يوميات صايم ( اليوم الرابع)

الحمد الله الذى هدانا للايمان ........اللهم نسألك العفو والعافية فى الدين والدنيا والاخرة ......ونسألك اللهم ثبات الاجر ..
..........................................................................................................................................................
ياااااااااااااااااا اهلى واخوانى واحبابى دخلنا اليوم الرابع من الشهر الفضيل .......نعمل شنو وعندى اليوم ابتدأ.لو انتظرتكم بيكون قريب نهايتو..........وبكون ساهرت كتييييييييييييييييييييييييير..........
مدخل :: -
فى كل صباح يا اولادى اتعلمو حاجة جديدة ........ولكن الجديد شديد ......المقصود هنا الاستفادة وزيادة المعلومة .......بس واقع الحال ان الاولاد يتعلمون الذل والفقر والحرمااااان والكذب والنفاق .وكل الخصال السيئة ......فالحرمان يولد كل هذة الاشياء ويربيها فيهم .....
مدخل تانى ::
عندى جارتى هنا خلصو وراجعين السودان ......جاء ولدها الصغير ذو الثلاث سنوات وهو يبكى ورافض حتى ذكر السودان وماعايز ي
مشى ؟؟؟سألوهو ليه ؟؟؟؟قال ليها مافى شوكلاتة ولا فراولة ولا قطارات ؟؟؟طيب انت منو القال ليك كدة .....قال اولاد خالتو فى السودان فى مثل عمره قالو ليه ما تجى السودان ..وبعد داك قال هو مش بعيد ياماما؟؟؟؟؟؟؟؟
,,اللهم نسأله الصبر وازالة البلاء’’’

والله ياراما ناس نيالا لسع ما فطروا وانتي داخلا اليوم الرابع ؟
والله بطريقتك دي رمضان بيخلص في اسبوع !!

يام راما نحنا يادوووووووب جاين من التراويح وريقنا دا مابلينا زي الناس بالابري والموية انتو صمتو

ولك السلام

يأم راما رمضان كريم ،،

توقيتكم بتاع الشرق الأدني ده ما بنقدر عليهو ، ونحنا بتوقيت الشرق الأوسط لسه ما دخلنا في اليوم الرابع

الاعزاء ورقة ودالاهلية وصداح........نعمل شنو ؟ظانتو نايمين نحن صايمين يعنى اليوم هو زاتو .......بدون نقيصة ......علشان كدة مرات بدخل النت كتيييييييييييييييير وبتكون الاخبار والمواضييع ما فيها تغيييييييييير بسبب الوقت ......زالله غالب...........عقدتونا عدييييييييييل .هسى انا بكتب ومنتظرة الصبح بعد دقايق .......تقبل الله منا ومنكم صالح الاعمال

ام راما عندنا ليك حل جميل أفطري يوم وصومي معانا باقي الأيام

واهو تكوني كمان عيدتي معانا ....... دي طبعآ ما مشاركة اليوم

الرابع ..... تصومي وتفطري علي خير .

يا ام راما لو سمعتك ام منة تقول شنو ؟؟؟؟؟
لسه بتشكى وبتقول باقى ليهم اكتر من ساعتين ونص عشان يتمو اليوم التالت وانتو دخلتو فى الرابع ....
غايتو بتطمنو بالطريقة دى .....

الاعزاء منصورى وود حلتنا راشد .رمضان كريم ...يومنا زى زيكم يعنى من الصباح بصحى عادى وانا صايمة وبصوم طول النهار وبنفطر الساعة 7 و35 دقيقة بس اليوم عندى بيبدأ بدرى شوية .....
ام منة كل رمضان وانتى طيبة......ماتجرسى ح نعيد مع بعض.........

وها نحن نرمى يوم اربعة وراء ظهورنا ونترقب الى ماهو بعييد ... بعييد ... الى ملتقاى مع فاطرة قلبى وصديقتى ذات الاربعة اعوام .. نعم صديقتى وكثيرا جدا فى حواراتنا انسى انها لم تتعد الاربعة بعد ... بالامس وكعادتنا عبر الاسكايب نتحادث عن يوم الامس وكيف مضى والزاركم منو ومشيت انتا وين وفطرتا مع منو والفطور كان شنو وووو ... اذا بها تتوقف لحظة وتتذكر موقف مر بها ... بابا امس كنت بحضر فى توم اند جيرى وقام توم جا وكان ماشى معاهو ولدو الصغير جنبو .... بس قمت لقيت عيونى بدمعوا ... مالك يامنون ؟ قالت لى اتذكرتك ......
ماكان منى الا ان ادارى فتحة الكامب لامسح دمعة حسبتها افرقت كل ما فى دواخلى ... يا الله لما كل هذا البعاد وهذا الفراق عن الاحباب ؟؟؟؟

والله يا راشد حقو الواحد ابكي ذي بكــاك ده لنواصل جرسة رمضان

مع سفر الأولاد الي السودان ........ امس مساءآ جمعني تلفون مع

الأخ راشد الذي كان ضيفــآ مع الأخ عمـــاد منصور حمدالنيل ( حسع

أنا سألوني من الكلام ده ) المهم الساعة 2.30 صباحآ أنا في مطعم

قلعة روما عشان اشيل لي سندويشين شاورما لزوم عشاء وسحور

اتخيلوا هذا حال من سفر اولاده للسودان بارادته المهم الحصل حصل

لكن والله توبة ياحبوبة .

للفائدة : ابناء السيدة خديجه من الرسول صلى الله عليه وسلم هم ؟
1-القاسم زينب فاطمه عبد الله
2- ابراهيم القاسم زينب رقيه ام كلثوم
3-القاسم زينب رقيه ام كلثوم فاطمه عبد الله

الإجابة الصحيحة رقم 3
س 10 كل بنات الرسول صلى الله عليه وسلم ادركتهن الوفاء فى حياته الا ؟

1 رقيه 2-فاطمه 3-ام كلثوم

الإجابة الصحيحة فاطمة الزهراء

تحسبهم اغنياء من التعفف

اعلم تماما ان واحد من اهداف مشروعية صوم رمضان هو الشعور بالحرمان والجوع الذي يكابده الكثيرون والذين تزايدت اعدادهم .
(كاف) امرأة لها طفلان بنت وولد تركها زوجها قبل اكثر من 10 اعوام وهما الان في ( تين ايدج ) عرفتها قبل خمسة اعوام بواسطة احدي الاخوات المجاهدات في سوق الله اكبر ووقتها كانت تعمل في السوق في تحويل الرصيد وبعد ان اكسد هذا البيزنس اثقلتها ظروف الحياة بالديون فاخلت دكانها وحرمت علي نفسها واطفالها خلو الرجل وجلست محتارة ماذا تفعل متطلبات الاطفال لن تتوقف وسياط الحوجة الهبت ظهر قلبها وكسرت خاطرها .. كلما التقيها لا اسمع منها شكوي غير الحمدلله التي تنطقها باطمئنان وراحة لدرجة اني انسي كل هموم الدنيا وتعطيني درس في القناعة والصبر .. تعلمت من هذه الظروف الطاحنة ان تسخر من الحياة..تذكرتها مع هذا الشهر اتصلت عليها في الهاتف مغلق وحسبت ان مكروها الم بها او باحد العيال وهي تسكن في الحي العريق بالحصاحيصا اقتربت من المنزل ولم اشتم اي مظهر من مظاهر رمضان او ان اي رائحة سوي المسغبة التي تأب ان تخرج رائحتها تعففا من هنالك .. طالبت من احدي الصبية الذي يلعب مع اقرانه ان ينده عليها .. جاءت ( كاف ) بعد برهة هالني مارأيت شحوب وعيون غائرة وهزال كتمت ذلك في نفسي حتي لا أحرجها وسالتها كالعادة عن احوالها فقالت نحححححمد الله وحتي اتأكد من انها بخير سالتها ان كانت صائمة وبسخريتها المعتادة اجابتني ( يا ابوعلي نحنا ما صايمين ديما ) والضحك المعافي ينطلق منها وقلت لها لماذا التلفون مغلق فزادت ضحكتها وقالت ( التلفون مرهون ) عرفت دون حاجة ان تقول لي انها حوجة رمضان.
هذه ليست قصة من نسج الخيال انه ماحدث بالفعل (كاف ) امرأة حرة جديرة بان تجد مساعدتنا علي الاقل ان اطفالها لا يستحقون ان يبدأوا العمر بالمعاناة
هذه ليست خاطرة انها الحقيقة اتوقع من البعض ان يتصل علي لنسعد هذه المرأة والعيد وما تبقي لرمضان .

اليوم الرابع صيام :
1- الجسم بعد 4 أيام أتكيف مع وضع الصيام ، والكيرف بعد مانزل حيبدأ يطلع الأسبوع الجاي (بتوقيتنا نحنا ما بتوقيت أم راما ).
2- ليه الحلو مر ده مشروب رمضاني بس طالما هو طافئ للظمأ ؟ وده بإعتبار أن الصيف في السودان يمثل الجو الغالب ؟ ليه شركات المشروبات الغازية ما حاولت إنتاج مشروب فيهو النكهة بتاع الحلو مر ؟
3- أخ جنوبي يعمل في شركة أماراتية ، توفر الشركة له تذكرة سفر الي وطنه الأم علي أساس سعر طيران الأمارات (الدرجة السياحية ) إلي مطار الخرطوم (قبل الإنفصال )، بعد الإنفصال طالب الأخ الجنوبي شركته بإعتبار كمبالا معياراً للديستنيشن بإعتبار لايوجد حتي تأريخه طيران بين جوبا وطيران الأمارات !!بالإضافة لهذا طالبته الشركة بتغيير الجنسية وجواز السفر وبالتالي تحديث بيانات الإقامة !
4- ما سمعتَ أنو مسلمين من دول زي أندونيسيا أو نيجيريا أو النيجر أو حتي السودان شافو الهلال بالرؤية المباشرة وصام العالم علي أساس شهادتهم ، القضية تطرح ضرورة الأخذ بالحساب الفلكي بإعتبار أنو علم يتوحد الجميع في الأخذ بمعطياته .

" فمن كان منكم مريضاً أو على سفر فعدة من أيام أخر"
هدي مشاركتي لليوم الرابع في زول عندو كلام ؟؟

المحبوب أحمد الأمين كتب:: " فمن كان منكم مريضاً أو على سفر فعدة من أيام أخر"
هدي مشاركتي لليوم الرابع في زول عندو كلام ؟؟

تب مافى كلام .....
الا مترتر لى وين اللخو ؟؟؟؟؟؟؟؟؟؟؟

اقتباس :: المحبوب أحمد الأمين الخميس أغسطس 04, 2011 11:54 pm

--------------------------------------------------------------------------------

" فمن كان منكم مريضاً أو على سفر فعدة من أيام أخر"
هدي مشاركتي لليوم الرابع في زول عندو كلام ؟؟

يا المحبوب كلام الله والرسول ما بناباهو بس الفيك إتعرفت !

مر هذا اليوم وليس فيه جديد يذكر ولا قديم يعاد حتى الامطار الغزيرة التي هطلت كنا نتمنى ان يكون
هذا اليوم باردا مثل الامس ولكن كان هناك هجير شمس شديد السخونة
ورمضان مر سريعا - كما يقال مرت الايام كالخيال احلام - الناس حاليا يجب ان تفكر في
العيد من لان رمضان انطلق مثل الصفصاف - كلمة الصفصاف الذي هو بص سياحي وقد انتشرت الباصات
السياحية الكبيرة في الحصاحيصا وقد كتلت الحافلات - حيث اصبحت هي المفضلة بالنسبة للغالبية العظمى من الناس - والصفصاف يطلقه مواطنو الامتداد خاصة على مؤذن حي الطائف حيث يكون الصائمون
في حالة ترقب لاذان الافطار ومؤذن حي الطائف الذي يقع شمال الامتداد بالقرب من المصانع يؤذن قبل جميع المؤذنين في الحصاحيصا بحوالي خمس دقائق بعض الناس يفطر عليه وبعضهم يشكك فيه ولايفطرون الا مع
بقية المؤذنين حيث يقولون يمكن ان نضيع يومنا بسبب خمس دقائق ونحن تحملنا صيام اليوم كله

يوم رابع ساكن في اولو وحركه دؤوبه في اخره

والحمد لله اني مسلم

واستغفر الله الذي لا اله الا هو الحي القيوم واتوب اليه

» يوميات صايم( اليوم السابع)
» يوميات صائم (اليوم الرابع والعشرين)
» خواطر فيل (اليوم الرابع)
» يوميات صائم (اليوم ال 21 )
» يوميات صائم ( اليوم 22 )