شوقي الكثير الي الحصاحيصا

السلام عليكم ورحمه الله وبركاته ( صديق جديد من ارض المحنه ومن قلب الجزيره ) الاخبار في الحصاحيصا شنو والجديد فيها شنو واخبار الهلال والمريخ والناس كلهم بخير ::::: اسعار المواد التموينيه والمواشي الرواتب مع زياده السوق زادت ولا لسع والمواد البتروليه والاجواء عامه

مرحب بيك كثير ابن العم والاخ/ مدثر الهدي ولك خاص تحياتي وربنا يعدل حال السودان ونرجع جميعا
تحياتي لك واسرتك الكريمة والاخوان

يا مدثر ليك وحشة
تقبل تحيات الدكتورة فاتن سليمان

با مدثر الهدي
سلامات
تسأل كدا شكلك جايي تعيد الضحية هنا
السوآل ما بوريك الحاصل
الهلال والمريخ راحو في حق الله واعلنوا الافلاس والاندية بقت للمشاهدة فقط والنيل قريبا بعد ما تراجع للمركز التاسع
المواد التموينية علي قفا من يشبل لكن الناس ما شغالا بيها والمرتبات كويسة وما عندها عوجة زي ما خليتها والمواشي بدل ما كنا نضبحا في العيد السنة دي حتضبحنا ولو حريف تعال يوم العيد فبل الصلاة بدقائق تصلي وتطايب الناس وتآكل ليك كضم كضمين مرارة وقطعتين شية وتحبس بي كباية شربوت دا يعني لو لقيت ليك زول ضابح في الحي نظام تتكوكب عليهو نظام مغتر جايي ما ناقش حاجة وبعد داك تتكل علي الله تحصل طيارتك وكمان لو كنت عاقل خليك قبلك هناك ورسل لينا عشان نضحي بيك..
تسلم يا هدهد

يامدثر
اولا : نرحب بيك كتير
ثانيا : منتظرين مساهماتك ومشاركاتك
ثالثا: اما بالنسبة للاسعار لا نستطيع ان نحددها لك
لاننا ربما نقول ليك كيلو اللحم (الضااااان ) بثلاثين جنية
وعندما اخرج الى السوق بعد كتابتي هذه اليك مباشرة
اجدها اصبحت اربعون جنية وعندما تحضر انت الى السودان
بعد خمسة عشر يوم تجدها بثمانيين جنية واحس باني غشيتك
وخدعتك عشان كدة تعال فى اي وقت تشاء بس اكون عندك
دولار حي واجازتك تكون ثلاثة ايام بالكتير وما تمرق فيها كتير
عشان ماتجيك ملاريا
وشكرا ليك اخى مدثر ونحن نرحب بيك كتيييير
ودمت
المغربى

حقيقة الحي بلاقي
‏ وييييينك يا مدثر والله ليك وحشات جميلات وكل الاشواق
‏ يازول تعال سلم من بداية الحصاحيصا لحدي اركويت
‏ والبلد مشتاقاك
‏ جل تحياتي واشواقي والاولاد
‏ أخوك داؤد

كيف اقول مشتاق وانا العلمت وصل الشوق سافر ليكم يطمنا ويشيل اخبار يزيل احزان ويزيد اشجان وسكه طويله ممدوده من خاطر الفرح

عنوان تحسكم انتم معاي واصلي معاكم مافارقه دربكم يوم ولاتعب السفر ترحال ( والف الف الف مبروك اخي وحبيبي وليد العشي االزواج وانشاء الله بيت مال وعيال

ياوليد و

حسن وراق والصادق وداوود سسسسسسسسسسسسسلامي الي جميع من يسال عني

لكني ماطمنتوني علي السودان

ياكمال الجمل اخبارك وعيالك انشاء الله كلهم بخير والشغل معاك الناس ديل مابطمنو خالص لو دي حقيقه السودان ماماشين السودان خالصصصصصصصصصصصصصصصصصصصصصصصصصصص

اهلا بيك ابن الخاله والعم .
ماتجرس اهو نحنا عايشين سمعتة فى زول مات من الجوع بس نحن والفلس بقينا متلازمان .والله لوالحال مشه كويس ماعارفنى صديقنى الفلس دا حيمشى وين .وانت اصلا حاتجى اجازة صاح تعال عيش بسيط من المعاناه .وتصل بالسلامة.ونحن فى انتظارك.

» شوقي بدري في الحصاحيصا دوت كوم
» الابتسامة تصنع الكثير
» الشذوذ الجنسي في السودان ( المسكوت عنه ) شوقي بدري
» والد شوقي العوض في ذمة الله
» أمير الشعراء أحمد شوقي