قضي زمنا..........من الجبين عليها يسكب العرقا
ويهجر الأهل والأحباب أجمعهم .......لكي يكون بها في الحب ملتصقا
لو أنها سألته حاجة لجري .........كالسيل مندفقا والسهم منطلقا
يشري لها كل ما تهواة من تحف.......يشري الأساوروالأطواق والحلقا

بعد الزواج
..............

حتي أذا وهبته قلبها فغدا ............زوجا لها وعلي صدق الولا إتفقا
قلت محبته للحال وإنقلبت ............ بغضا ولم يبق من ذكر لما سبقا
أقل حادثة منها تهيجه ............. حتي أذا عارضت قولا له حنقا
يغيب عن بيته ليلا فيتركها..............وحيدة فتقاسي وحدة وشقا
حتي أذا سألته أين كان أبي ..............رد الجواب عليها والعصا أمتشقا
.......................................................................................

في أنتظار تواصلكم ..في الحلقة الثانية ..وطوال شهر رمضان الكريم ..ويصبح للمنتدي
مسلسله الرمضاني الخاص به ..
وكل عام وأنتم جميعا بخير ..

.....................................................................................

الحلقة الثانية
..................
قبل الزواج
............. يا سلام علي رومانسيته ورقته ..مفيش مرة ييجي يزورنا ألا وهو حاضن بوكية الورد ..
ومخبي جواب غرامي ملهلب لونه وردي في البوكية..
واقعد أحط وردة وردة وأنا بشمها في قصرية الورد ..
وأحلم بأيامنا الجميلة بعد الجواز اللي كلها ورد ورومانسية ..
بعد الزواج
.............. الراجل الأهبل هيجنني برومانسيتة العبيطة دي ..بعد ما أجوزنا وخلفنا ..
ألاقية داخل علية المطبخ وهوحاضن بوكية الورد ..
اللي ميقلش تمنة عن ميت جنية ..ومسبلي في عينه ..وهو بيتنهد ويتشنف..
ألطم علي خدي وصوت بعلو حسي ..
- وطبعا نسيت يا شملول تجيب البصل اللي موصياك عليه عشان الطبيخ ..
- ما أنا يا حبيبتي لقيت الفلوس معايا متكفيش ..يا اشتري بصل ..يا اشتري ورد ..
بصراحة ومخبيش عليكوا ..لبسته حلة الطبيخ ..وأتفشيت ...
...............................................................................

الحلقة الثالثة
.................
قبل الزواج
.............. يا سلام علي رقتها وذوقها لما كانت تيجي تزورنا ..وأول ما تشوف أمي
تجري عليها وتبوس أيدها ..ولا أمي وأستقبالها ليها بالأحضان والبوس والترحيب ..
كنت ببقي سعيد جدا والدنيا مش سيعاني م الفرحة ..
وكان الأمل في المستقبل السعيد لحياتنا الزوجية القادمة عندما
أري هذا الحب الكبير بين حبيبتي وأم أولادي وبين أمي حماتها القادمة ..

بعد الزواج
............. كانت تسمع بس سيرتها تيجي علي لساني ..تصرخ بعلو صوتها ..
- عايزة منك أية الولية دي ..آآآآة.. ما أنت بتاع أمك ..وبتخاف منها ..وماشي وراها..
- يا ستي أمي متجبش سيرتك ألا بكل خير والله ..وعازمانا ع العشا ..
- عشا أية يا أبو عشا أنت ..أنت بتخيل عليك حركات السهوكة بتاعتها دى ..دى لو طالت
تسمني هتسمني ..روح أنت لأمك ..يا بتاع أمك ..وأوعي لسانك يغلط و تقولها ..مراتي بتسلم عليكي..
وألا هخليها ليلة سودة عليك ....وعلي أمك ..
.....................................................................................................................

رضا الهجرسى كتب:

الحلقة الثالثة
.................
قبل الزواج
.............. يا سلام علي رقتها وذوقها لما كانت تيجي تزورنا ..وأول ما تشوف أمي
تجري عليها وتبوس أيدها ..ولا أمي وأستقبالها ليها بالأحضان والبوس والترحيب ..
كنت ببقي سعيد جدا والدنيا مش سيعاني م الفرحة ..
وكان الأمل في المستقبل السعيد لحياتنا الزوجية القادمة عندما
أري هذا الحب الكبير بين حبيبتي وأم أولادي وبين أمي حماتها القادمة ..

بعد الزواج
............. كانت تسمع بس سيرتها تيجي علي لساني ..تصرخ بعلو صوتها ..
- عايزة منك أية الولية دي ..آآآآة.. ما أنت بتاع أمك ..وبتخاف منها ..وماشي وراها..
- يا ستي أمي متجبش سيرتك ألا بكل خير والله ..وعازمانا ع العشا ..
- عشا أية يا أبو عشا أنت ..أنت بتخيل عليك حركات السهوكة بتاعتها دى ..دى لو طالت
تسمني هتسمني ..روح أنت لأمك ..يا بتاع أمك ..وأوعي لسانك يغلط و تقولها ..مراتي بتسلم عليكي..
وألا هخليها ليلة سودة عليك ....وعلي أمك ..
.....................................................................................................................

يا رضا ... والله بالضحك عطشت ... وجعت .. مبااااااالغة يا رضا ...


وقــ المغارب ــت :-

مغارب كتب:

رضا الهجرسى كتب:

الحلقة الثالثة
.................
قبل الزواج
.............. يا سلام علي رقتها وذوقها لما كانت تيجي تزورنا ..وأول ما تشوف أمي
تجري عليها وتبوس أيدها ..ولا أمي وأستقبالها ليها بالأحضان والبوس والترحيب ..
كنت ببقي سعيد جدا والدنيا مش سيعاني م الفرحة ..
وكان الأمل في المستقبل السعيد لحياتنا الزوجية القادمة عندما
أري هذا الحب الكبير بين حبيبتي وأم أولادي وبين أمي حماتها القادمة ..

بعد الزواج
............. كانت تسمع بس سيرتها تيجي علي لساني ..تصرخ بعلو صوتها ..
- عايزة منك أية الولية دي ..آآآآة.. ما أنت بتاع أمك ..وبتخاف منها ..وماشي وراها..
- يا ستي أمي متجبش سيرتك ألا بكل خير والله ..وعازمانا ع العشا ..
- عشا أية يا أبو عشا أنت ..أنت بتخيل عليك حركات السهوكة بتاعتها دى ..دى لو طالت
تسمني هتسمني ..روح أنت لأمك ..يا بتاع أمك ..وأوعي لسانك يغلط و تقولها ..مراتي بتسلم عليكي..
وألا هخليها ليلة سودة عليك ....وعلي أمك ..
.....................................................................................................................

يا رضا ... والله بالضحك عطشت ... وجعت .. مبااااااالغة يا رضا ...


وقــ المغارب ــت :-

الصديق العزيز ..مغارب ..
كل عام وأنت بخير ..يسعدني دائما مرورك ..ههههههههههههههه وطبعا هناك مبالغة ..

الحلقة الرابعة

قبل الزواج
.............. أحنا الأسكندرانية الحبيبة ..وفي أيام الخطوبة ..كان يخدني عند بير مسعود في سيدي بشر ..ونرمي في
في البير فلوس فضة وكل واحد مننا يتمني أمنية ..وأنا برمي الفلوس... كانت رجلي هتتزحلق وأقع في
البير ..رمي نفسة علية وشدني وكان هيقع في البير ..ووشة أصفر م الخضة علية ..وعرفت ساعتها..
هوبيحبني قد أية ..ومستعد يضحي بحياته عشاني ..
بعد الزواج
............. بعد مرور سنة علي جوازنا ..ومكناش لسة خلفنا ..لقيت أمي وأمه وهو ..حطين بوزهم في بوز بعض
وقاعدين يوشوشوه ..عشان أنا مسمعش ..وعرفت بعدين أنهم كانوا بيفطموه علي حكاية الخلفة ..
وأني لازم أتخض خضة جامدة عشان العقدة تتحل وأخلف ..وعاديكوا ع اللي حصل ..أأقوم م النوم وولع
النور ألاقية لابسلي وش عفريت ..ويصرخ في وشي ..وفي منتهي البرود يسألني ..أتخضيتي يا حبيبتي
يلبد لي تحت بير السلم في الضلمة ..ويصوت ذي العفاريت ..وببرود يجنن يسألني ..أتخضيتي يا حبيبتي
لما زعلت منه وخاصمته ..صمم يصالحني وياخدني عند بير مسعود ذي أيام خطوبتنا ..فرحت أقوي ..
الندل الجبان فضل يسمعني أحلي كلام رومانسي سمعتة منه في حياتي ..
وفجأة راح شايلني ورميني في البير ..وفي عز ما أنا بصرخ وبعافر الموج ..سمعه صوته وهو بيصرخ ..
أتخضيتي يا حبيبتي ..

الحلقة الخامسة

عقد الفل
............
قبل الزواج
............. ياةةةةةةةةة علي أيام الخطوبة.. كانت أحلي أيام عمري ..كان ياخدني في عربيته المهكعة واللي كانت في
نظري خنزيرة أو رولزرويس ..ويطلع ع الكورنيش ..ومفيش أشارة نقف فيها ..ويشوف بياعين الفل
إلا ما يفضل يشاور ليهم ..ويشتريلي عقد فل ..مكانش يفوت أشارة واحدة حتي لو أضطر ينزل م العربيه
ويوقف الأشارة ..عشان يشتريلي ..عقد الفل ..
بعد الزواج
............. حسيت بخنقة وطلبت منه ياخدني في عربيته الخنزيرة ..ويوديني ع الكورنيش اللي شاف أحلي أيام حبنا
أيام الخطوبة وعقد الفل ..اللي مشفتوش ولا شميت ريحتة من ساعة جوازنا ..
وفي أول أشارة مرور وقفنا فيها..طلعت له من تحت الأرض بياعة الفل وحطت عقد الفل قدام وشة ..
-فل يا بيه ..ربنا يخليلك الموزة ..
رد الندل الجبان عليها ببرود وهو ينطر يدها بأرف ..
- دي مش الموزة يا ختي ..دي المدام ..

الحلقة السابعة..
ليلة الدخلة
...............
قبل الزواج
..............
قالولى ده وحيد أمه وبيسمع كلامها فى الصغيرة قبل الكبيرة ..
وذى ما بيقولوها بالبلدى كده ..بتاع أمه ..ضحكت بثقة وتحدى..
وقلت لهم ..الكلام قبل الجواز ..أتفرجوا عليه بعد ليلة الدخلة ..هخلية ذى الخاتم فى صباعى ..ميسمعش غير كلامى أنا وبس ..


بعد الزواج
............. وجت ليلة الدخلة وإتكتب الكتاب..والرقاصة قامت تزفنا ..ودول
ماسكين فى أدين بعض ..الرقاصة زفتنا أحنا التلاتة ..دخلنا الشقة ..سحبته
على جنب وقعدت توشوشه ..وهو يهز راسه ويقول ..حاضر يا مامى ..
حاضر يا مامى ..قلت يا بت فوتى لما تستفردى بيه ..وتبدأى خطتك لتغييرة
أمه خرجت واتقفل علينا باب الشقة ..وده لا على حامى ولا على بارد ..
رايح جى ..رايح جى ..ويضرب كف بكف ..ويقول ..ودى أجيبها منين دى
دلوقتى يا مامى ..وهوب جرى برة الشقة ذى المجنون ..ساعة أتنين قول
تلاتة مرجعش ..رن جرس التليفون ولقيت الظابط بيقولى ..أذا مرحتش
وإستلمته ..هيرحله على مستشفى المجانين ..جريت على القسم ذى ما أنا
بفستان الفرح ..لقيت حالته بالبلا ..هدومه مقطعة ..وشه مخربش ..
جرى عليه وهو بيعيط ويقول ..خليهم يسيبوهالى ..سألته بذهول ..هيه أيه
دى اللى يسيبوهالك ..وكنت هتشل لما رد عليه وهو بيتشحتف وينهنه ..
-القطة ..أصل مامى قالت لى ..لازم أدبح لك قطة قبل ما أدخل عليكى ..
.................................................. ...........................................

حلوة حكاية القطة يا رضا ، تسلم

صداح فاروق وراق كتب:

حلوة حكاية القطة يا رضا ، تسلم

الصديق الفاضل ..صداح فاروق ..
مس عارف عندكوا حكاية القطة دى ..فى مصر ينصحوا العريس ..( أدبح لها القطة فى ليلة الدخلة تمشى فى طوعك وتسمع كلامك ..وتخاف منك طول العمر ) ..هههههههههههه ..
سعدت بمرورك الكريم ..